كنت يوم الجمعة الماضي 3/4/2009 في سوق السيارات في مدينة نصر
لقيت واحد ماسك جهاز صغير زي الدباسة كده وماشي يحطها على صاج أي عربية بيتفرج عليها ، الحركة غريبة ، مشيت وراه وسألته ايه الجهاز ده ؟، أخبرني أنه جهاز بيكشف على دوكو السيارة إذا كان فابريكة ولا مرشوشه ولا متسمكرة ومتمعجنة ، إزاي ؟ سألته طبعا الموضوع غريب بالنسبة لي على الأقل.
قال لي الجهاز فيه 3 لمبات صغيرة أخضر وأصفر وأحمر ، وهو يقوم بوضع الجهاز على صاج السيارة (الرفرف مثلا) ثم يضغط على الزر الذي بالجهاز فلازم لمبة من الثلاثة تنور وبيانها كالآتي :
الأخضر : المنطقة دي (الرفرف) فابريكة وده الدوكو الأصلي بتاعها .
الأصفر : معناه إن المنطقة دي اترشت دوكو على نظافة من غير معجنة ولا سمكرة
الأحمر : معناه إن المنطقة دي معجونة قبل كده ، يعني متسمكرة ومتمعجنة ومرشوشة
الجهاز عجيب وغريب وظريف ، الرجل سعودي وجايبه من السعودية .
هل سمع أحد عن هذا الجهاز ؟ فكرة عمله ؟ وأين يباع هنا في مصر؟ وبكام ؟