الموضوع: نصيحة في ملاكي أسكندرية

جزاكم الله كل خير

الموضوع ده قكرنى زمان عام 91 كان عندى عربية 132 فيات 2000 ملاكى غربية وبعتها فى القاهرة لواحد ظابط جيش والراجل مشكورا غير النمر لملاكى قاهرة وسلم نمر الغربية للمرور فى القاهرة وبعدين فاتت الايام والسنين ولقيت والدى بيتصل بى من طنطا (بالمناسبة انا عايش فى القاهرة) وبيقولى النهاردة جالك محضر من القسم وعليك شهر سجن بسبب تبديدك للوحات المرورية بتاعة الغربية وتخيلوا راجل طبيب محترم فجأة يجد نفسه سوابق علشان نظام المرور الفاشل اللى مالوش دعوة ببعضه كل محافظة فى مصر كأنها دولة تانية ليبيا ولا السودان ومالهاش اى نوع من انواع الاتصالات بالمحافظة الاولى وانا المفروض ادفع تمن هذا التخلف الادارى
المهم كانت حكاية كبيرة قوى علشان افتكر الراجل اللى اشترى العربية وادور على اى اثر كان تركه معايا قبل ما يشترى العربية وبعدين الراجل كان محترم فضى نفسه وجاء معايا للشهر العقارى وعملت صورة من عقد البيع الموثق وبعدين اعتقد رحت للمرور وجبت شهادة تثبت انهم استلموا نمر الغربية وبعدين شفت محامى يعمل لى نقض فى المحكمة وتحجز للحكم بالبراءة والغاء الحبس علشان انا طلعت الحمد لله برئ وموش مجرم ولا حاجة
نصيحة منى خلى بالك كويس واحتفظ بكل الاوراق او صورة منها وإسال فى موضوع النمر ده كويس انت وصاحب العربية ماذا والا انت عارف
هى دى مصر ياعبلة

جزاكم الله كل خير

المشاركة الأصلية كتبت بواسطة Drift_Lover

1- تنقل العربيه باسمك ده لو كنت شاري بتوكيل : عقد مسجل في الشهر العقاري.
2- لو الرخصه منتهيه حتحتاج شهادة بيانات من مرور الاسكندرية. ولو الرخصه ساريه مش حتحتاجها.
3- تجيب براءة زمة من نيابة المرور التابع لها وحدة المرور بالاسكندرية.
4- تروح وحدة المرور في القاهره واللي انت تابع ليها. ومعاك.
العقد المسجل - شهادة البيانات (لو الرخصه منتهية) - براءة الزمة
5- الباقي سهل وفي المرور التابع ليك زيه زي فحص اي عربيه وتجديد رخصه.

بالنسبه لبراءة الذمه لازم تتختم بختم النسر في حاله استعمالها في محافظه اخري...اذا كان البائع باع لك السياره بتوكيل خاص لازم تاخد منه التوكيل اما اذا كان معاه توكيل رسمي عام تاخد منه صوره...في حاله توقيعك مشتري لازم تنهي الاجراءت في خلال شهر ومدة شهادة المخالفات شهر