السلام عليكم و رحمة الله و بركاتة
انا عايز اغير الزيت و هحط حاجة 10000 و مش عارف اخلينى زى منا موبيل ولا اجيب حاجة تانية تبقى احسن شل او توتال مثلا
ياريت حد يفيدنى
شكرااااا
عرض للطباعة
السلام عليكم و رحمة الله و بركاتة
انا عايز اغير الزيت و هحط حاجة 10000 و مش عارف اخلينى زى منا موبيل ولا اجيب حاجة تانية تبقى احسن شل او توتال مثلا
ياريت حد يفيدنى
شكرااااا
صباح الخير
انا مع موبيل 1 على طول ومريحني بس ماجربتش الزيوت الأخرى بصراحه بس فعلا آداء الموتور بيختلف مع موبيل 1
تحياتى
شكرااا يا استاذ محمد
بس ناس كتير قالت ان موبيل مجرد ماركة بس لكن زيتها وحش
عموما العربية الجين 2 موش محبذ ليها انك تستخدم زيت تخليقى زيى موبيل 1 و انما ممكن تستخدم زيت نص تخليقى
- شل و هو جركن ازرق على ما اعتقد ثمنه 180 جنيه تقريبا و بيقعد 7000 كلم
- Visco 3000 و ده نص تخليقى برضه زيى الشل بس بيقعد 10000 كلم و مستورد و ثمنه 117 جنيه و ده اللى انا باحطه فى عربيتى
شكراااا يا استاذ احمد
انا غالبا هحط شل هيلكس بلس (الازرق)
موبيل 1 طبعا احسن الزيوت و انقاها
شكراا يا باشا
فعلا فى ناس اعرفهم بيشكروا فى زيت امارات مصر
بس انا حاسس ان شل هيبقى احسن مش عارف ليه
شل عن تجربة :verygood: بيقعد اكتر من معدلة بدون نقصان او سواد شديد ولزوجة حتى النهاية يحبذ الزيت المعدنى عن التخليقى فى جين 2 الجميلة على حد علمى زى ماقال ا/احمد مش عارف لية ؟!!! :shyy: بس الماليزين قالو كدة ولم يحبذو شل هيلكس بلس الازرق فبستعمل عن نفسى هيلكس او التنرا فقط :36_7_7[1]:
ربنا يوفق
انا جربت شل هيلكس بلاس الازرق " النصف تخليقى " و مشيت بيه 8000 كيلو , اكتر من ممتاز .
و حاليا بجرب شل هيلكس الترا , فرق اوى فى صوت الموتور .
عموما كل منتجات شل اكتر من ممتازه , حتى البنزين بتاعهم فى فرق عن موبيل !!
الزيت الشل الازرق النصف تخليقى زيت بيستخدمه ناس معاها العربية و عاملين كيلو متر كتير و قالولى انه بيريحهم جدا و اداء العربية ممتاز مع الزيت ده
عموما انا هاحاول ادور على لينك كنت شوف فيه قبل كده ان بروتون بتنصح بزيوت شل بس موش فاكر اللينك ده فين هابقى ادور عليه و اجيبهولكوا
بص بقى يا باشا .. انا كنت حاطط كالتكس هافولين الى هو بيعمل 5000
كان مريح العربية جداً .. و كان موطى صوت الموتور
لما غيرت حطيت موبيل 1 .. مقرف جدا .. و معلى صوت الموتور و السحب بقى ضعيف
انا ناوى انزله تانى .. و احط كالتكس
كالتكس ده انا عرفته من الماليزيين نفسهم ... قالو ده احسن زيت ماشى مع العربية
و نصيحة ما تحطش تخليقى .. لأن الموتور عفى و حرقه عالى .. التخليقى مش هيستحمله
شكرااا يا رجالة على الردود
انا إن شاء الله هحط شل هيلكس بلس
عشان موبيل فعلا مش حلو ( عن تجربة الناس )
شكرااا ليكو
يا حماعة انا مش عارف اعمل ايه في حوار الزيت دا؟؟؟؟
اخليني عالتوتال و خلاض ولا اجيب شل الاصفر احسن؟
اناا كنت عايز اجيب شل الازرق بس يقال انه مش محبذ للجين.....
فا ايه الكلام و النص تخليقي ينفع ولا ايه؟؟
و يا تري visco 3000 دا بيقعد 10,000 ولا لا؟؟ " هوا معدني اعتقد " و بيتباع فين
يا ريت تفيدوني لاني مش مقتنع بتوتال دا خالص
السلام عليكم يا شباب
مع اني بستعمل موبيل 1 بس عندي واحد صاحبي شغال في شركة بترول اجنبية وبيعمل تجارب على جميع انواع الزيوت قالي ان كالتكس افضل نوع من الزيوت وممكن يقعد الف كيلو زيادة كمان عن عمره الافتراضي
انا حاطيت شل هيلكس بلس الازرق و الحمدلله جميل جدا
و هل ريحك احمد يعنى حسيت بفرق ولا لا لانى داخل على صيانة ال15 الف و كنت بفكر اغيرو بشل هيلكس بلس الازرق , بس انتا غيرتو برة ولا فى التوكيل عشان بفكر اعملو برة و مش عارف هل هايتكلمو على الموضوع دا ولا لا و لا انتا ايه رايك عشان توتال بصراحة تعبان اوى كمان كنت عايز اعرف فلتر الزيت بيتغير كل اد ايه !
انا بغير بره التوكيل و هوا حلو مريحنى اه بس مش هيفرق معاك ان مثلا السحب يبقى زيادة و كده بس الموتور تحس انو هدى كده
فلتر الزيت ممكن يتغير بعد 9000 ك ده على حد علمى لاكن لو هتغير نوع الزيت يبقى تغير الفلتر لازم
الف الف شكر احمد بس هل التوكيل اتكلم معاك انك بتغيرو برة ولا و على فكرة انا معايا جين صفرة بردو
انا طبعا مش بروح اقولو انا غيرت بره هو بيطلب منك فاتورة من صيانة انتا عملتها قبل كده فى التوكيل و بس خلاص كده و انا رحت عملت حاجات فى التوكيل بعد مغيرت الزيت بره و محدش اتكلم معايا فى حاجة
و لو فى حد اتكلم اديلو على دماغو و هياخدو العربية و هتبقى فى الضمان برضو غصب عنهم
عن تجربة شخصية
معايا ماتريكس زيرو عاملة 21000
غيرت عند الألف.............. شل ألترا........... تخليقى :M_yes[1]:
غبرت عند ال8500....................... شل ألترا......تخليقلى :M_yes[1]:
غيرت عند 17500 ...................... أمارات مصر (باور سينث)............تخليقى :120146b
شل فى المقدمه وبفرق كبيير
انا متضايق اوي انو مينفعش تخليقي مع الجين...
بصراحة انا ميش فاهم يعنى ايه تخليقى و ميش تخليقى ممكن ابقى عارفها بس اللفظ نفسو ميش فاهمو
الف شكر DRguevara على المعلومات و على تعبك
انا مش مع حضرتك في الكلام ده.....كلام ملوش اي اساس علمي.اقتباس:
نصيحة ما تحطش تخليقى .. لأن الموتور عفى و حرقه عالى .. التخليقى مش هيستحمله
معني كده ان مواتير المرسيدس ال 3000 سي سي والمواتير الي فيها تربو مينفعلهاش تخليقي.
ده الجين 2 1600 110 حصان يعني عادي جدا دا ال هوندا سيفك 1600 124 حصان.
ولو حد عندي راي تاني يقول ويوضح هل مينفعشي تخليقي مع الجين 2 وياريت لاستاذ توت يقولنا رايه لان الراجل عنده خبره كبيرم بالعربيه
شباب ليه الجين 2 ماينفعش فيها زيت تخليقى ؟؟؟
الجين 2 موتورها زى اى موتور ممكن يشتغل على النوعين !
ده رأيى برضو ان ممكن تخليقى عادى و مش هيعمل حاجة
موضوع جامد ويا ياريت يكمل
أنا عن نفسى حطيت زيت فيسكو 3000 وهو زيت نص تخليقى
يا ريت حد يرد علينا في موضوع الزيت دا عشان عايز اجيب الشل ال10000
فعلا يا جماعة اه افضل زيت للجين
انا شخصيا مرتاح جدا مع الموبيل 1 وبغيره برا التوكيل لان التوكيل بيستعمل زيوت شل و انا حاسس ان موبيل افضل
و كمان انا سألت احد المهندسين فى شركة موبيل على موضوع تغير لون الزيت الى السواد قالى المهندس ان الزيت اللى بتغير لونه الى السواد دا معناه انه بيحتفظ بالرواسب الموجوده داخل الموتور و طلمبة الزيت و مع تغيير الزيت كل الرواسب بتنزل معاه انما الزيت اللى تحطه زى ما تنزله دا مش كويس على الموتور لانه مبيحتفظش بالرواسب و بيتركها داخل الموتور و طلمبة الزيت
كلام الاستاذ فرج الله
تماااااااااااااااام
وانا واحد من الناس من ساعة ماجبتها وانا بغير الزيت تخليقي كل 8500 كم
مره كان توتال
واخيرا شل هيليكس
انا شايف ان شل انضف حاجة
انا كنت سألت توت باشا وقاللي خليك ف توتال 5000