الموضوع: مشكله بسيطه قي speranza a113 اريد النصيحه

المشاركة الأصلية كتبت بواسطة sasamasasa

السلام عليكم

لسه شاري اسبيرانزا 113
من حوالي اسبوع بصراحه العربيه تمام وزي الفل بس كانت في مشكله بسيطه لما بقفل العربيه بالريموت اللمبه بتاعة الانظار ما بتنورش هنا يبقى العيب منين عشان اقولهم لما اروح صيانة الالف


شكراً

بسيطة هتقولهم ان اللمبة بتاعة الإنذار مش بتشتغل بعد ما تقفل العربية بالريموت و هو ده العيب مش كدا وللا ايه ؟؟
لكن لو الإنذار نفسه مش بيشتغل كمان يبقى دي مشكله تانيه برضه
و يا ريت يا عزيزي توافينا بأخبارك مع العربيه دي؟ لأني ناوي اشتري واحده و يا ريت تقلي اخترت لون ايه؟ و اشترتها منين؟ و خطوات الشراء؟ و استلمت ايه مع العربيه ؟
و كفايه الأسئلة دي بس دلوقتي علشان مابقاش بايخ
و شكرا مقدما و يارب يباركلك فيها و يعطيك خيرها و يكفيك شرها

شكرررررررررررررررا عالرد ولكن انا مش عارف اذا النظار شغال ولا لأ

وبخصوص السياره فهي ممتازه في كل حاجه موتورها ممتاز والساوند سيستم جامد ولكن وثابته عالارض عيبها اللي انا مش شايفه عيب جامد هو ان العفشه نشفه شويه وده انا شايفه انه في مصر يبقى كويس جدا عشان انت اكيد عارف شوارعنا عمله ازاي الله ينور
وان العربيات اللي عفشتها نشفه زي اللادا والشاهين هي اللي مشيه مع الشوارع دي

واللون اللي اخترته هو الفضي بس كنت محتار بينه وبين الرصاصي الاتنيم جامدين اوي عليها ودي حاجه ترجعلك

اشترتها من المهندس اتو موتبف اكتوبر لاني ساكن في اكتوبر رحت هناك واخترت اللون واستلمتها تاني يوم عشان ورقها كان لسه ماجاش من المصنع

واستلمت معاها العادي يعني كوريك وعده وشنطة اسعاف ومثلث وغطا ليها

وبعدين ولا بايخ ولا حاجه انت تؤمر واي سؤال تاني ان قي الخدمه

طب بالنسبه لقطع الغيار ايه نظامها؟ انا سمعت انها غالية و في التوكيل بس؟؟؟؟؟
عشان ان شاء الله ناوي اجيب العربيه

بص انا لما اشترتها كان عليه بوليصة تأمين شامله لمدة سنه فمفكرتش في حكاية قطع الغيار اوي بس لما سألت التوكيل قالي انها قريبه جداً من الكوري اللي في التوكيل

وفعلا بس التوكيل

شكراااااااا

العفشه نشفه شويه وده انا شايفه انه في مصر يبقى كويس جدا عشان انت اكيد عارف شوارعنا عمله ازاي الله ينور
وان العربيات اللي عفشتها نشفه زي اللادا والشاهين هي اللي مشيه مع الشوارع دي

عفشة ناشفة = ثبات على السرعات العالية

عفشة ناعمة = راحة


كدا شوارع مصر محتاجة عفشة ناعمة مش ناشفة .

المشاركة الأصلية كتبت بواسطة sasamasasa

واستلمت معاها العادي يعني كوريك وعده وشنطة اسعاف ومثلث وغطا ليها

وبعدين ولا بايخ ولا حاجه انت تؤمر واي سؤال تاني ان قي الخدمه

شكرا لمجهودك في الرد
لكن انتا متأكد من انك بتستلم غطاء للعربية مع الحاجات اللي بتستلمها؟؟؟
و كمان كنت عايز اعرف انتا عملت ايه مع المهندس اتوموتيف بالضبط لأني ساكن في اكتوبر و رحت هناك علشان اسأل على العربية و بصراحة كان استقبلهم لطيف جدا لكن عايز اعرف انتا دفعت كام و ايه الحاجات اللي ممكن تكون معجبتكش و انتا بتستلم العربيه ؟ و هل هما بيغسلوا العربية و ينظفوها عند الإستلام وللا لأ ؟
و شكرا يا باشا مش عارف اقولك ايه

ya basha kta3 el3'yar mawgoda w kol 7aga barra 2olly enta 3ayez eh w ana a2ollek feen w enzel share3 dmesh2 elly fe msr elgdeda feeh kol 7aga speranza w dah aked w ana eshtaret menno