الموضوع: الTPS و نظافة البوابة

اولا الحساس دة تصميمة غير تصميم الحساس اللى عندنا

ده بوتنشيومتر ......ونظريته هى نفسها نفس نظرية البوتنشيومتر بتاع الحساس اللى مغلبنا معاه........

لكن نقل الحركة الميكانيكية مختلف تماما نتيجة عدم وجود الاكس اللى فى الصورة برفم 7 بل بيحل محلة اكس البوابة شخصيا

المحور العمودى هو اللى موصل لأكس البوابه.....وفى نهايته زراع البوتنشيومتر الأفقى وبيكون راكب على نهاية المحور العمودى من طرف والطرف الآخر مرتكز على المقاومه الثابته (اللى شبه الكعكه الأفقيه )......لما البوابه بتكون تقيله مثلا بيحصل أجهاد على الزراع الأفقى اللى بنقول عليه ....بمعنى أن المحور العمودى لما بنحمل على البوابه وهى تقيله شويه بيعمل على الزراع الأفقى ده sudden shock .....بتتحول الى جهد أنحناء وممكن ينحنى الزراع الأفقى ده وتبوظ الأشاره....علشان الطول حيختلف ...وممكن ينفصل تلامسه مع المقاومه الأفقيه مع نتشة البوابه بسبب تقلها........

حسالك سؤال واحد عنشان نجيب اخر الموضوع دة.... لو ركبنا سوستة اضعف من اللى موجودة اصلا على البوابة.. هل دة حيساهم فى اطالة عمر حساس الTPS؟؟

عادى يا أبو حميد من غير أمتحان ولاغيره ( أحنا أخوات والهدف نفهم وليا ياسيدى الكلام ده مش ليك علشان يهمنى أوى حبك وأخوتك ......وعارف أنك أستاذ / كبير ......وفعلا أنا شخصيا أستفدت كتير جدا من مواضيعك الأكثر من رائعه......بل أنها كانت الأنطلاقه لى فى التقدم فى حاجات كتير .....ومعروف وزنك كويس فى المنتدى لدى الجميع ........وفعلا أنت شخص ممتاز فى أجتهادك ده كله ونموذج رائع للأنسان المصرى المفكر وبأحييك على هذا جدا ).......أرجع بقه معاك لسؤالك .....السوسته بتصمم على حسب شد سلك الأكسراتير لفتح البوابه علشان ترجع البوابه لوضعها الطبيعى بعد رفع القدم من على الأكسراتير .....ومينفعش طبعا الكلام ده ( وأنا عارف أنك عارف برضه الحته دى ....بس بتختبرنى ).....ولو فرض وبقت كده الحساس حيبوظ (لأن الزراع الأفقى حيخرج من حدود عمله على المقاومه الدائريه الثابته )......ولكن زى ما أنت عارف دى تصميمات وحسابات معمول حسابها كويس من ناحية الأحمال على المنظومه.......وعلشان كده ماينفعش نحط الأفتراض ده

من غير قسم يا سمير...

ياريت تحاول تشوف جداول أعطال المحركات الحديثه اللى فيها من ضمن أسباب تلف الــــــــــــ tps هوحدوث أنحناء أو أنثناء فى جودة التوصيل بين البوابه والحساس........وأنا أقسمت علشان تصدقنى وأشكرك لثقتك فى الرد...........وقرائتى للأعطال دى هى اللى خلاتنى أفكر فى الموضوع ده زى ماشفت.........وححاول أحولك جداول الأعطال اللى قريتها فى أحد المنتديات الهندسيه (برضه علشان تفكر معايا وتقول أيه اللى ممكن يسبب أى أنحناء فى توصيلات الــــــ tps مع البوابه غير اللى أنا فاهمه )

المشاركة الأصلية كتبت بواسطة engoss1990

حضرتك يا بشمهندس دى صورة البوتنشيوميتر

صورة ال tps اهيه

وهما مختلفين فى التصميم مش فى طريقة العمل لأن العملو العربية ناس بتفهم و عاملين الtps بطريقة مغتلفة عشان عارفين ان عليه حمل

ده فعلا رسم هندسى لأحد أنواع الـــــــTPS علشان يبين شكل البوتنشيومتر من الداخل.....وعاوزك تلاحظ أن ده قطاع على محور الحساس ......وده بأربع أطراف .......أما اللى عندنا بثلاثه أطراف ( والنوع ده مركب تقريبا فى بعض أنواع السيارات التويوتا بالتحديد وليه نظام تانى فى أستقطاع التيار غير عندنا وليه مقاومتين ثابتين وجواه أثنين كونتاكت واحد للسلانسيه وواحد مع أوضاع فتح البوابه وأسمه TPS WITH IDL )..........وأنا بقولك كده علشان عندى جداول الفيش للدايو والنوبيرا وعدد الأطراف اللى فى كل فيشه