مساعدة مهمة يا جماعة
تعرف ميكانيكي كويس للانوس في اسكندرية
واحسن مكان لقطع الغيار
انا لسه جديد في موضوع العربيات وعايز حد امين وثقة
يرجى من العضو عدم اغراق الموضوعات الاخرى و فتح موضوع مستقل لسؤالك
مشرف القسم
عرض للطباعة
مساعدة مهمة يا جماعة
تعرف ميكانيكي كويس للانوس في اسكندرية
واحسن مكان لقطع الغيار
انا لسه جديد في موضوع العربيات وعايز حد امين وثقة
يرجى من العضو عدم اغراق الموضوعات الاخرى و فتح موضوع مستقل لسؤالك
مشرف القسم
بص يا باشا فى واحد مشهور جدا فى سيدي بشر اسمه الزرانى اصحابي بيصلحوا عنده وعنده كمبيوتر كمان، بس انا لسه مارحتش ومش عارف فين بالظبت (غالبا عن النفق او جنبه)
وفى فى اخر شارع سوتر قبل الترام بمحلين (عم حنا) تلاقى جنبه محل بيبسي ده راجل امين جدا جدا بس ماعندهوش كمبيوتر يعنى الصيانات اللازمه والدوريه هو تمام فيها، انا لسه مغير عنده طقم تيل امامي
طيب بالنسبة للاسعار اسعارهم كويسة
اصل انا سالت علي الزراني قالو لي انه غالي شوية
وبرده محتاج اعرف مكان لقطع الغيار كويس يكون برده حاجته كويسة ومايضحكش عليا في الاسعار
انا كنت في اسكندرية يوم الجمعة اللي فاتت بالعربية وماتعرفش ايه اللي خلاني افكر لو العربية حصل لها حاجة هاروح لمين انا غريب وماعرفش حد هنا بس كويس انك قولت
ادخل على الموضوع المثبت حتلاقى لينك لموضوع فيه كل المعلومات عن ورش و محلات الاسكندرية
MMamdouh
بالنسبة للورش يوجد ورشة كبيرة بالأزاريطة اسمها المأمون عنده كمبيوتر وكان واخد توكيل صيانة دايو انا باصلح عندها
بالنسبة لمحلات قطع غيار الدايو محل النجم الكوري بجوار الأستاد خلف الأمن المركزي و ايضا اطلس وذلك في نهاية شارع صلاح الدين
انا عرفت اخيرا ميكانيكي محترم جداً وهو الشيخ طارق وورشته مقابلة للاكاديمية في ميامي و عنده كمبيوتر و من معاملتي معاه وجدت انه محترم و بيخاف ربنا و تليفونه 0101952691
اول شارع يمين من اللاجتيه ورشة الامل
متخصصين دايو من 10 سنين
وعندهم كافة قطع الغيار الاصلية
وعندهم كمبيوتر
صاحبها اسمه على
بص ياباشا هوصفلك ورشة شغالة فى الكورى واليبانى متخصص فى الدايو وعندة اسكانر والمهندس اللى شغال عالية اسمة عمر وبيسافر كوريا بياخد بياخد دورات فى المواتير الكورى.
صحاب الورشة سامح وناصر ناس محترمة وامينة وفاهمة شغلها وحفظين الدايو كلة وماشاء الله شغالين وعليهم ضغط عالى
مصنعية معقولة جدا ارخص بكتير من مراكز خدمة تانية + شغل نظيف ............ كل اللى هتحتاجة من قطع غيار جديد او استعمال هتلاقية بمحلات كتيير جنب الورشة .
العنوان :طريق الساعة الرأس السودا , مساكن عثمان , خلف سنترال مصطفى كامل . دخلة المساكن الشارع اللى اولة الشاطبى بتاع الكاوتش قبل السنترال على طول تدخل الشارع دة شمال × يمين × اول يمين اخرة على ايدك الشمال الورشة.
لو مش دايس فى المنطقة دى كويس قولى اوصفلك بالتفصيل اكتر ولو ناوى تروح قولى هظبتك
انا باشكركم جميعا يا جماعة علي مساعدتكم والمعلومات اللي قولتوها
بس انا كنت عندي طلب كمان حد يعرف بوهيجي كويس يشدلي العربية شدة كويسة ويريت يكون معاه سمكري كويس طبعا في اسكندرية برده
الاسكندرية مليانة ورش سمكرة وبوهياجية ممتازة
بس نصيحة لحضرتك لما تتعامل مع سمركى وبويجى افضل ميكونوش تبع بعض
روح لسمكرى الاول يظبتلك الشغل ولما تخلص روح للبوهيجى اللى ترتاحلة بعيد عن معرفة السمكرى عشان طبيعى البوهيجى بيعدل علية لما بيلاقى عيب فى الشغلة هيقولك روح للسمكرى يظبتهالك وتعالى لكن لو الاتنين صجاب او تبع بعض البوهيجى هيدارى على اى عيب وهيعالجة بنفسة يعنى مش هيطلعة عامل شغل وحش .
اختار البوهيجى واعرف هتروح لمين قبل ما تروح للسمكرى عشان طبيعى هيقولك عندك بوهيجى ولا ابعتك لحد
وابعد عن الاورش اللى بتاخد العربية منها على المفتاح .
ولما توصل لسمكرى وبوهيجى كويسين يبقى قولى عشان ناوى برضو اشد العربية سمكرة ورش من اثر التعليم عاليها.
عم حنا انا شايف انة كويس فى الدايو لاكن يعيبة انو معندوش اسكانر و لكن حيجيب قريبا على ما اعتقداقتباس:
وفى فى اخر شارع سوتر قبل الترام بمحلين (عم حنا) تلاقى جنبه محل بيبسي ده راجل امين جدا جدا بس ماعندهوش كمبيوتر يعنى الصيانات اللازمه والدوريه هو تمام فيها، انا لسه مغير عنده طقم تيل امامي
دة ف شارع سوتر فى وش كلية لحقوق حتلاقى جنبة محل خردوات و بيبسى بس مش اللى على الناصية الى على الناصية دة مش تبعة
الحمد لله إن (وائل) نسيب و إبن عمة (علي) (علي مصطفى) إستقل بذاته على
بعد أمتار من مركزالأمل ، مع كامل إحترامي للأخ (على مصطفى) لكن هناك فرق
في حبكة الصنعة (وائل إشتغل في التوكيل من سنة 99) لغاية ما ربنا كرمه و
إستقل بذاته و ساب التوكيل و مستحيل يفتي .
كلامي من واقع تعامل من سنة 99 لغاية 2007 .
إللي عايز موبايله يبعت لي على الخاص علشان ما يبقاش إعلان .
السمكري بتاعي في نادي الصيد بقالي معاه (10) سنين و علاقتنا بفضل الله وصلت
للصداقة ، بعد ما نقلت للقاهرة من سنتين و أي مشوار له في القاهرة بعد ما يخلصه
بيتصل و ييجي يزورني ، سبق و راح له زميل معانا في قسم رينو من فترة و الحمد
لله مشي من عنده مبسوط (إتصل يبلّغني و هو سايق و خارج من نادي الصيد
بيطمنّي و يشكر في السمكري) .
السمكري عمره لا باعني و لا باع غيري من معارفي لأي بتاع دوكو .
بص ياباشا هوصفلك ورشة شغالة tفى الدايو فقط خلف دار محمد رجب للمسنين بالاسكندرية مهندس محترم وعنده قطع غيار مضمونة اسمه ماجد السيد