الموضوع: الى خبراء الابيزا سيستم بورش

يا باشا الف مليون شكر
يعنى اتكل على الله واشترى ولا رائيك ولا اخلينى فى حاجه تانيه اصل انا ماليش فى العربيات خالص
وممكن بنفس المبلغ اجيب ريجاتا او اونو ولا ابيزا اشد ؟؟؟
ان شاء الله انا مش ناوى اغيرها الا على زيرو فعايز عربيه حلوه.
رائيك لأخ عشان انا قريت مشاركه لواحد جاب واحده سيستم بورش واتعذب عند الميكانكيه (انا عارف ان ده وارد فى اى عربيه)
يعنى لو واحد صاحبك انتيم قالك اجيبها ولا لأ تقوله ايه بفرض ان حالتها حلوه.

من الأخر لو رجع بيك الزمن قبل ماتشترى كنت هاتجيب سيستم بورش ولا حاجه تانيه
انا عارف انى بتقل عليك وربنا يكون فى ميزان حسناتك يارب

بص لو هتقارن بين الريجاتا والاونو والابيزا هشور عليك بالريجاتا قطع غيارها عند البقال عشان فيات الابيزا عربيه جميله وقويه قطع غيارها عند اربع او خمس اشخاص بس فى القاهرة والجيزة دا العيب بس قطعها موجودة اقصد انى مثلا الميكانيكى بتاعى فى اخر فيصل لازم انزل التوفيقيه او اول فيصل مش زى العربيات الاخرى قطع الغيار جنب البيت

طب لو سمحتم يا خبراء
هى الابيزا 88 تختلف عن ال 90 والــ 91 فى قطع غيارها
ولا ايه

واضح أن خبرتك حلوة قوى فى الابيزا يا نوبا
يا ريتنى كنت عرفتك من خمس سنين لآنى كنت بادوخ على حاجتها فى الاماكن الى انت عارفها لغاية ما بالصدفة كنت مع صديق ليا بيشترى مساعدين ودبرياج لعربيته الأوبل كاديت من أوتو ربيع فى عين شمس -وفوجئت أنهم كاتبين مساعدين لكل السيارات وفوجئت أكتر أن كل حاجة ألابيزا سيستم بورش بتاعتى عندهم.
حتى الحاجات الناقصة زى طلمبة المياة والمقصات وحاجة افرامل الماستر والسرفو لقيتها هناك اصلى.والفرق ما يستحقش أنك تركب مستعمل.
وعلى فكرة طقم المساعدين ب500 المونرو مش ب600 لكن انا فضلت أجييبهم كونىkoni من عندهم،
بس ماأنصحكش تعدل وتركب بتوع28 لأانهم بيعملوا فرق فى الزوايا وتبقى مشكلة فى المنحيات بسرعة عالية والاحسن أنك تركب الاصلى بتاعها
وتسمحلى ابقى أستشير خبرتك فى المرات الجاية

شكل العربية أختلف شوية صغيرة :مثلا فوانيس الاشارة بدل تحت الكشافات بقت جنب الكشافات بالكورنر وتعديلات صغيرة فى المساعدين والعفشة وبقى منها أنجشكشن وهكذا ،،،،لكن سواء القديمة أو الجديدة تحفة لو كانت نضيفة

المشاركة الأصلية كتبت بواسطة shawki300

واضح أن خبرتك حلوة قوى فى الابيزا يا نوبا
يا ريتنى كنت عرفتك من خمس سنين لآنى كنت بادوخ على حاجتها فى الاماكن الى انت عارفها لغاية ما بالصدفة كنت مع صديق ليا بيشترى مساعدين ودبرياج لعربيته الأوبل كاديت من أوتو ربيع فى عين شمس -وفوجئت أنهم كاتبين مساعدين لكل السيارات وفوجئت أكتر أن كل حاجة ألابيزا سيستم بورش بتاعتى عندهم.
حتى الحاجات الناقصة زى طلمبة المياة والمقصات وحاجة افرامل الماستر والسرفو لقيتها هناك اصلى.والفرق ما يستحقش أنك تركب مستعمل.
وعلى فكرة طقم المساعدين ب500 المونرو مش ب600 لكن انا فضلت أجييبهم كونىkoni من عندهم،
بس ماأنصحكش تعدل وتركب بتوع28 لأانهم بيعملوا فرق فى الزوايا وتبقى مشكلة فى المنحيات بسرعة عالية والاحسن أنك تركب الاصلى بتاعها
وتسمحلى ابقى أستشير خبرتك فى المرات الجاية

مكن لو سمحت يا اخ شوقى
تعرفنى العنوان بالضبط فين
عشان اعرف اوصله بسهوله
ولو فى رقم تلفون ليهم
يبقى كتر خيرك

المشاركة الأصلية كتبت بواسطة nuba

بص لو هتقارن بين الريجاتا والاونو والابيزا هشور عليك بالريجاتا قطع غيارها عند البقال عشان فيات الابيزا عربيه جميله وقويه قطع غيارها عند اربع او خمس اشخاص بس فى القاهرة والجيزة دا العيب بس قطعها موجودة اقصد انى مثلا الميكانيكى بتاعى فى اخر فيصل لازم انزل التوفيقيه او اول فيصل مش زى العربيات الاخرى قطع الغيار جنب البيت

ممكن يا اخ نوبا تعرفنى اماكن قطع غيار العربية دى فين بالتحديد
مع تفصيل العنوان بالضبط

أتفضل يا أستاذ لورانس العرب عنوان أوتو ربيع لقطع الغيار هو 42(ش متحف المطرية)-(26423440 تليفون) بعد معهد المطرية الصناعى والتجارى
بالبلدى وأنت ماشى فى جسر السويس أدخل يمين من جنب( المستشفى العسكرى أو قسم عين شمس) وامش فى شارع متحف المطرية حتلاقى أوتو ربيع بعد ما تعدى التقاطع مع ش سليم الاول .,أتمنى أنك تلاقى اللى بدور عليه
بس أفتكرنى بالدعاء