:shyy::shyy::shyy:
:shyy::shyy::shyy:
بص روح أي معرض للنيسان وأطلب تشوف التيدا 2009 فول أوبشنز بلس وأتفرج عليها وأتعرف على إمكانياتها و لو تحب أطلب تيست درايف هما عندهم الإمكانية دي ( بتبقى من 2 : 4 من كل يوم هنا في اسكندرية) وشوف انطباعك إيه
انا بصراحة كنت عاوز أغير عربيتي وكنت حاطت كذا إختيار في نفس الفئة السعرية مكنش بينهم النيسان خالص و كنت محتار جدا
وكنت مرة معدي جنب التوكيل المعتمد للنيسان والسوزوكي اسمه مرعي (عندنا في اسكندريه)
وقلت ادخل حب استطلاع اشوف السيلفيا الجديدة و الصني الجديدة
قعدت جوه المعرض بتاع ساعة و طلعت مقرر أجيب التيدا وشلت من دماغي كل اللي كنت بافكر فيه , لا سكودا و لا سيات و لا ميتسوبيشي ولا فيات وهوندا
بجد حاجة تانية خالص !
واتعرف عليها أكتر هنا
http://www.nilemotors.net/Nile/showthread.php?t=68556
http://www.nilemotors.net
انا برشح الكيا ,, فيها كل الاوبشنز الممكن تكون فى العربيتين التانين ,, بشكل تحفة ,, موتور قوى ,, توكيل محترم ,, بسعر (فى وجهة نظرى) ممتاز
:whtauwant:
كيا سيراتو
النتيجة باينة من الاستفتاء الكيا
الاستفتاء محطوط بقاله أقل من ساعتين و 8 بس اللي صوتوا !!!!اقتباس:
المشاركة الأصلية كتبت بواسطة mohameduoser
مش تحيوز لعربيتي بس التيدا واسعه و ناعمه وتكيفها زي الفل واستهلاك بنزين كويس بالنسبه لل 1600 وثبات واداء علي الطريق كويس جدا
انا معاي الهتشباك والله زي الفل بس مش عارف السيدان عامله ايه بس اكيد هي هتكون احسن من الهتشباك في الوسع
شوف انا كنت حموت على التيدا بس السيراتو الجديدة مخليانى اكيد الحسابات , لان فيها ابشنز زى الكرولا بس بسعر ارخص و بصراحة برده موتورها كويس مشاية مع الناس من زمن يعنى مش اى كلام علشان كده بصراحة حيرة صعبة , و طبعا الكل متفق على الشكل الجديد تحفة من كل الزوايا و زى الاوربى اكتر منه اسيوى .
و انا حستنى لغاية ميبان استطلاعك و حعمل زيك
هي السيراتو فيها اوبشنز ايه مش في التيدا ؟اقتباس:
المشاركة الأصلية كتبت بواسطة dodi2
ايه هوا ده السيراتو الجديدة
انا بصراحه مستغرب ازاى الناس بتفضل السيراتو على الماذدا 3 او حتى التيدا
يعنى فى عربيه كورى تبقى ب 125 الف ليه مش عارف ......
بص يا باشا ،،
عايز اقول لحضرتك ان التيدا في مصر سعرهااا مبالغ فيه جدا جدا و يمكن دي سياسة معينة من التوكيل عشان ميموتشي الصني التجميع المحلي
التيدا ال 1600 في الولايات المتحدة بتنافس النيو اكسنت علي لقب ارخص سيارة في الولايات المتحدة
المازدا طبعا جميلة بس علي الانرنت ،، الشكل الجديد بتاعها علي نزول و غير مشكلة ان مالهاش توكيل واضح
فاتكل علي الله في النيو سيراتو عربية جديدة و امكانيات عالية و شكل و صالون شيك
بس للاسف الحجز عليها طويل و المعارض دلوقتي غلت في سعرها تلاتالاف جنية عن سعر التوكيل
الياباني افضل من الكوري بجميع المقايس خليك في المازدا او النيسان بس مع فرق الامكانيات خليك في المازدا بجد عربيه توحفه شكل و مضمون
شوف يا باشا... كل واحد هيقولك رأيه من وجهة نظره, بس المهم انت تحب ايه؟؟
يعني مثلا انا اخترت السيراتو و ده لأسباب..
1- التيدا عربية ممتازة جدااا و يابانية 100% و الأوتو بلس امكانيتها ممتازة, بس المشكلة اني مبحبش شكلها لا من برة ولا جوه (انت ممكن تكون بتحبه و بالتالي الموضوع هيكون اتحل)
2- المازدا3 برده عربية ممتازة و شييك و شبابية و امكانيتها و موتورها و الصالون تحفة و كنت بفكر فيها بس مفيش توكيل و قطع الغيار مش متوفره قوي و الموضوع مش مستقر خاااالص (الله يسامح غبور بقه) كل الحسابات تتغير لو العربية دي ليها توكيل معتمد
3- السيراتو عربية كورية 100% بس بجد محترمة جدااا و انا احد ملاك الشكل القديم و قريبا الجديد و بجد و بكل صراحة.. الموتور و العفشة و الثبات ممتازين جدااا, الكماليات كويسة في الشكل القديم, و ملهاش حل ابدا في الشكل الجديد.... و شكلها الخارجي و الداخلي تحفة.. ضمان 5 سنين او 100 الف كيلو من وكيل محترم و ملتزم جداا
عشان كده اخترت السيراتو....
و ربنا يوفقك ان شاء الله...
انا ملاحظ ان الناس مش معترضة على العربية اللي هي لسة متجربتش و متسلمش منها الدفعة الأولى أصلا و معترضين على الكوري عموما؟؟؟؟ مع اني معاكو ان الياباني معروف عنه الجوده العالية بس ليه ميكونش فيه منتج كوري منافس؟؟؟ و لو لقينا كوري ينافس ياباني و سعره كويس نزعل و نبعد عنه؟؟؟
انا والله مش بتكلم على السيراتو بعينها خاااالص... انا بدردش معاكو على المبدأ بس...
مع اني شايف ان السيراتو لو شلنا علامة كيا من على الشبكة الأمامية و الشنطة ورا و حطينا أي ماركة يابانية ثانية على نفس العربية بكل المواصفات و الشكل و الموتور... مش هتتسعر بأقل من 150 - 160 الف جنيه (عشان الأسم ياباني)...!!!!!! دي وجهة نظري
تكلفة العمالة الكورية مش أقل من تكلفة العمالة في أوروبا أو اليايان.
و نفس الجمارك و مصاريف الشحن اللي بتتفرض على الياباني و الأوروبي هي اللي بتتفرض على الكوري.
يبقى تفتكر ليه الكوري أرخص بالشكل الكبير ده؟ مفيش تفسير غير انه بيستعمل مكونات أرخص و أردأ من الأوروبي و الياباني.
و أبسط و أوضح حاجة يبان فيها الفارق ده هي التابلوه.
بالمناسبة ده مش كلامي. ده كلام جيريمي كلاركسون من برنامج توب جير.
اقتباس:
المشاركة الأصلية كتبت بواسطة TheInfernal
كلامك مش غلط.. بس مش صح 100%, و هقولك ليه..
انا لو عندي منتج اوروبي (أي منتج) و سعر المنتج ده 10يورو... ممكن اخد المنتج ده و الخامات المصنع منها المنتج (من بلدها) و اديها لمصنع في الصين و هقوله انا عايز منتج زي ده و بنفس الجوده و الخامات اهه... هيعملك المنتج ده هو هو (والله بدون مبالغة و أتحدى حد يفرق بينهم كشكل و كجوده) و هيكلفك 9.25 دولار = 7 يورو
يا ترى الفرق ده راح فين؟؟؟ العمالة
و عايز اقولك حاجة كمان ان 90% من الشركات العملاقة الألمانية و اليابانية و الفرنسية....... ليها اماكن تصنيع و انتاج غير بلادها و بتكون في الغالب (الصين و تركيا و الهند و كوريا و تايوان.....) عشان العمالة ارخص بكتيير و المنتج هو هو, و في شركات كبيرة بتبيع اسمها لمنتجات صينية و بياخدو نسبة (بس شرط ان الجوده تكون معقولة)!!!!...
تويوتا بتقفل في جنوب افريقيا!!! مسألتش ليه؟؟؟ عشان مصاريف العمالة, بس محدش اتكلم عليها مش عارف ليه مع ان العربية نزلت و كان فيها مشاكل و في الفتيس, يعني مش اي كلام!!!! :_Alshmokh11:
كلام برنامج توب جير مش صحيح و بيخرفو كتير على فكرة حتى في تقيماتهم للعربيات... ده واحد بيقولك الاودي أو البي ام 525 عربية المغرورين عشان كده احنا بنصنفها من العربيات الوحشة, مش كوول...!!!!!!!!!!! طيب ده كلام.
بس ده ميمنعش ان عندنا ترتيب حقيقي طبعا في مجال السيارات (حتى الان) و هو...
1- ألماني, أوروبي
2- ياباني
3- كوري
4- ماليزي
5- صيني
بس عندنا في مصر الاوروبي مش واخد حقه عشان مش مناسب قوي لظروف بلدنا... زي المرسيدس C180 , C200, ال180 ألماني بالكامل بس كل الناس بتشتكي من عفشتها (عشان مش مناسبة لظروف البلد), الـ200 عشان العفشة بتتطلب بمواصفات خاصة و العربية بتتجمع هنا فالناس كلها بتشكر فيها قوي و ده بسبب ان العفشة للخدمات الشاقة...
اسف على الاطالة بس حبيت أوضح وجهة النظر و طبعا وجهة نظرك تحترم تماما
طيب و ما أخبار السيراتو من حيث المتانه ( صاج و شاسيه )
وجهة نظري الشخصية لو حضرتك بتسألني... السيراتو صاجها متييييييييين جداااااااااااا, و انا اختبرت ده بنفسي بس مش بمزاجي, بمعني اني عملت حادثة على الدائري (و ربنا يكفيكو شرها والله) و كنت ماشي 130-140 بالعربية و تاكسي الله يسامحة وقف في وسط الحارة اليمين بيركب زبون فجأه و انا ورا فملحقتش الفرامل تسعفني الا شوية (سيراتو 2005) و بجد لو فيه ABS هنا كان عمل شغل جامد, و لبست فيه و كان تاكسي 131 و شوف انت بقى..اقتباس:
المشاركة الأصلية كتبت بواسطة Ahmed15
و الله مصدقت بعد ما نزلت.. الاكصدام اتبهدل طبعا, الفانوسين متكسروش بس واحد اتكسرت منه حتة من جوه بس... الكبوت اتنى و يستعدل بكل سهولة (و ده اللي حصل)... بس كده, دي حادثة على 130 و هوة واقف كمان!!!! الصدر الأمامي مدخلش لجوه حتى.. بسم الله ما شاء الله, عشان كدة انا بثق في الكيا و تحديدا السيراتو و ليا اكيد اسباب كتير تانية زي الموتور و الثبات الرائع و العفشة الناعمة .....
ده هو رأي في العربية اللي بمتلكها.. و على فكرة معايا لانسر كريستالة بردو, يعني راكب ياباني و معايا الكوري و الاثنين مجربهم بكل الاشكال.. مش هقولك السيراتو أحسن من اللانسر (الكريستالة بالذات) بس السيراتو محترمة جداا جداا جداا...
و ربنا يوفقك ان شاء الله..
نيو سيراتو احسن صفقه في العربيات التلاته دول
بالتوفيق
شكرا محمد غازي على الرد السريع جدا
يا ترى هل من مشارك آخر يصف لنا اختبار متانه من مكان مختلف غير مقدمة السيارة ؟
بغض النظر عن الفتيس انه فيه مشاكل او مفهيوش بتاع الكورولااقتباس:
المشاركة الأصلية كتبت بواسطة ghazy12
الفتيس يابانى 100% مش جنوب افريقى:verygood:
باشا. أنا كان كلامي واضح. العمالة الصينية رخيصة. العمالة الجنوب أفريقية رخيصة. بس العمالة الكورية مش أرخص من العمالة الأوروبية.اقتباس:
المشاركة الأصلية كتبت بواسطة ghazy12
و مش معنى ان رأيهم في توب جير مش عاجب حضرتك انهم غلط في كل حاجة. و بعدين احنا بنتكلم في وقائع مش آراء. لو العمالة الكورية غالية, يبقى ازاي العربيات الكورية رخيصة؟ ياريت حضرتك تقول لي.
باشا ،،،
معلوماتك قديمة ،،
الأراء بتاعت توب جير دي قديمة
غالبا هتلاقيها لحد 2003
دلوقتي الكلام اختلف تماما ،،
جيرمي كان في تقييم ليه للميجان بيقول في اخره انصحكم تجيبوا كيا سييد افضل منها
و كمثال ده مثلا كلامه علي الهيونداي I30
Either someone’s slipped something into my drink, or this is a Korean car you actually might want to buy
http://www.topgear.com/uk/hyundai/i30اقتباس:
المشاركة الأصلية كتبت بواسطة Ahmed Anwer
هو برضه قال على الGetz كويسة و بمستوى العربيات الأوروبية, بس أضاف ان هي بجودة الأوروبي لأنها متسعرة زي الأوروبي. و ده بيأكد كلامي ان المكونات اللي الكوريين بيستعملوها في عربياتهم أردأ من اللي في الأوروبي أو الياباني. و اذا حصل انها بنفس جودتهم, فهيبقى الاتنين بتقريبا نفس السعر.
بالنسبة للميجان فهو كان مخنوق منها أساسا عشان صفارة حزام الأمان و الفرامل. و ده بره موضوعنا.
اقتباس:
المشاركة الأصلية كتبت بواسطة TheInfernal
يعني المهم اتفقنا علي ان مش كل تقييمات جيرمي بالطريقة دي رغم تعصبه للاوربي عامة و تهزيقه عامة للاسيوي و اكيد طبعا الكوري اولي
عشام منلاقيش واحد تاني جايب تقييمه للفيرنا التلاته سلندر الديزل اللي معمول في اوائل الالفينات و يقولك بس جيرمي بيقول ايه هيا دي هيونداي
رغم ان حاليا في خانة الجودة في معظم السيارات الكورية لتوب جير بقوا يعلقوا انه مفيش داعي للقلق
بخصوص حكاية السعر
فيه شركة بتكون شاطرة في انها بتعمل تصميمات جميلة و جاذبة و فيه شركات بتكون شاطرة انها تعمل عوامل الأمان فيها عالية زي الشركات السويدية و فيه شركات بتكون مشهورة انها بتعمل عربيات ناعمة و مريحة ........ الخ
الشركات الكورية مشهورة انها بتعرف تخفض في التكلفة
مش عيب و لا حرام و محدهشي بيعرف ينافسها في كده باعتراف المنافسين نفسهم
زي ما قال رئيس تويوتا عمرنا مهنعرف ننافسهم في التكلفة
كون ان البراند نيم بتاعهم قليل ميقدروش يغلوا سعرهم ، عندهم اساليب ادارية معينة ، كوريا بلد مغلقة و فيها حماية او فيها فساد لصالح الشركات الكبري بيخفوا شوية حاجات في الصناعة ،، ايا كان
مش مشكلتنا احنا لينا المصلحة و ننحاز للي يوفرلنا ،،
من وجهة نظرى التيدا عربية جميلة وناعمة جدا
if i were u i will go for the new cerato
تيدا سيدان بكل تاكيد
يا جماعه كيا سيراتو ايه اللي احسن !!!!
انا مش عارف بصراحة عربية ماتشافتش في الشارع والمنتدى كله بيشجعها كأنها عربية وطنيةاقتباس:
المشاركة الأصلية كتبت بواسطة Hamada_sheble
إيه المشكلة لما الكل يشجعها ؟.
ان فاتك الياباني ....
بص ياسيدي التيدا عربية ممتازة - واسعة جدا من جوه وشنطتها كبيييييرة وكمان الموديل ال A+ اللي نازل في 2009 ده في اوبشنز ممتازة
انا عن نفسي برشحهالك لو جيت تبص للسيراتو اللي الناس كلها عمالة تقوللك سيراتو ... ايه اللي فيها زيادة ؟؟؟ فتحة سقف ؟ وشوية اوبشنز لكن صدقني عمر ما الصناعة الكورية هتوصل لمستوى الصناعة اليابانية ولو حتى هيونداي وصلت المركز الاول عالميا برضه
انا مابعيبش في السيراتو ولا حاجة لا والله العربية جميلة وربنا يبارك لاصحابها فيها انما انا شايف التيدا افضل بكتير
صدقني انت لازم تجرب التيدا والسيراتو وانا متأكد انك هتقرر ساعتها
سيراتو ثبات ومتانة وقوة وتوكيل محترم وعوامل امان عالية وشكل جديد متطور وكوري بنسبة مليون في المية
المشكلة إن ما فيش والا واحد من اللي بيشجعوها ركبها لسه ؟ طيب بتشكروا فيها ليه ؟ علشان شكلها ؟؟؟ طيب وده ينفع ؟؟اقتباس:
المشاركة الأصلية كتبت بواسطة Mohamed_SlvrLan99
الا لو في حاجة تانية ؟؟
الناس اللي بتتكلم عن ثباتها , طيب إحنا جربنا ا لمازدا والتيدا في السفر ,هل أنتوا جربتوا النيو سيراتو ؟
والله لما تتباع وتتلين و نركبها و نسافر بيها وتتجرب فترة و نشوف جودتها أنا أول واحد مستعد أشهد لها بالكفاءة ومعندش مشكلة إنها تكون أحسن من التيدا لإنها مش من باقية أهلي
وأتمنى أنها ما تحصلش كل أنواع الكيا اللي فاتت تطلع فوق فوق فوق وبعدين تنزل على مافيش وتختفي من الشوارع ولا نسمع عنها ولا ليها سوق
زي الشوما والسيفيا والسبكترا
الشوما والسيفيا ما نزلوش على مافيش العربيتين محترمين وانتشروا لكن الاسبكترا انا مع حضرتك لانها ماخدتش فرصتها في تواجدها بعدد وفير من السنيين لكن الثلاثة اجمالا ماخدوش حقهم نظرا للتوكيل السيء اللي كان موجود وقتها لكن السيراتو القديم والجديد بدئوا في الانتشار والطلوع لفوق نظرا لامكانيتهم ودور التوكيل الجديد اللي عامل وهايعمل شغل جبار وومكن نقول ده بداية تفوق وانتشار وتميز كيا:w6266dاقتباس:
المشاركة الأصلية كتبت بواسطة abou_ruqi
طب ما هو دة حال أى عربية جديدة بتنزل....اقتباس:
المشاركة الأصلية كتبت بواسطة abou_ruqi
محدش بقى هيجيب عربيات جديدة عشان متجربتش.
تقدر برضة تشوف مراجعات ليها على الأنترنت وتاخد فكرة عنها.