ياريت يا جماعة حد يقولنا اية هي الاضافات الجديدة على النيو اكينت 2009 و الناس الي اشتريتها ياريت يدونا تقييمهم للعربية و اية مميزاتها و عيوبها من وجهة نظرهم
عرض للطباعة
ياريت يا جماعة حد يقولنا اية هي الاضافات الجديدة على النيو اكينت 2009 و الناس الي اشتريتها ياريت يدونا تقييمهم للعربية و اية مميزاتها و عيوبها من وجهة نظرهم
الاضافات هيه ان المقابض والمرايات والباكتات الجانبية بقت بلون العربية
بالاضافة الى تعديل الباور ليصبح هيدروليك بدلا من الباور الكهرباء فى الموديلات القديمة + الكاسيت اصبح اصلى + السنتر اصلى كورى .
مميزاتها كالاتى :
1- موتور 112 حصان تكنولوجيا الجيل الثالث cvvt و دة بيدى احسن اداء و اقل استهلاك للوقود .
سحبها ( التسارع ) اكتر من ممتاز
2-تقفيل كورى بالكامل و جودتة عالية جدا من حيث الخامات او الجودة .
3- ثبات جيد جدا .
4- عفشة رياضية بتدى ثبات و خدمة شاقة .
5- كماليات جيدة ( 4 زجاج كهرباء - سنتر - انذار - باور - تكييف - لمبة قراءة للمقاعد الامامية بخلاف لمبة الصالون - يتم اغلاق النور تدريجيا بعد غلق الابواب - جراب للنظارة - مساحات و ادراج تخزين كتير اوى - حامل اكواب امامى و خلفى - مصدر كهرباء اضافى بخلاف الولاعة - عداد رحلات - كاسيت mp3 و معاة وصلة usp لتشغيل الفلاش ميمورى مباشرة - عجلة القيادة قابلة للتعديل - سخان للزجاج الخلفى )
6 - تكييف ممتاز و نقى جدا و لا يؤثر على سحب السيارة .
7- الشنطة واسعة .
8- سعرها قليل بالنسبة لمميزاتها .
9- اعتمادية عالية جدا .
10- اعادة بيع جيدة .
العيوب:
عدم وجود مؤشر حرارة و الاعتماد على لمبة للتحذير ، صحيح انا عمرى ما شفتها نورت حتى فى اقسى ظروف التشغيل بس بردوا العداد بيعرف الواحد الحرارة واصلة لفين .
الخلاصة العربية دى - زيرو مشاكل - بمشية الله
واضح انك معجب بيها اوي يا اخ عزت
متشكر يا جماعة لاهتمامكم بالردعلى سوالي و ياريت برده الناس الي ليها اراء تانية تقول
الحمد لله أنا اشتريت النيو أكسنت وماشاء الله كويسة وربنا يكرمنا ويحفظنا
كنت اتمنى إن المارش دير ميكونش سوستة لا لفوق ولا لتحت
بس ده مش يعتبر عيب بس محتاجة تعود
العربيه ده فعلا سعرها اقل من إمكانياتها
بس سؤالى ليه ما إنتشرتش إنتشار جبار ؟
بس انا شايف ان العربية دي شكلها مش وحش بس ممكن تكون محتاجة تكون جسم العربية مفرود اكتر من كدة و ان هي كانت مش منتشرة لان سعرها كان يعتبر غالي نسبيا لانها كانت مانيوال حوالي 83 الف وبكدة سعرها بيقرب من عربيات في فئة اعلى منها لكن انا اعتقد انها بدات تنتشر بعد التخفيضات الجديدة و العروض الي عملتها هيونداي
سوال كمان يا جماعة لو سمحتو هو النيو اكسنت 2009 فيها موشر حرارة و لا لمبة بس ياريت حد من الي جاب العربية هو الي يقولنا عشان يكون الكلام اكيد
انتوا بتتكلموا بجد يا جماعة
النيو اكسينت شكلها وحش :8954[1]:
دي احلى حاجة فيها شكلها
الباور الكهرباء مش محتاج زيت باور و الكلام دة بيشتغل مع كهربة العربية زى الكاسيت و التكييف بدون ما تدور العربية ، و ميزتة انة انعم من الهيدروليك و لكن عيبة انة على السرعات العالية بيبقى خفيف اوى و دة unsafe و سمعت انة كان عامل مشاكل فى الموديلات القديمة - عشان كدة اتعدل و خلوة هيدروليك .
assalamu 3allykom game3an
el3arabeya de 3agbany gedan we bafakar feeha bas 3awez a3raf howa elsaloon bta3ha daya2 walla wase3,le2ny taweel we mo3zam tooly fe nosy elfo2any dahry ya3ny we lazem tkoon elsaloon moree7
اسمحلى اعلق على حجات يا بشمهندس بعد ازنك
اول:ا
العربية مش زيرو مشاكل ولا حاجة ..مفيش عربية كاملة متكاملة
..كفاية انها من وش غبور
الثبات بتاع العربية دى بالذات تعبان اللى اقصى الحدود مهواش جيد جدا زى ما حضرتك تكرمت وقلت يعنى امشى بيها 170 وشوف هتبقى عاملة ازاى (خصوصا فى الملفات)
بالنسبة للوسع الداخلى (الكنبة من ورا ديقة ومسافتها الى ضهر الكرسى اللى قدام مش كبيرة)
العربية انا شخصيا شكلها من ورا مش بيعجبنى
موضوع المؤشر دة رخم جدا يعنى العربية كدة تفجأك انها سخنة ولازم تتصرف (مش لذيذة..وعلى فكرة الموضوع دة فى السوبارو امبريزا 2009)
توكيل مش هتكلم عنة
بس فى الاخر اقدر اقلك ان العربية سعرها كويس على قد امكانيتها
يا باش مهندس ملفات اية اللى حضرتك تاخدها على 170 - انت كدة عايز race مش عربية الغرض الاساسى لها هو المدينة .
انا لما قولت ثبات جيد جدا يعنى ثباتها حلو لغاية 140 - 150 بعد كدة الثبات هيبقى ضعيف ، انما لو العربية ثباتها حلو لغاية 160- 170 دى يبقى ثباتها ممتاز .
شكلك كدة معاك نيو اكسنت يا شقى:shine[1]::shine[1]:
لا طبعا انا مش قصدى تاخد ملفات على 170 دنا ابقى مجنون (مع انى والله اوقات كنت باخد ملفات على 160 170 فطريق مصر اسماعلية بالنوبيرا)
العربية دى مع جوز اختى وفعلا موتورها كويس جدا ويقفل عداد بس العربية بعد 100 بتتلكك عشان تتنطط (فعلا خفيفة)
وانا كمان شفت مواضيع فى المنتدى ان ثباتها مش كويس..
بس يمكن اكتر حاجة بتعجبنى فيها تكنولوجيا الموتور بتاعها واستهلاكها للبنزين
كنت عايز اسأل عن اسعار قطع الغيار جوة وبرة التوكيل
و كنت عايز اعرف استهلاك البنزين فيها كام في الصفيحة
الجيتز والنيو اكسنت عربيتين مظلومين وناس كتير بتتكلم عليهم وحكمهم أغلبه سمعى:B4_592: مش عن تجربه:whtauwant:
موضوع الثبات سمعته كتير ومش عارف بصراحه ايه العربيه اللى بتكون ثابته على 170 فى الملفات
(فى نفس الفئه السعريه ):U_thin1[1]:
و الغريب ان تلاقى ناس بتقارنهم بحاجات صينى !!!!!!! وكمان يقولوا الصينى أحسن:T_thum1[1]:
(بس المسئوليه ترجع جزء منها على الاعضاء اللى امتلكوها ومبيعملوش تقييمات جامده او ما بيشاركوش مشاركات كتير يحكوا فيه عن انطاباعتهم )
شوفوا الزيطه اللى عاملينها اخوانا فى المنتدي الصينى مثلا وعلى عربيات من وجهه نظرى:T_thum1[1]::Zb_sor1[1]:
اسف بس دى مجرد وجه نظرى.
I am sure that my ideas are right but maybe I am mistakenتقرير بالصورAs Good As It Gets = Hyundai Getzhttp://www.nilemotors.net/Nile/newre...treply&t=68810
And your ideas is absolutely wrong but maybe you are right .
حبيب قلبي انت بتتكلم على النيو اكسنت ولا حاجه تانيه ؟؟؟ ....ثبات ايه اللي تعبان ؟؟؟ العربيه عفشتها سبور وماشاء الله ثبات لحد ال140 ولحد ال200 معقول ...العربيه ثباتها هايل جدا في الملفات وتحس انك سايق عربيه سباق ...وبعدين انا عربييتي نوبيرا وعربيه اخويا نيو اكسنت والنوبيرا (عربيتي الشخصيه ) بخاف جدا من الملفات على سرعه 70 وبحس انها هتعوم (من اكتر العيوب اللي مديقاني فيها)...انما النيو اكسنت باخد بيها الملفات على سرعه 90 وبحس انه هايل جدا .... انما طبعا ثبات النوبيرا على السرعات العاليه (فوق ال180 ) احسن لانها اوطى ...وبالنسبه لموضوع الكنبه الضيقه ...هات عربيه من نفس فئه الاكسنت واوسع منها...لاحظ كده ان الاكسنت عربيه شبابيه من النوع السيدان الصغير
المشكله اني عامل الموضوع ده علشان اعرف راي اصحاب النوبيرا لاني ماسوقتش نوبيرا غير عربيتي و علشان العربيه عفشتها سليمه 100 % بعد الكشف عند ميكانيكي ....اما موضوع الكسنت دي وجهة نظرك ولازم يبقى في اختلاف اذواق... بس انا اختلفت معاك بس في حته الاتزان في الملفات دي علشان دي من اكتر مميزات الاكسنت في وجهة نظري ...ومش كل عربيه هتعجب الناس كلها
العربية اللى هتريحك ف الثبات هتخنقك ف المطبات محدش بياخد كل حاجة