الموضوع: حجزت جين 2 2009 مانيوال

الف الف مبروك ياباشا...وتستلم على خير ان شاء الله

واللى بيجيى مع العربيه...الدواسات , الاستبن والعده(شنطه العده تكون مقفوله) , طابات العجل , المفتاح الاحتياطى ....-مافيش وصلات بتيجى للكاسيت.

وماتنساش المنيوال .. وكتيب الصيانه ...وضمان الكاسيت.

وقبل ماتسلتم تروح يوم انت وصحابك وتفصصوا العربيه مع تجربه كل شىء....

وبخصوص العداد...حسب انت هتستلم منين...لو من الصحراوى هتلاقيه عامل حاجه بسيطه يعنى 20 بالكتير...انما لو من فرع مدينة نصر ميلا هتلاقيه عامل بتاع 60 ولا حاجه....

واكيد لازم تجرب التكيف قبل ماتستلم وتسمع صوته وتجرب كل حاجه.

وتستلم على خير ان شاء الله...وربنا يباركلك فيها يارب ويحفظهالك من كل شر ويكفيك شرها.

مبروك يا محمود باشا
الف الف مبروك :k32:
وربنا يديك خيرها ويكفيك شرها
بص على كل حاجة فى العربية :
1- السنتر لوك فى جميع الابواب
2-جميع زراير الكاسيت والتابلوه
3-الكهرباء كلها بما فيها المصابيح الامامية والخلفية والاشارات والانتظار ونور التابلوه ونور الزراير
4-فتح الشنطة من جوه ومن بره يعنى بالمفتاح كمان وجرب كويس وعلى مهلك
5-افتح الكابوت وشوف كل حاجة فى مكانه وتمام واهم حاجة ميكونش فى اى تسريب لاى زيت باكم او زيت الباور بص كويس وعلى مهلك
6-بص على عصاية الفتيس وشوف ثابتة ولا بتتحرك يعنى مربوطة كويس ولا فيها مشكلة
7-اتاكد من صوت الدركسيون صوته عادى لو حركته يمن وشمال ولا بيزيق
8-اتاكد من شغل المساحات مع تشغيل مياه المساحات للتاكد فقط انها سليمة
9-شغل زراير التكيف وانتا مدور العربية طبعا للتاكد من جودته ومطولش علشان انتا لسا ملينتش
10-جرب مفتاح تنك البنزين من الداخل
11-جرب السيدى وخد معاك اى سي دى تجربه علشان تشوف اخبار الكاسيت ايه
12-متنساش تاخد بالك من الاستبن والكوريك والدواسات وكمان ضمان الكاسيت وضمان السيارة والمانيول بتاعها .
واى حاجة تلاقيها مش عجباك لاقدر الله اثبتها فى الاستلام ولو معجبتكش فى حاجة ولا يهمك خد غيرها محدش ليه عندك حاجة خالص برحتك يعنى الواحد مش كل يوم بيجب عربية
وربنا يرزق خيرها ويكفيك شرها

أسامة

مبروك الحجز والف مبرووك مقدما وتستلم جين2 الجميلة على خير
ربتا يوفق

الف مبروك مقدما وخلي بالك ساعة الاستلام ويكون بالنهار وربنا يوفق

المشاركة الأصلية كتبت بواسطة Mahmoud_Peugeot

السلام عليكم...
الحمدلله حجزت جين 2 2009 مانيوال لونها رمادي والف شكر لكل اعضاء جين 2 وخصوصا محمد عبدالعال باشا الي نزل معايا وكلمني علي العربيه والتوكيل وطبعا الاخ توت الي انا استفت من مواضيعوا عن الجين 2 .
انا حستلمها الخميس الجاي ان شاء الله...
المفروض يجي مع العربيه ايه وابص علي ايه والعداد اخروا كام كيلوا...
وهل ينفع اجرب التكيف في فتره التلين وهل في وصله اي بود بتتوصل بالكاسيت ودي بتيجي مع العربيه ولا لا؟؟؟
والف شكر يارجاله بروتون

الله يخليك دا واجب علينا و اهل بيك في جروب اسماعيلية و متنساش يوم الخميس

المشاركة الأصلية كتبت بواسطة amecath

مبروك يا محمود باشا
الف الف مبروك :k32:
وربنا يديك خيرها ويكفيك شرها
بص على كل حاجة فى العربية :
1- السنتر لوك فى جميع الابواب
2-جميع زراير الكاسيت والتابلوه
3-الكهرباء كلها بما فيها المصابيح الامامية والخلفية والاشارات والانتظار ونور التابلوه ونور الزراير
4-فتح الشنطة من جوه ومن بره يعنى بالمفتاح كمان وجرب كويس وعلى مهلك
5-افتح الكابوت وشوف كل حاجة فى مكانه وتمام واهم حاجة ميكونش فى اى تسريب لاى زيت باكم او زيت الباور بص كويس وعلى مهلك
6-بص على عصاية الفتيس وشوف ثابتة ولا بتتحرك يعنى مربوطة كويس ولا فيها مشكلة
7-اتاكد من صوت الدركسيون صوته عادى لو حركته يمن وشمال ولا بيزيق
8-اتاكد من شغل المساحات مع تشغيل مياه المساحات للتاكد فقط انها سليمة
9-شغل زراير التكيف وانتا مدور العربية طبعا للتاكد من جودته ومطولش علشان انتا لسا ملينتش
10-جرب مفتاح تنك البنزين من الداخل
11-جرب السيدى وخد معاك اى سي دى تجربه علشان تشوف اخبار الكاسيت ايه
12-متنساش تاخد بالك من الاستبن والكوريك والدواسات وكمان ضمان الكاسيت وضمان السيارة والمانيول بتاعها .
واى حاجة تلاقيها مش عجباك لاقدر الله اثبتها فى الاستلام ولو معجبتكش فى حاجة ولا يهمك خد غيرها محدش ليه عندك حاجة خالص برحتك يعنى الواحد مش كل يوم بيجب عربية
وربنا يرزق خيرها ويكفيك شرها

أسامة

الكلام دا ميه ميه متبصش على حاجة غير كده و aux في كلاريون ب 75 جنيه و هو بيركبها هناك