الموضوع: Gen2 2008 Vs Gen2 2009

يا جماعه الموضوع بسيط جدا واسمحلى يا استاذ/توت اوضحها بطريقه تانيه

التسارع له علاقه بالزمن (يعنى وصلت سرعه كام فى زمن كام ثانيه)
والمنحنى الاول للعزم Nm (قوه لمسافه معينه) مع عدد اللفات والثانى القدره (قوه فقط) مع عدد اللفات والاثنين ليس لهم علاقه بالزمن
يعنى المنحنيات ليس لها علاقه بالتسارع

الاخ صاحب الموضوع واحترامى لكل الاراء المحترمه .. ده شكل يبين كل الفروقات بين المحركين 2008 و2009 اوتوماتيك والملخص ان IAFM يتفوق فى خمس نقاط عن الكامبرو العادى ويتساوى معه فى خمس نقاط اخرى

المنحنى للـ اوتوماتيك للتاكيييييد يا جماعه



تحياتى

يا جماعة .......... كلامكوا على العين و الرأس
و يا أستاذ compuland أنا وضحت قبل كدا أن الموتور الجديد عزمه أفضل و لم أنكر و لا أستطيع أن أنكر أو أجادل في شئ محسوم .

أنا كل اللي بتكلم فيه التسارع .
أنتوا بتقولوا أن تسارع الجديدة أحسن ...........
و أرقام شركة بروتون بتقول أن تسارع القديمة أفضل ثانية واحدة .
بس ........... أنا مش هاقول أكتر من كدا
و أنا بتكلم عن تجربة ....................... مش كلام ورق ......... لأن التجربة حاجة ............. و الكلام حاجة

بس أكيد .......... سواقة الموتور الجديد على سرعات صغيرة أريح و أفضل من القديم
خصوصا أن الجديد
صوته أهدى ........... و أنعم ........... و عزمه أعلى على سرعات صغيرة .

القديم ميزته ......... عزمه أقوى على سرعات أعلى ......... و لكن بطريقة غير محسوسة جامد لأن القديم بيفرق في سرعات عالية قوي .
يبقى برضه الجديد أفضل .

إنما ساعة التجربة ........... و التسارع و الوقت ............. القديم بيكسب بفرق ثانية
أنتوا محتاجين تجربوا العربيتين علشان تعرفوا أنا بتكلم على أيه و أقصد أيه .

على فكرة العربية القديمة المانوال ............. أفضل من الجديدة الأوتوماتيك في التسارع ........... و عن تجربة .
و بصراحة لم أجرب الجديدة المانوال ........... بس حاسس أنها هاتكون أفضل و الله أعلم .

و أرقام سركة بروتون المعلنة للتسارع للسيارات الأربع .......... عندكم على الموقع الإلكتروني بتاعهم ......... مش كلام من عندي .

كمان فيه حاجة .
لما نبص على الرسم البياني اللي حضرتك أرفقته
هانبص على الصورة اليمين ............ هانلاقي فيها علاقة العزم معه سرعة الموتور .......... و دي اللي فيها العزم بيثبت و بعدين يبدأ يطلع تاني و دي بتضايق في الأوتوماتيك علشان تحكمك في العربية أقل .......... بالاضافة أن الاتومايتك مختلف في الأستجابة عن المانوال .
في المانوال ............. مش باينة خالص و ناس كتير جربت العربيتين و لهم نفس الرأي .

لما نبص بقى على منحنى القوة الحصانية اللي في الصورة الشمال .
هاتلاقي أن القوة الحصانية بتزيد عادي و مش بتقف خالص ............
و ده بيبين أن سرعة الموتور مش بتقف نهائي أو سرعة العربية ............

موضوع العزم بيبان لما تكون محمل العربية على أخرها مثلا ............ فبتحتاج تدوس بنزين أكتر علشان تأخد عزم أعلى من العربية علشان خاطر الحمل اللي معاك .

و مرة تانية زمن التسارع للجين 2
القديمة مانوال 10.5 ثانية للوصول لسرعة 100 كم - س
القديمة أوتومايتك 13 ثانية للوصول لسرعة 100 كم - س

الجديدة IAFM مانوال .... 11.2 ثانية للوصول لسرعة 100 كم - س
الجديدة IAFM أوتوماتيك ....13.5 ثانية للوصول لسرعة 100 كم - س

الجديدة CPS 127 حصان ( مش موجودة في مصر ) .... نفس تسارع الموتور القديم بالأرقام . مع أن عزمها أعلى ..... 152 نيوتن - متر مقارنة مع القديمة بشقيها كامبرو عادي و كامبرو IAFM اللي هو 148 نيوتن - متر
و كمان الحصان بتاعها أعلى 17 حصان كاملين .
و مع ذلك زمن التسارع لغاية 100 كم .............. متساوي مع القديمة و أفضل من IAFM

مرة تانية أوضح و أقول عن تجربة
الموتور القديم مع الأوتوماتيك مقارنة مع المانوال ........... أقل في التجاوب و أقل في التسارع .
و الموضوع كان باين أكتر في الأوتومايتك .............

بس مش معنى كدا أن التكنولوجيا الجديدة اللي راكبه ملهاش لزمة
لاءة طبعا ............ تكنولوجيا ممتازة و حلت موضوع العزم اللي كان بيان قوي في سحب العربية الأوتوماتيك .
و أنا طبعا بنصح اللي عايز يشتري جين 2 أوتومايتك يشتري الجديدة لأنها أفضل في التسارع من الأوتومايتك القديمة

و أرجوا أني أكون قدرت أوصل الفكرة للجميع