طلب من الأخوة الأعضاء بخصوص نيو سيراتو الهاي لاين

**a7mednour** · 08-04-2009 01:19 AM

السلام عليكم ...
باذن الله تعالى انا نويت اني أجيب النيو سيرانو الهاي لاين بس لسة لغاية دلوقتي ماشفتهاش من جوة خالص ومش عارف شكلها عامل ازاي بالفرش الجلد والسمارت كي وهل تستحق الفرق ما بينها والفئة الي قبلها ولا لأ ؟؟؟

انا شفتها وركبتها بس كانت الخليجي مش الهاي لاين ...
فياريت من الأخوة الأعزاء الي يقدر يروح التوكيل ويصورهالنا من جوة وخصوصا الفرش والسمارت كي
كتر الله خيره ... وان شاء الله ربنا يوفقك ونصبح من ملاكها...

أخر حاجة سؤال للمهندس غازي.. لو انا دفعت المقدم وحجزت الهاي لاين امتى باذن الله هيكون الاستلام تحديدا ؟؟؟؟
وجزاكم الله كل الخير ...

**ghazy12** · 08-04-2009 02:22 AM

المشاركة الأصلية كتبت بواسطة a7mednour

السلام عليكم ...
باذن الله تعالى انا نويت اني أجيب النيو سيرانو الهاي لاين بس لسة لغاية دلوقتي ماشفتهاش من جوة خالص ومش عارف شكلها عامل ازاي بالفرش الجلد والسمارت كي وهل تستحق الفرق ما بينها والفئة الي قبلها ولا لأ ؟؟؟

انا شفتها وركبتها بس كانت الخليجي مش الهاي لاين ...
فياريت من الأخوة الأعزاء الي يقدر يروح التوكيل ويصورهالنا من جوة وخصوصا الفرش والسمارت كي
كتر الله خيره ... وان شاء الله ربنا يوفقك ونصبح من ملاكها...

أخر حاجة سؤال للمهندس غازي.. لو انا دفعت المقدم وحجزت الهاي لاين امتى باذن الله هيكون الاستلام تحديدا ؟؟؟؟
وجزاكم الله كل الخير ...

بالنسبة لصور الهاي لاين... حاااضر هحاول اصورهالك من اي فرع ان شاء الله

بالنسبة للحجز بيكون بـ 20000 جنية واستلام الهاي لاين بعد شهرين من دلوقتي و ممكن قبل كده كمان لو العربية وصلت بدري ان شاء الله...

ربنا يوفقك للي فيه الخير ليك ان شاء الله...

**sergo** · 08-04-2009 02:58 AM

بلاش تفكر فى الهاى لاين علشان شكلها مش نزل قبل 4شهور كلام ده من جوء التوكيل

**eng/muhamad** · 08-04-2009 08:54 AM

يا بشمهندس غازى هى العربيه فيها وحدات رفع للابواب و فتحه السقف و لا لأ
و لو مفيهاش ينفع تركب فى التوكيييل؟

**a7mednour** · 08-04-2009 10:49 PM

المشاركة الأصلية كتبت بواسطة ghazy12

بالنسبة لصور الهاي لاين... حاااضر هحاول اصورهالك من اي فرع ان شاء الله

بالنسبة للحجز بيكون بـ 20000 جنية واستلام الهاي لاين بعد شهرين من دلوقتي و ممكن قبل كده كمان لو العربية وصلت بدري ان شاء الله...

ربنا يوفقك للي فيه الخير ليك ان شاء الله...

شكرا مهندس غازي على رد حضرتك وجزاك الله كل خير
وان شاء الله تستلم العربية على خير وتعجبك وتذينا تقييمك علشان نشتريها

**a7mednour** · 08-04-2009 10:51 PM

المشاركة الأصلية كتبت بواسطة sergo

بلاش تفكر فى الهاى لاين علشان شكلها مش نزل قبل 4شهور كلام ده من جوء التوكيل

والله انا رأيي لو بالكماليات اللي نازلة في الهاي لاين استنى واشتريها ولو بعد سنة
بس ياريت بس يكون تقفيلها الداخلي بالفرش الجلد نفس اللي في مخيلتي بجد هتكون تحفة

وربنا ييسر لما فيه الخير
وشكرا على رأيك المتوااضع ...

**a7mednour** · 09-04-2009 11:27 PM

لسة يا جماعة مفيش أخبار....
يا ريت لو في أي أخبار عن الهاي لاين تخبرونا عنها ضروري

وجزاكم الله كل الخير

**TeMoON** · 10-04-2009 06:50 PM

احمد نور اخبارك اية؟
على فكرة انا كمان حجزت الهاى لاين بس من غير ما شوفها فى التوكيل انا دخلت على موقع كيا واتفرجت عليها وان شاء الله استلم بعد شهرين بس انا حجزت من ناشيونال موتورز لان فى التوكيل التسليم فى الوكيل بعد 3 شهور فا ناشيونال موتورز قالى انا ان شاء الله اقدر اسلمك فى شهرين وانا حجزتها وانا ونصيبى فيها بس هى عربية مش هقول روعة ولا خرافة ولا الكلام دا كلة بس كل الى هقدر اقولة انها عربية كويسة جدا وتنفع فى بلدنا عشان كدا انا فكرت فيها لانها عربية هتكون جوة البلد حلوة وعلى الطريق كويسة فا اتكل على الله وجمد قلبك العربية دى ميزتها انها جاية من كوريا فا دى تطمنك شوية وفيها كل الكماليات الى انت محتاجها ونصيحة لما تركب عربية اركب الكاملة منها احسن

**a7mednour** · 10-04-2009 08:37 PM

المشاركة الأصلية كتبت بواسطة TeMoON

احمد نور اخبارك اية؟
على فكرة انا كمان حجزت الهاى لاين بس من غير ما شوفها فى التوكيل انا دخلت على موقع كيا واتفرجت عليها وان شاء الله استلم بعد شهرين بس انا حجزت من ناشيونال موتورز لان فى التوكيل التسليم فى الوكيل بعد 3 شهور فا ناشيونال موتورز قالى انا ان شاء الله اقدر اسلمك فى شهرين وانا حجزتها وانا ونصيبى فيها بس هى عربية مش هقول روعة ولا خرافة ولا الكلام دا كلة بس كل الى هقدر اقولة انها عربية كويسة جدا وتنفع فى بلدنا عشان كدا انا فكرت فيها لانها عربية هتكون جوة البلد حلوة وعلى الطريق كويسة فا اتكل على الله وجمد قلبك العربية دى ميزتها انها جاية من كوريا فا دى تطمنك شوية وفيها كل الكماليات الى انت محتاجها ونصيحة لما تركب عربية اركب الكاملة منها احسن

أخي تيمون
شكرا لرأي حضرتك جدا وانت كدة شجعتني ليها أكتر بس انا بصراحة لازم أشوفها برده قبل ما أشتريها سواء كان الأخوة الأعضاء صوروها ولا لأ لازم برده أشوفها بأم عيني ...
لو مؤاخذة الواحد مش بيشتري سمك في مية ... أضف الى ذلك اني فرحان ان الهاي لاين هتتأخر ضمن التوكيل لمدة تلات شهوروهي فترة مش كبيرة للدرجة من ناحية الأنتظار بس هي فترة خلالها تكون العربية انتشرت انتشار معقول وظهر ما يخفى منها سواء عيوب أو مميزات

وان شاء الله حضرتك لما تستلمها على خير باذن الله تعطينا تقييمك وتدينا كمان دفعة قوية أكتر اني اشتريها على طوول
عموما العربية الخليجي منها ما شاء الله منتشرة بطريقة غريبة في كل المعارض والحجز شغال عليها بطريقة غير طبيعية
وربنا يكرمك وتجيبها باذن الله وجزاك الله خير على نصيحتك الغالية
تقبل احترامي

**a7mednour** · 10-04-2009 08:55 PM

حاجة تانية صحيح ...

صور النت بالنسبة لي مش الاعتمادية اللي أحكم على العربية منها
لأني بصراحة اي عربية بشوفها على النت عمرها نهائي ما لقيتها نفسها
المفروض يكون صور العربية على النت نفس اللي تنزل هنا قلبا وقالبا ...
لكن عندنا هنا نفس القالب بس بيغيروا القلب
عموما اتمنى ان التوكيل يكون كويس وينزلها متل ما هي بالظبط اللي موجودة على النت
وربنا يقدم اللي فيه الخير...