الTPS و نظافة البوابة

**Drift_Lover** · 07-04-2009 09:15 PM

المشاركة الأصلية كتبت بواسطة Badrowi

ربنا يعدى الليلة دى على خير
هههههههههههههه

**ahmedaliaeg** · 07-04-2009 09:16 PM

شكرا ليكم يا خبرآالمنتدى
انتم احلى حاجه فى منتدى الدايو

**engoss1990** · 07-04-2009 09:19 PM

بس فى حاجة يا بشمهندس سمير
دلؤتى لو افترضنا ان فى عمود داخل ال Tps ممكن يتكسر فده عن طريق اجهاد لي (بشد الياء) و اجهاد اللي المفروض يطبق فى الحالة دى لأنه بيتعرض لقوة عمودية على محوره (موزية لمساحة المقطع) لكنه لا يطبق فى الحالة دي لأنه مش مثبت من اى ناحية فى الاثنين سواء كانت من الحساس او البكرة

*لكن فى الحالة اللى حضرتك بتتكلم عليها ان البوابة ناشفه نقدر نعتبرها مكان التثبيت بس اجهاد اللي(بشد الياء) لا يطبق عند مكان التثبيت لان مفيش زاوية لي(بشد الياء)

**samirayad** · 07-04-2009 09:31 PM

دلؤتى لو افترضنا ان فى عمود داخل ال Tps ممكن يتكسر فده عن طريق اجهاد لي (بشد الياء) و اجهاد اللي المفروض يطبق فى الحالة دى لأنه بيتعرض لقوة عمودية على محوره (موزية لمساحة المقطع) لكنه لا يطبق فى الحالة دي لأنه مش مثبت من اى ناحية فى الاثنين سواء كانت من الحساس او البكرة

هو فعلا أجهاد لى ...ناتج من تقل عمل البوابه....بسبب الرواسب والكربون (اللى ممكن يترسب على جسم الخانق من الداخل ....وبالذات لما يكون فيه أتربه ورمال خفيفه ممكن تدخل مع الهواء ومش قادر فلتر الهواء يحجزها ) دا غير لو كان خط الفائظ بتاع المحرك بيودى نسب من بخار الزيت للمنطقه دى ....وده بيساعد على عملية لزق الرمال الخفيفه أوى دى والأتربه وبعض زرات نواتج الحريق ...اللى رايحه من خط الفائظ لمجمع الهواء.......وهنا بقه بيتقل عمل أكس البوابه .....وعلشان كده لازم من متابعة الصيانه الدوريه لجعل الأكس بتاع البوابه أكثر ليونه................زى مايكون المحرك لسه جديد ( واللى الأمور متظبطه عليه من ناحية الأشارات أثناء الدراسات الهندسيه اللى تمت على الآداء واللى متبرمجه على اساسها عملية الكنترول )

*لكن فى الحالة اللى حضرتك بتتكلم عليها ان البوابة ناشفه نقدر نعتبرها مكان التثبيت بس اجهاد اللي لا يطبق عند مكان التثبيت لان مفيش زاوية لي

كده تمام والله ينور عليك......ودى بتكون بداية تلف الحساس مع أهمال النظافه وبالذات لما العربيه بتقدم بعض الشىء وتسوء الحاله...................:k32:

**engoss1990** · 07-04-2009 09:40 PM

بس فى حاجة تانية ان العيب ده صعب يظهر اوى زى ما قال استاذ ممدوح لان اللى عمل العربية اكيد كان بيحسب ال stresses و اكيد عامله بsafty limit عالى غير كده الاجهاد قوته مش عاليه لانه مش ترس بيلف على عمود بعزم عالى جدا لدرجة انه يكسره دى اجهاد ضعيف حتى بالنسبة لحجم العمود او الاكس زى عامود الكرونه محسوبله اجهاداته حلو اوى فصعب يتنى ويتكسر

**samirayad** · 07-04-2009 09:47 PM

فصعب يتنى ويتكسر

لا بينثنى الزراع المتحرك داخل الحساس (طرف الأشاره بتاع البوتنشيومتر ) مع زيادة أجهاد اللى اللى قولت عليه .......ودى من أسباب تلف حساس الtps .....وده أنا قريته فى جداول تشخيص أعطال الtps لمحركات الحقن الألكترونى............................

**aymanhh** · 08-04-2009 10:23 AM

المشاركة الأصلية كتبت بواسطة samirayad

........علشان كده مع تقل البوابه ( نتيجة أهمال تليينها ونظافتها ) بتتأثر الأشاره وبيحدث خلل فى عمل الــــــــــــTPS [/RIGHT][/RIGHT .......وممكن تكون البوابه راكنه ومفتوحه قليلا فى السلانسيه (بسبب تقلها )......وعلشان هيا مفتوحه ...حتروح أشاره غلط عن وضع البوابه ( ومش وضع سلانسيه مثلا )......وكده حتبوظ عملية التحكم .................

_ يبقى الخلل الميكانيكى تحول الى خلل كهربى ....أعتمادا على نظرية تشغيل بوتنشيومتر الحساس كظاهره كهربيه..............

COLOR] ده أقتباس من ردك الأخير ......ومش عارف أنا دلوقتى قدرت أوضحلك وجهة نظرى ولا لا ............................

الكلام دة هو المفيد ودة هو فعلا الممكن يحصل
ودى اعتقد نقطة التقاءك بكلام محمد ممدوح

**Shiref_mohamed** · 08-04-2009 11:17 AM

مش فاهم ليه الكلام الكبير ده كله الموضوع بسيط خالص...
حساس الـ tps راكب على طرف اكس البوابه الخلفى وطرف الأكس الأمامي ركب عليه بكرة فبر وعليها سوسته قويه جداً جداً لدرجه انها بترد سلك دواسة البنزين ودواسة البنزين بمجرد رفع القدم عن دواسة البنزين تمام ...
تجربه عمليه بقى انا عربيتى لما جبتها كانت بتاعت واحده ست متعرفش اساساً ان العربية فيها موتور وعمر مالبوابه عملت زي ما قلت يا بشمهندس سمير...

نرجع تاني ونقول الحساس راكب بمسمارين الانكيه على طرف الأكس(صلب) بتاع البوابه يبقى لما بندوس على الدواسه الأكس بيتحرك وبدوره بيحرك الـ tps ..
يبقى لمؤاخذه يعني في التعبير الحساس عامل زي الحمار الأكس الى راكبه يقوله يمين يروح يمين يقوله شمال يروح شمال ..
وياريت يا جماعه نجرب نشوف الموضوع على الطبيعه يعني ننزل نفتح الكبوت ونفك المسماريت بتوع الحساس ونبص عليه ونفحصه كويس قبل ما نكمل كلامنا

**MMamdouh** · 08-04-2009 11:31 AM

المشاركة الأصلية كتبت بواسطة samirayad

علشان كده مع تقل البوابه ( نتيجة أهمال تليينها ونظافتها ) بتتأثر الأشاره وبيحدث خلل فى عمل الــــــــــــTPS [/RIGHT][/RIGHT .......وممكن تكون البوابه راكنه ومفتوحه قليلا فى السلانسيه (بسبب تقلها )......وعلشان هيا مفتوحه ...حتروح أشاره غلط عن وضع البوابه ( ومش وضع سلانسيه مثلا )......وكده حتبوظ عملية التحكم ................

هنا نقطة الخلاف بالضبط

لو لاى سبب من الاسباب البوابة راكنة مفتوحة شوية دة مش حيسبب خلل فى وظيفة حساس الTPS لسبب بسيط.... الحساس بينقل الوضع الحقيقى للبوابة و بالتاى كون البوابة واقفة فى مكن غلط دى مش مشكلتة... افرض البوابة واقفة على وضضعية الفتح الكامل لان السوستة بتاعتها اتكسرت... هل دة يعتبر خلل فى حساس الTPS؟؟؟

الخلل فى الحساس هو انة يدى معلومة خطاء عن وضع البوابة و يقول للكونترول انها واقفة فى وضع غير اللى هى واقفة علية بالفعل... او طبعا انة ميقولش اى حاجة خالص

لو بصينا للناحية العملية فا حتلاقى ان صعب جدا جدا اى اوساخ تقاوم حركة سوستة البوابة لان السوستة دى قوية جدا جدا و فعلا لازم يبقى فى البوابة زلط عشان متتحركش بحريتها

MMamdouh

الموضوع: الTPS و نظافة البوابة

LinkBack

أدوات الموضوع

عرض

-

-

-

-

-

المواضيع المتشابهه

نصيحة: اتلككوا على تغيير البوابة قبل نهاية الضمان. البوابة الأصلية بها سم قاتل

نظافة الجلد

شكر لطنانى واسعار حساس الtps

تنظيف البوابة و الأيدل كونترول و الtps...بيكانتو!

نظافة الرشاشات!!!!

الكلمات الدلالية لهذا الموضوع

المفضلات

المفضلات

ضوابط المشاركة