انا اتفرجت على فيرنا 2006 ودى الحاجات اللى شوفتها فيها
العربية فابريكه جوه واغلب اجزاء من بره
العداد عامل 200 الف كم :shyy:
الصالون ياخد 6 من 10
التكيف والسنتر مش شغال
طالب نهائى 44 الف
ايه رايكم
عرض للطباعة
انا اتفرجت على فيرنا 2006 ودى الحاجات اللى شوفتها فيها
العربية فابريكه جوه واغلب اجزاء من بره
العداد عامل 200 الف كم :shyy:
الصالون ياخد 6 من 10
التكيف والسنتر مش شغال
طالب نهائى 44 الف
ايه رايكم
اعتقد ان 200 الف كتير شويه
دور على حاجه ماشية قليل
هى 1500 سى سى ولا 1600
وهى كامله ولا هاف
حاله الموتور والعافشه والشاسيه اخبارهم ايه
خليك في المضمون يا مان اهم حاجه تركب العربية وانت راضي عنها مش مجرد راكب عربية وخلاص
دور مره واتنين وتلاته ومسيرك تلاقي حاجه حولة إن شاء الله
لا العربيه كده ماشيه كتير اوى 200 الف ف 3 سنين ليه !!!!!!!!!!!!!!!!!!!!!!!!
انا رأى بلاش دى وزودلك كام الف وهات نفس العربيه وهيكون عدادها ربع ده مثلا يعنى 50 الف كيلو مثلا
يانهار ابيض 200الف ليييييييييييييييييييييييي ييييييييييييييه كان بيروح فين بيها
وممكن كمان كانت بتأجر عشان تعمل الرقم ده
وابعد عن اى عربية بتاجر.....وغير كده 44الفسعر كتيييييييييييير جدا عليها
نصيحة منى ابعد عن العربية الفيرنا لانها عربية خفيفة جدا وموتورها اقوى من العربية
وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا
يمكن يا جماعه الراجل بيتكلم على الحضاره والاصاله بتاعت ال 128 .. :b4_282:اقتباس:
وخفيفة جدا انا بركب عربيات كتير وعن تجربة ان ال 128 احسن منها بكتير واولا عاملة كيلو متر كبير جدا
يا جماعة انا عاوز اقول ان الفيرنا مليانة عيوب كتير .مرة مهندس زميلى اشتراها زيرو وكان واقف فى الشارع وعدى علية واحد سألة العربية دى زيرو قالة ايوة سألة عن اخبارها معاه قالة ماشية رجع قاله العربية بترمى يمين لوحدها (بتحدف)قالة اة والله فى الاخر عرفة بنفسة انه مهندس فى التوكيل وان دة عيب فى العربية اول ما بتمشى عمرنا ما سمعنا كدة فى الاوبل والانسر والعربيات التانية.وانا اما بتكلم عن حاجة ناتج عن تجربة العربية نفسها.العربية دة حلوة للى عاوز يركب والسلام يعنى عربية رخيصة وتكييف وكدة انما اللى غاوى عربيات او (ركيب) يقتنع تماما انها مش حلوة. حاجة اخيرة عاوز تتفرج عليها من جوة انزل الحرفيين شوف اى واحدة بتتجدد وشوف شكلها من تحت التابلوة والفتيس هاتقتنع بكلامى وان ال128 احسن منها
يا فندم حضرتك قولت وجهه نظرك بس ما جاوبتش على سؤال مهم حضرتك خبرتك دى مبنيه على اساس انك كان معاك فيرنا ولا من خلال صاحبك اللى عدى عليك وواحد قله انا مهندس فى التوكيل وقلله على عيب التصنيع اللى محدش شايفه من الناس اللى معاها العربيه؟
ياريت توضح العيوب اللى العربيه مليانه بيها؟
ياريت توضح مميزات ال128 عن الفيرنا؟
ياريت تقولنا الفيرنا قعدت معاك قد ايه؟
ولو بعتها بعتها ليه؟
يا ترى حضرتك جبت ايه دلوقتى؟
على فكره انا مش ركييبب زى ما حضرتك قلت بس على الاقل بتكلم عن خبره انا ركبت 128 و اكسيل وسوبارو ولانوس ومؤخرا فيرنا واحب اوضح لحضرتك ان الفيرنا ليست كامله وانها ليست افضل السيارات على الاطلاق ولكن ليست عربيه رخيصه والسلام وفيها تكييف على حد تعبيرك!!!!!
كلامى مش هجوم شخصى على شخص حضرتك ولكن برضه هو رأى شخصى مبنى على تجربه عمليه!!!
الغرض مش الدفاع عن عربيه انا راكبها ولكن كلامك فيه تجريح لملاك العربيه ولو حضرتك متقصدش:satelite: حصل خير !!!
ولو تقصد اننا كلنا (ملاك الفيرنا ) راكبين عربيه والسلام لكن مش فاهمين احنا معانا ايه فشكرا ياسيدى وده رأيك الشخصى وانت حر فيه !!!!
على فكره
الاسم العضويه بتاع حضرتك صلاح لانسر ولا صلاح لنصر
lancerغير lanser
bera7a 3la elgada3
شوف عربية ماشية ققل من كدة كداااا كتير قوى يعنى :)
الحمد لله اشتريت لانوس واشكركم على الردود جميعا
مبروك يا باشا
الاخر لانصر بتاع ال 28 ماردش ليه ؟؟ خير ؟
مبرووووووك و كويس ان ربنا كرمك باللانوس عشان عربية محترمة
الف مبروك اللانوس احسن بكتير
ابدا يا اخى انا تحت امرك
بالنسبه للفيفا انا اسف معنديش اى معلومات عمليه عنها بمعنى انى مجربتهاش ومبحبش كلمه بيقولوا حلوه او وحشه!
بالنسبه للفيرنا واللانوس
اللانوس صالونها الكنبه اللى ورا فيه اوسع من بتاعه الفيرنا بس شكل التابلوه بقى قديم قوى ودى أذواق!
بالنسبه لقطع الغيار اللانوس ارخص من الفيرنا
على سبيل المثال سير الكاتينه بتاع اللانوس من التوكيل ب61 جنيه وبتاع الفيرنا ب 253 جنيه بس بيتغير على 60 مش 45.
بالنسبه للسحب والبنزين
الفيرنا تكسب تسارعها اعلى واستهلاكها للبنزين اقل
اللانوس 1500سىسى لكن الفيرنا 1500 و1600
التكييف بتاع الفيرنا اقوى واسرع من اللانوس
الفرامل بتاع الاتنين معقول بس انا شايف اللانوس احسن شويه
الفيرنا ناعمه جدا جدا جدا طبعا اكتر من اللانوس لكن سباتها مش تمام على السرعات العاليه(بعد ال120 لازم تخلى بالك)
الفيرنا اخف وزنا واحدث تصميما لكن الشكل برضه اذواق
معلش انا مش عارف كده كفايه ولا لأ فلو محتاج اى سؤال انا تحت امرك
الحمد لله انك جبت عربيه غيرها عشان 200000 كم دي كتيييييييييير موت على الفيرنا
كانت هتعذبك والله اعلم
مبروك على اللانوس