ركبت فوانيس شبورة وسينسور ركن فى التوكيل واليكم التجربة والنصيحة

السلام عليكم و رحمة الله و بركاته
انا عندى عربية نيسان صنى 2009 الشكل القديم و قمت بعمل موضوع قبل كده علشان مقترحات أهل الخبرة و كان رد الأستاذ خليل مشكوراً
http://www.nilemotors.net/Nile/showthread.php?t=64525
بس انا نصيحتى انه لازم اى تعديل يتعمل فى العربية لازم يكون فى التوكيل و ده عن تجربة لآنى قمت بتركيب فوانيس الشبورة فى التوكيل ب 880 جنيه و سينسور باركينج ب 330 جنيه بس كل ده ركب فى نص ساعة و من غير اى عزاب و بعد ما عملت الموضوع بتاع مقترحات أهل الخبرة رحت محل موثوق من قبل المنتدى علشان أركب زينون و وحدتين رفع و لكن شفت يوم ملوش لازمة و ربنا لا يوريه لحد منكم و فى الأخر ركبت الزينون و وحدتين الرفع بعد ما بهدلت ضفيرة الكهرباء بتاعت العربية و طرمبة البنزين ؟؟؟؟؟؟ لأنها فصلت كهرباء و على فكرة وحدة الرفع بتشتغل مع السنتر لوك يعنى و انا ماشى بالعربية لو قفلت السنتر كل زجاج العربية يقفل.
علشان كده انا قولت اقول نصيحة لوجه الله ان التوكيل أغلى بس بيحافظ على العربية لأنه عارف كل كابل فى العربية رايح فيين و عارف هو لما بيفتح فى المكان ده بيفتح فيه ليه مش زى الصنايعية اللى بره بيحاول يدور....

الغالى دايما رخيص لانه بيحافظ على حاجتك وبعدين احنا الشعب المصرى عنده دايما مبدا اعملك اى حاجة ياباشا انته عايزها حتى لوما كانش بيفهم فيها وهى مشكلتنا اننا بننكسف نقول ماعرفش والف مبروك ياباشا بس هو سعر فوانيس الشبورة لوحدهم كام

الف شكر يا استاذ اسامة على النصيحة اللي ان برده بشجعها جدا, حضرتك قولت عملت فوجات في التوكيل , هل دي الصيني اللي في السوق ولا اصلي نيسان؟
و بعدين ده عند مين؟؟
انا كنت في السبع الاسبوع اللي فات و المهندس اللي هناك قاللي انهم مبيركبوش غير الاصلي و سعرهم 2000 جنيه!!! و مبيركبوش الصيني لانه مش مضمون و مش من عندهم.
ده حتى كنت بفكر اجيب لمبتين للعالي (شبيه الزينون) قاللي يخرجوك من الضمان:ma(30):

اقتباس:

---

المشاركة الأصلية كتبت بواسطة mohamed10

الغالى دايما رخيص لانه بيحافظ على حاجتك وبعدين احنا الشعب المصرى عنده دايما مبدا اعملك اى حاجة ياباشا انته عايزها حتى لوما كانش بيفهم فيها وهى مشكلتنا اننا بننكسف نقول ماعرفش والف مبروك ياباشا بس هو سعر فوانيس الشبورة لوحدهم كام

---

الله يبارك فيك يا باشا سعر فوانيس الشبورة 660 جنيه + 10% ضريبة و تركيب يعنى حوالى 800 لأنى ساعتها كنت بعمل صيانة ال10000 فدفعت 1300 جنيه ( 800 شبورة + 330 سنسور باركنج + حوالى 260 صيانة )

اقتباس:

---

المشاركة الأصلية كتبت بواسطة hany79

الف شكر يا استاذ اسامة على النصيحة اللي ان برده بشجعها جدا, حضرتك قولت عملت فوجات في التوكيل , هل دي الصيني اللي في السوق ولا اصلي نيسان؟
و بعدين ده عند مين؟؟
انا كنت في السبع الاسبوع اللي فات و المهندس اللي هناك قاللي انهم مبيركبوش غير الاصلي و سعرهم 2000 جنيه!!! و مبيركبوش الصيني لانه مش مضمون و مش من عندهم.
ده حتى كنت بفكر اجيب لمبتين للعالي (شبيه الزينون) قاللي يخرجوك من الضمان:ma(30):

---

العفو يا باشا انا بعمل الصيانة بتاعتى فى أبو رواش و كان الزينون فيه بحوالى 1100 ( نفس سعر السوق لأنى مركب فردة واحدة ب 500 جنيه ) و الشبورة الأصلى بالوش بتاعه بحوالى 660 و بالمفتاح يتاعه و السنسور باركنج بحوالى 330 و الجنوط الأصلى 4800 و كان عندهم حاجات حلوة زى مرايات كهرباء بس مش فاكر بكام .
و ربنا يستر لانى مركب وحدة الرفع برة التوكيل غير ان الدفيرة اتبهدلت ماخرجش بره الضمان:_Alshmokh11:

سينسور باركينج ب 800 جنيه فى السبع زهراء المعادى
فى أبو رواش ب 330
طبعا فرق شاسع لصالح ابو رواش ليه مش عارف ولم سئلت السبع على الفرق قولولى اصل انواع
طبعا اى كلام وخلاص .

على فكرة انا مركبه و معاه 5 سنسور على الاكصدام الخلفى و وحدة بتحدد كام متر على التابلوه و شغلوا نضيف جداً و من غير أى خساير...
يا ريت لو حد عنده فكرة هو تركيب الزنين و وحدتى الرفع يضيع الضمان و لا لأ......:shyy:

استاذ/ اسامة
ممكن رقم تليفونك على الخاص عشان عاوز اسئلك على موضوع السنسور لانى كلمت توكيل ابو رواش
وقولولى معاه 4 سنسور مش 5 على الاكصدام الخلفى برجاء الرد سريعأ...

اقتباس:

---

المشاركة الأصلية كتبت بواسطة AYMANEZZE

استاذ/ اسامة
ممكن رقم تليفونك على الخاص عشان عاوز اسئلك على موضوع السنسور لانى كلمت توكيل ابو رواش
وقولولى معاه 4 سنسور مش 5 على الاكصدام الخلفى برجاء الرد سريعأ...

---

يا استاذ ايمن انا اسف جداً لأنى فعلاً بصيت على السنسور و لاقيته 4 مش 5 فبكرر اسفى تانى....
و دى صور الشاشة بتاعت السنسور اللى فوق التابلوه و حتلاقى أزرق يمين و شمال و فى الصورة التانية لما يكون فى عائق على الشمال بمسافة 60 سم اأشارة بتبقى اخضر و اصفر ثم احمر كل ما تقرب مع الصوت طبعاً

1. http://www.postimage.org/Pq1zUpO0.jpg http://www.postimage.org/aV1B0RmA.jpg

استاذ/ اسامة
انا عملت بنصيحتك ورحت امبارح السبت 11/4 توكيل ابو رواش وعملت سينسور باركينج وفعلآ هو كويس وشغلوهم ممتاذ زى ما قولت ومعاه ضمان سنة وسعره بالتركيب بالضريبة 412.50 جنيه
وعملتوا بالون العربية ( عربيتى لونها فضى ) عشان كدة كان سعره اغلى من الاسود .
الاستاذ اسامة يريد كل الناس تقول زيك عن تجربة وفعلآ افضل حاجة التوكيل لانه مهما يكون غالى بردوه ارخص من برا بسبب الخسائر اللى ممكن تحصل الوقت اللى ممكن يضيع .
انت رجل محترم وشكرا على ذوقك.

اقتباس:

---

المشاركة الأصلية كتبت بواسطة AYMANEZZE

استاذ/ اسامة
انا عملت بنصيحتك ورحت امبارح السبت 11/4 توكيل ابو رواش وعملت سينسور باركينج وفعلآ هو كويس وشغلوهم ممتاذ زى ما قولت ومعاه ضمان سنة وسعره بالتركيب بالضريبة 412.50 جنيه
وعملتوا بالون العربية ( عربيتى لونها فضى ) عشان كدة كان سعره اغلى من الاسود .
الاستاذ اسامة يريد كل الناس تقول زيك عن تجربة وفعلآ افضل حاجة التوكيل لانه مهما يكون غالى بردوه ارخص من برا بسبب الخسائر اللى ممكن تحصل الوقت اللى ممكن يضيع .
انت رجل محترم وشكرا على ذوقك.

---

ألف ألف مبروك يا باشا .
و على فكرة بعد ما ركبت سعر الجهاز برة التوكيل بنفس السعر تقريباً بس تخيل كان حيتركب ازاى برة التوكيل من خرم الأكصدام الخلفى و السلوك كانت حتركب ازاى و كانت حتاخد وقت اد ايه و الشاشة بتاعته كانت حتركب ازاى فوق التابلوه كل التفاصيل دى برة التوكيل كانت حتكلف اد ايه .
على العموم نرجع لنفس الموضوع ان مفيش أحسن من التوكيل و عن تجربة..:shine[1]:

معلش يا جماعة اصل الصور مش مبينة أوى, هو مكانه فييين على التابلوه بالظبط

اقتباس:

---

المشاركة الأصلية كتبت بواسطة melkholy

معلش يا جماعة اصل الصور مش مبينة أوى, هو مكانه فييين على التابلوه بالظبط

---

مكانه فى الركن بين زجاج السيارة و التابلوه على الشمال خالص

100 100

و شكرا للأيضاح

طبعا الباركنج سنسور مفيد جدا خصوصا للي بيحب يركن عربيته بضهرها (fast escape )
بس بعد ما ركبته ورا
مفكرتش تركب واحد قدام برضو علشان لما تيجي تركن بوشك قدام رصيف؟؟