المشاركة الأصلية كتبت بواسطة abouzaid555
طبعا ياجماعة انا مشكلة التكييف عندى مالهاش حل انا شارى العربية من سنة والعربية الحمد لله زى الفل و انا بحبها جدا ولكن التكييف هو اللى حيخلينى ازهق منها انا من يوم ما اشتريتها و انا صارف على التكييف حوالى 2400 جنيه مابين شحن حوالى 12 مرة و تغيير سربنتينا و بلف و ...........
المهم اخر لما زهقت منه قلت ياواد سيبه و اهو الشتا داخل و مش حتشغله قلت من يومين اجرب اشغله بصيت لقيت مش سامع للكومبروسر اى صوت و اشغل المفتاح من جوة بتاع لمبة التكييف اللى بيشغل الكومبريسور المفروض لما اشغله احس بتغيير فى صوت المحرك لقيت مفيش اى تاثير و لكن المروحة الداخلية اللى هى تحت التابلوه على الجنب اليمين شغالة و بتجيب هواء و لكن الكومبريسور مالوش اى اثر حتى التكة اللى لما بيشتغل بيعملها مش باسمعها مش عارف ممكن يكون الكومبريسور اتحرق ولا ممكن يكون علشان فاضى من الفريون علشان كدة الكومبريسور مش بيقوم ولا فيوز ولا ايه افيدونى ربنا يبارك فيكم على ما اروح لواحد عنده ضمير فى اسكندرية يشوف فى تسريب ولا العيب منين بالظبط و شكرا لحضراتكم
و اسف على الاطالة