وانا ماشى فى الشارع والطريق ضيق يدوب يكفى عربيتين بالعافية
قابلتنى عربية واد خنفس وضرب النور العالى فى عينى وطبعا كان زينون "":T_thum1[1]:
ساعتها مشوفتش قدامى واصبت بعمى مؤقت ":k4:
يارب كل اللى مركب زينون تتسحب رخصه ياااااااااارب"":36_1_34[1]:
وانا ماشى فى الشارع والطريق ضيق يدوب يكفى عربيتين بالعافية
قابلتنى عربية واد خنفس وضرب النور العالى فى عينى وطبعا كان زينون "":T_thum1[1]:
ساعتها مشوفتش قدامى واصبت بعمى مؤقت ":k4:
يارب كل اللى مركب زينون تتسحب رخصه ياااااااااارب"":36_1_34[1]:
بس اللى معانا فى المنتدى وبيمشوا كويسين لأ يارب!!!
ده عشان انت قابلت واحد قليل زوق لاكن فيه غيره ناس كويسه ومركبه زينون ومبتشغلش النور العالى فى وش حد...
على فكرة حتى لو نور عادى مش زينون و النور ارتفاعة مش مظبوط اكييييد حيعميك
المشكلة مش فى الزينون المشكلة فى الشباب الى شارب النور فى السماء علشان يبين انه مركب زينون
والله يا بشمهندس انا عن نفسى بكسف اعمل رعاش عشان يكشفلى الطريق لمدة ثانية وباكل حفر بالعبيط والنور اصفر عادى
دي اكتر حاجة بتخنقنياقتباس:
المشكلة مش فى الزينون المشكلة فى الشباب الى شارب النور فى السماء علشان يبين انه مركب زينون
يس دة ميمنعش ان في ناس محترمة في استعمالها لية
ده واحد مش محترم
مره واحد عملها في وشي كنت محرك عربيتي اتجاهه و انا معمي
فبطل النور بسرعة علشان مدخلش فيه
آمين ...
بس ليه كل الى مركب زينون ؟؟
انا مركب زينون ...
بس مركبه صح ..
عندى الفانوس فيه عدسه ...
يعنى النور مش مشتت و مش ضارب فى عين حد .....
و انا مظبته انه ينور تحت على الارض مش يضرب فى عيون الناس ..
و بعدين زى ما الناس هنا قالو ...
المشكله مش فى الزينون
المشكله فى ارتفاع النور ...
تحياتى
و لو عندك استفسار عن الزينون اامرنى
انا مركب عالى وواطى و فوجات والله بطفى داخل الشوارع بولعو بس فى السفر اصل انا مش مركبو منظره بيفرق معايا جدا فى السفر و النوع ال بيوجع العين ده بيكون صينى عمر الزينون الأصلى ما يوجع العين ده اكيد صينى مضروب ابو 650 جنيه
مفيش حاجة اسمها استعمال كويس للزينون. كده كده بيزغلل العين مهما كان متركب.
بعدين عايز اعرف ايه فايدته غير المنظرة و الروشنة؟
عشان تشوف الحفر اللي في شارع؟ متقنعنيش.
ايه موضوع العمى المؤقت
طيب حضرتك بتسألنى ليه طالما انك بتقولى متقتنعنيش ..؟؟؟
اعتقد ان النقاش مفيش ضرر منه ...
و بعدين مين قال ان الغرض من الزينون المنظره و الروشنه ؟؟
اولا الروشنه مش عيب
و مش عيب انى اخلى عربيتى شكلها حلو ...
المنظره عيب
بس كل واحد يعلم ما بداخله ...
و انا مش مركبه منظره
انا مركبه علشان نور العربيه كان مش عاجبنى و ضعيف...
و من ضمن الاسباب الى خلتنى اركبه
انى بحب الروشنه
و بحب شكل العربيه يبقى حلو ...
و ده حاجه مش عيب
زيى زى اى واحد مركب جنوط
...
و احب اقولك ان فى زينون بيركب صح و فى زينون بيركب غلط ....
طالما فى عدسه فى الفانس يبقى كده صح ...
لان وظيفه العدسه انها تجمع الضوء ...
و تفرشه على الارض ...
و ممكن تلاحظ الاوكتافيا و الجيتا و الفيكترا و الباسات و اى عربيه بتنزل زينون ...
هتلاقى فى عدسه فى الفانوس ....
ارجو ان حضرتك تتقبل كلامى بصدر رحب :shyy:
اختراع زفت ويستاهلو يتتاخدو عليه مخالفة بمليون جنية ودة العن من المشي عكس والله كنت هدخل في الرصيف كزا مرة بسبب التخلف دة فيها اية كان طول عمرنا ماشيين بالنور العادي الا بقي الناس اللي عندها نقص وفاكرين ان دة بيجممل العربية لما يبقي نورها عالي ويعمينا احنا
يا جماعه اى نور متوجه لفوق هيوجع عين الى فى وشه و مش هيشوف حاجه ..
حتى لو لمبه نايلون ...
و بعدين انا مش فاهم ايه المشكله فى ان الواحد يخلى شكل عربيته حلو ..؟؟
و لو فى ناس شايفه شكله مش حلو ..
فدى ازواق ...
طيب منا مش بحب الاسبويلر غالبا ...
عادى يعنى ازواق
و انا معاكو ان الى مركبه غلط يتعاقب ...
المفروض الزينون للعربيات الي علي طريق سفر كتير
و المفروض الي سايق يبقي عارف ان في البلد ميشغلهوش
لمبات اصلية وقوية احسن من وجع الدمااااااغ ده كله .
مع شوية ادب واحترام للغير .. يبقى ابتدينا نعرف أ ب قيادة ..
انا لية رأى فى الزينون انة جايز يكون مفيد فى السفر علشان بيبين الطريق كويس وخصوصا فى الطرق اللى مش متسفلية كويس , لكن الملاحظ ان فعلا اغلب اللى مركبة بيكون للمنظرة فقط وان ازاى اصحابة مركبينة وهو لأ .. طبعا من وجهة نظرة دى تبقى عيبة لانة مش اقل منهم .
والدليا على كلامى لما تلاقة واحد ماشى فى شارع الهرم ولا فيصل على سبيل المثال والطريق اساسا ماشى بالعافية وزحمة وتلاقى واحد اموور فاتح وراك الزينون وساعات يبقى مركبة فى العالى .. دة تسمية اية غير انة واحد عندة عقدة نقص وعايز يعرف الناس اللى حوالية انة الحمد لله مركب زفتون ايوة زفتون.
وكمان تلاقى واد على الدائرى اللى المفروض السرعة علية 90 كم وهو ماشى طيران منخفض على 150 كم وجاى من بعييييد اوعى النسر وتبقى انت ماشى فى الشمال على 90 وساعات 100 وهو لازق فيك ومديك العالى علشان توسع لسيادتة .. وتخيلوا ان لو اللى قدامة وحدة ست او رجل كبير .. او حتى واحد على قدة فى السواقة دة ممكن يخلية يعمل حادثة لانة مبيعرفش يوسع يروح فين وهو معمى اساسا من النور.
لطفاً ورحمة ياريت اللى مركب زينون وعاوز يتمنظر يبقى يححط عربيتة على سطح البيت ويشاور بالنور للطيارات علشان الناس تعرف ان مصر فيها زينون.
ربنا يهدينا جميعاً
الناس اخدنا علي الحامي يا خالد مش عارف ليه؟
والناس عملاه تدعي علينا
يا جماعه الزينون ده نعمه ومن يسيء استعملها تبقه نقمه
انت نفسك لو ركبت زينون وشوفت نوره وانت ماشي بليل علي الصحراوي عامل ازاي وازاي بخليك مركز وشايف كل حاجه هتقول اروح اركبه من بكره
واي حاجه يا جماعه ليها ميزه وعيب
يعني الكلاكس مهم جدا لو واحد سرحان وحدف عليك لازم تنبه علشان يعدل نفسه
اما بقه لو استعملت طول ما انت ماشي زي بتوع الميكروباص والنقل يبقه نقمه
كل حاجه ليها عيوبها يا جماعه وليها مميزتها
يعنى لو حد مركب نور عادى وضارب العالى فى وشك عينيك مش هتزغلل ؟؟؟
العملية كلها تحت بند سوء الاستخدام للتكنولوجيا مش ان الزينون مالوش لازمة لانة بيدى اضاءة اقوة تلات مرات من الاضاءة العادية ودة بيخلى الشوارع منورة قدامك كويس وطبعا كلنا عارفين شوارعنا عاملة ازاى من مطبات فى اماكن عجيبة وحفر وبلاعات كل كام متر
يعنى هو حاجة مهمة جدا فى العربية بالنسبالى انا على الاقل لانة بيكشفلى الطريق كويس
وتبقى المشكلة الابدية فى مصر مشكلة النور!!!
قبل اى حاجة مش من اصول السواقة ان ابقى ماشى طافى النور والبس حفر ونقر واكسر العربية ومش من المنطقى انى امشى ابص على كشافات العربيات اللى ماشية علشان اقلبلة علشان يطفى النور
فى ناس حافظة مش فاهمة يعنى لما ابقى ماشى منور فوجات وواحد مقابلنى فى وشى وبيقلبلى علشان اطفى الفوج يبقى اعمل اية ؟!! اكيد هنورلة العالى علشان يبطل هبل او لو منور النور الواطى وتريللا مقابلنى ويقلبلى مع ان لمبات العربية كلها الاوريجينال 55w!!! اكيد بردة النور مش طالع فوق علشان يزغللة و لما ابقى ماشى فى شارع وواحد مقابلنى اروح منزل الكشافات فى الارض يقوم يقلب نور !!! طيب النور مش جاى ناحيتك اصلا يقولك لأ اطفى النور اكيد هروح مرجع الكشافات لفوق علشان يعرف الفرق .. متجيش تدب عينك فى الكشاف وتقوللى اىىى عينى وجعتنى !!!!!
الناس اللى بتتكلم على الزينون وانة اختراع قاتل واى واحد مركبة يستحق الاعدام ومؤيدين سحب الرخص علية طيب اية رأيكم فى اللمبات ال 200w و 1000w مش بتزغلل؟؟!!!! اهى لمبات عادية مش زينون ولو نورها جة فى عينك هيعميك مبتتسحبش الرخص عليها لية , الناس مبتدعيش عليهم لية!!!
طيب لو العربية نازلة بزينون اصلا الراجل يعمل فية اية؟؟
لو انت نفسك اشتريت عربية وفيها زينون هتعمل اية؟؟؟ هتقبل انك تشيلة؟!! .......
يا جماعة أنا مش شايف سبب للهجوم على الزينون
لو واحد مركب لمبة عالية شوية وجاي منور العالي في وشك هتتعمى بردوا ... مش هيفرق عن الزينون في حاجة
أهم حاجة الضوء يكون مظبوط على الأرض مش ضارب في السما
احنا مش عارف بنتكلم فى اية المشكلة مش فى الزينون او النور العالى المشكلة اساسا فى الطرق الى مش منورة لو الطريق منور خلاص مش هتفرق كلة هيمشى على النور الواطى او نور التابلو حتى لو شغل زينون ونور عالى مش هيضايق الى قدامة
المشكلة فى الزينون هو نوع الفانوس وليس الزينون فى حد ذاته ولازم يكون فى عدسة تركز الاشعاع على الطريق ولا تؤذى عيون السائقين
+111111111111111111111اقتباس:
على فكرة حتى لو نور عادى مش زينون و النور ارتفاعة مش مظبوط اكييييد حيعميك
المشكلة مش فى الزينون المشكلة فى الشباب الى ضارب النور فى السماء علشان يبين انه مركب زينون
+111111111111111111111اقتباس:
ده واحد مش محترم
مره واحد عملها في وشي كنت محرك عربيتي اتجاهه و انا معمي
فبطل النور بسرعة علشان مدخلش فيه
وجهة نظر تحترم.
بس لما تكون السلبيات اكتر من الايجابيات (لازم يبقي في وقفه ونفكر)
يعنيحمل السلاح محتاج ترخيص. ومادون ذلك كان الكل شال سلاح. وكل يومين تلاقي 3 او 4 قتلي بسبب خناقه تافهه.
المشكله في طريقة الاستعمال.
ومع ذلك انا واحد من الناس ناوي استبدل الفوانيس العاديه بزينون وعدسات عن قريب. لأن اضائتهم فعلآ قوية...
ولكن طبعآ مع احترام وقت ومكان الاستخدام.
طيب ممكن توضحلى ايه علاقه ان واحد ماشى 150 و جاى من ورا اوعى النسر بالزينون ؟؟
هو مثلا ميعرفش يقلب نور عادى مش زينون ؟؟
و برده هيبقى مقرف ...
و اعتقد برده ان الزينون مش سبب فى الجرى ....
انا طول عمرى بجرى ..
قبل ما اركب الزينون و بعد ما ركبت الزينون ...
سؤال اخير:
اكيد حضرتك متقصدش ان كل الى مركبين زينون بيتنظرو بيه مش كده ؟؟
والله مش عارف ايه الهجوم الفظيع ده ...
طيب معلش يا جماعه سؤال :
الكلاكس....
هل ده احنا بنركبه ؟؟
اعتقد كل العربيات بتنزل بيه ...
مش انا ممكن اقرف اى حد بيه ؟؟
و البسه فى اى حاجه لو هو مش بيعرف يسوق ؟؟
سهله خالص ..
هعمل نفسى خنفس..
و همشى على 190 طيران شبه منخفض ..
و هلزق فى اول واحد يقابلنى...
و هشتغل كلكسات ..
اكيد هيتوتر ...
و هيحاول يوسع بأى طريقه مش محسوبه صح لو مش بيعرف يسوق ...
اهو ده حاجه ممكن نستخدمها صح و ممكن غلط ..
تانى حاجه ...
النور العادى ...
هو انا مش ممكن انوره فى وش واحد و اخليه ميشوفش حاجه ...؟؟؟
و ده بقى مش ممنوع ...
يعنى لو اتمسكت فى لجنه الظابط مش هيقولى عربيتك فيها نور ليه ؟؟؟
اعتقد ان اى واحد من الى معارضين للزينون ...
لو راح يشترى بى ام او مرسيدس او اى عربيه فيها زينون ..
مش هيروح يفكه ...
هيقول لا
انا هستخدمه صح ...
ارجو ان وجهه نظرى تكون وصلت و هى :
العيب فى الناس مش فى الزينون ......
كلامك كله حلو و مظبوط يا خالد
بس هو السندباد قصده على اللى بيستخدمه غلط مش الكل وميقصدش أكيد بكل اللى مركبينه يبقى بيتمنظروا بس فعلا 3/4 الناس مركبينه منظره :T_thum1[1]:
العيب مش في الزينون العيب في اللي بيطبقوا القانون الذي لا يطبق الا على الغلابة بس و الشاب الخنفس اللي حضرتك بتتكلم عليه منشر في مصر جدا و مغرور و قليل الأدب و لكن تكمن المشكلة أن السادة منفذي القانون لا يستطيعون أن يهوبوا ناحيته و إلا شافو الويل من ماما و بابا بتوع الخنفس اللي مركب الزينون ده عشان يتمنظر بيه و يؤذي خلق الله بيه و هو فعلا يسبب مشاكل في النظر و يتناسى السادة اللي عايزين كلوا يوسع لهم أن ربما بهذا الزينون يقضوا تماما على نظر عجوز بيشاور عقله أو مريض بالسكر شبكية عينه ضعيفة أو إنسان سواقته على قده و راكب عربية غلبانة هو و أسرته المتواضعة.
أنا أشكر جدا الزميل الذي اثار الموضوع لأنه حق موضوع مستفذ و مؤذي و لو كان في هذه البلد قانون بحق لصدر تشريع فوري بتجريم استخدامه و تغليظ العقوبة عليه و حسبي الله و نعم الوكيل
المشكلة كلها قايمة على طريقة الإستخدام و لكن المشكلة الحقيقية إن مصر مش محتاجة زينون لأن غالبية الوقت الشوارع زحمة و طرق ضيقة و غالبية اللى مركب زينون بيستخدمه غلط و فى أوقات غير سليمة و منظرة .
انا فعلاً بكره الزينون بسبب اللى بشوفه يتعمل فى الشارع !!!!!!!!!!!!
انا كنت فعلا حقف بالعربية بسبب انى مشوفتش قدامى لان الزينون بياذى العين جدا وبتقعد بعدها بفترة حاسس ان فيه ضوء فى عنيك ومزغللة :k40:
وطبعا كان اللى مركبة فرفور صغير ضارب شعره جل :Ka_che1[1]:ومركب اصحابه ومعلى صوت الكاسيت وماشى فى طريق عادى مش طريق سفر ولا حاجة":T_thum1[1]: