الموضوع: التيدا بطيئة جدا مع التكييف

تمام انت متأكد انك مستلم الموتور تمام
يعنى العربية موديل 2006 ومع احترامى ممكن اللى انت كنت شاريها منو كان بيحرت جامد فى الموتور وكان مبهدلو عشان كده ممكن يكون الموتور خف كتير ومبأش بكفائة عالية
ده من وجهة نظرى

إنت عملت الصيانة بتاعة العربية ؟ يعني غيرت زيت الموتور ، زيت الجيربكس ؟ فلتر الهوه ، غيرت سير المجوعة ؟ مش سير الكتينة لأنو جنزير.
غير الحاجات دي وإن شاء الله حتتحسن.
وممكن تحط STP Complete Fuel System Cleaner من أي بنزن با ٦٣ جنيه د بيتحات مرتين في السنة علشان يندف نظام البنزين ، بس تحت و إنت مفول، وتحط مع تغيير الزيت بتاعة كدة من STP لونها ازراء ١٩.٥ ، وجرب بنزين ٩٥ لمدة إسبوعين لأنها أصلاً بتاخد بنزين ٩٥ واقرها في ال-Owner's منوال.

المشاركة الأصلية كتبت بواسطة for_ever

شكرا يا باشا علي ردك.
بص انا هقوللك اللي عملته في العربية من ساعة ما جيبتها (انا بشتغل في الرياض)
و انا بشتريها طبعا فحصتها في مركز فحص متخصص قالولي فيها كذا مشكلة:
1- صوفة الموتور عايزة تتغير (تقريبا الصوفة دي معناها ال oil seal)
2- صوفة عكس يمين و شمال عايزة تتغير
3- رمان البلي بتاعة العجلة اليمين امامي عايزة تتغير

المهم روحت لميكانيكي امين
و غيرلي كل الصوفات المطلوب تغييرها (تكاليف الصوفات حوالي 385 ريال, ده غالي و للا رخيص ؟؟؟) و كان اضطر انه يفك الجير بوكس كله عشان يغير صوفة الموتور (مش عارف ده صح و للا غلط)
و غيرلي فلنشة العجلة بالكامل عشان مش بتتباع لوحدها و كانت غالية اوي (650 ريال)
و الميكانيكي اخد اجرة ايده 500 ريال
و كمان ركبت كاوتشين امامي من نوع هانكوك (كوري) بيقولو عليه كويس لو حد بيفهم فيهم يا ريت يقولي رأية

ملاحظاتي علي العربية موضوع التكييف ده هيجنني
التكييف اكتر من رائع بس بيخلي العربية سلحفة

قالولي علي فلتر الهواء كويس بس انا لازم اشوفه بنفسي عشان اقدر احكم عليه
لسه ما غيرتش زيت الموتور و لا الفلتر بتاعه

المنوال بتاعها بيقول بنزين 91
و كمان زيت الموتور يبقي 10w-40

ايه رأيكم في الكلام ده ؟
اخوكم خبرته تعبانة في العربيات :)
معلش بقي ان شاء الله هتعلم :)

أنا ملاحظ انك دفقة ذي ما كنت حتدفع في التوكيل ، طب اى إلي خلق ماتروحش التوكيل وخاصةً انك برة مصر فأكيد في أمانة أكتر!!! في التوكيلات.
وبالنسبة للحاجات إلي غيرتها ، فإنت بعد مكاشفة على العربية وطلع فيها كل كدة اى إللي خلق تشترها ؟ أنا معك انها حاجات الحمد لله ممكن تتغير، بس حاجات كتير أوي ، ومحتاجة غالباً التوكيل لأنك بتؤل فك غير بوكس وحوارات كتير. المهم ربنا يبركلك فيها وإن شاء الله تبئة تمام
وبالنسبة للهانكوك فهو كاوتش محترم وعلى أد فلوسو فعلاً. Price=Value
وبالنسبل لا بنزين ٩١ فحتلئي مكتوب إن في حالة استثنائية أو في حالة عدم وجود ٩٥ حط ٩١ ، لكن الأصل ٩٥. وجرب الحاجات إلي كنت قلتلك تحتها وزبط بأي الحاجات إلي في العربية إلي إنت بتؤل عليهه وإن شاء الله العربية تمام ، وبعد كدة أحكم على العربية. علشان د مستعملة ولزم يتصرف عليها شوية علشان إن شاء الله ترجع zero
وبالنسبة لانك بتتعلم ، فيسدي كلنا بنتعلم بردو

ياراجل ده انا حاسك بتكلم عن ماروتى طبعا مش هتعرف ايه الماروتى دى علشان مش هتلاقيها فى السعوديه

بالنسبه للعربيه هى 1600 ولا 1800 ومانيول ولا اتوماتيك

وبعدين بعد كل اللى غيرته ده لسه المشكله موجوده لو موجوده روح اتوكيل اكشف عليها تانى وشوب التقرير هيقولك ايه ممكن يكون الميكانيكى معلمش حاجه صح

بالتوفيق ان شاء الله

الصراحه انا عمري محصل ده معايا بس الي انا اعرفه ان مفيش حد في مصر بيفك الفتيس الاوتو و بيرجع سليم تاني مش عارف عندكو ايه الاخبار

لكن هي جابت منك اويل سيل موتور ولا وش سلندر علشان انا معلش مش فاهم ؟

وحاول تروح التوكيل تقيس كبس الموتور