نايــل موتــورز كل سنة وانت بخير في عيدك الثاني
السلام عليكم ورحمه الله وبركاته
اخوانى واخواتي في نايل موتورز
احب اهنيكم جميعا بعيد ميلاد منتدانا الغالي علينا جميعا نايل موتورز
15-ابريل 2007 -----15-ابريل 2009
المنتدى ده انا شخصيا بيمثل لي جزء كبير من حياتى
فيه عرفت افضل اخوة لي في الدنيا
ناس عرفتهم في الله مش عايزين مني حاجة ولا عايز منهم حاجة غير حب الله والافادة
فيه خدت اسوء صفعات في حياتي بس الحمد لله الواحد لسه بيتعلم وهايفضل طول عمره يتعلم
فيه ناس استقطعت من بيتها واهلها وراحتها وفلوسها وعملها ايضا عشان يفضل قوى بفضل الله وعملهم بعد ذلك
احب اشكراعضاء نايل موتورزاللي تخطوال 37 الف الف عضو والحمد لله خلال عامين
نايل موتورز لسه قايم مبدأ عدم الربح ومازال له المصداقية في مجتمع السيارت والحمد لله بفضل عدم وجود رعاة رسميين له ننافقهم من اجل الحصول على دعمهم كما تفعل بعض المواقع الاخرى
رغم ما يتكلفة مؤسسيه من دفع مصروفاته من جيبهم الخاص بدون اي عائد مادي سوى ابتغاء مرضاه الله
احب اشكر ادارة نايل موتورز الجندى المجهول في هذا الصرح القوى والذين تصدو للعديد من الفتن الداخلية والخارجية ولكن كانو نعم الاخوة في المحن
احب اشكر كل الجنود المجهولين اللي محدش من الاعضاء يعرف عنهم اي شيء وكانو سبب من اسباب استمرار نجاح نايل موتورز
احب اشكر كل اللي طعنوا نايل موتورز واردو به سوء فلولاهم لما ظهر المعدن الاصيل لمن يحبوا نايل موتورز باعضائة بادارته ومن يظهر الشماته لمجرد الشماته
فعلا نشكر الاعضاء مرة اخرى وبالنيابة عن ادارة نايل موتورز (مؤسسين ومشرفين واداريين ودعم فنى ودعم تقنى )اتوجه بالتهنئة لكل الاعضاء
شكر خاص لاستاذ نادر الطرابيشى على تصميمه لوجو الاحتفال وشكر خاص لاستاذ حسام حسن على ترتيبه تورتة الاحتفال