الموضوع: التكييف شغال ومش شغال

السلام عليكم قولي يا باشا
الموتور بيعلي لما بتشغل التكيف rbmبيعلي وبتسمع صوت الموتور عالي ولا لا قولي لانة المفروض والعربية واقفة في اشارة الموتور يفضل محمل عشان الكباس انا كان عندي كدة في لانسر بس كاربراتير والمشكلة كانت بسيطة جدا في مسمار تحت الكاربراتير كان مفكوك كان بيضغط علي دراع يخلي الموتور يعلي فيتحمل حمل الكباس ولما اقف في اشارة يفضل التكييف عالي زي ما العربية ماشية واسال وقولي

انا تقريبا عندى مشكلة زى كدا بس الفرق انى انجكشن و عارف العيب فى ايه و هو حساس الايدلر كنترول و هو غير متوفر و دايخ عليه و مش لاقيه و بالتالى انا معلى الموتور الى حد معين اللى فيه لما بقف فى اشارة يفضل بردو التكييف شغال بكافئة

المشاركة الأصلية كتبت بواسطة kh_talaat

انا روحت لمحل تصليح تكييفات وقاس مستوى الفريون لقاه محتاج يتزود ، بس لقاه محتاج يتزود كتير على الرغم من ان مفيش تسريب خالص المهم زودة والتكييف بقى تلاجه وكل المشاكل اتحلت والحمد لله
ونضف السربنتينه برضه بالمره

والراجل سألني عن آخر مره زوت الفريون فقولتله أنا شاريها بقالي سنتين وشهرين ومكشفتش على الفريون قبل كدة ، فقالي العربيات الجديدة بتحتاج تتزود فريون مره كل سنة مش زي القديم بس مش عارف الصراحه المعلومة دي صح ولا غلط والراجل الصراحه عمل معايا واجب ومتكلفتش غير 50 جنية لأنه كان عن طريق واحد معرفه

شكرا لكل الزملاء الأفاضل اللي حاولوا يساعدوا

اولا احمد لله ان المشكلة اتحلت بس انا اختلف مع راى الفنى بتاع التكييف المشكلة اللى كانت عند حضرتك هى تنظيف السربنتينة( المكثف ) والسرعة العالية للمروحة لان لما حضرتك بتكون ماش المروحة بتشتغل على السرعة المنخفضة وسرعة العربية بيقابلها الهواء بنفس السرعة فيكثفالفريون فى السرعة البطيئة السرعة العالية لمروحة المكثف تعمل لتعويض كمية الهواء المقابلة للعربية دة مبيحصلش فكباس التبريد كان بيفصل ضغط عالى فيتوقف التبريد مجرد اللى انت تمشى الهواء يبرد المكثف الضغط ينخفض الكباس يعمل الدنيا تحلو وهكذا اما مسالة نقص الفريون دى اشتغالة لان فى هذة الحالة مش ممكن تحصل على تبريد وخاصة وانت دايس على دواسة البنزيين وسرعة الكباس عالية ودى لها شرح يطول

انا عاوز اقول لحضرتك حاجه
الفيرنا فيها فلتر تكييف وموجود ورا درج التابلوه
امال الهوا اللى جاى من الشارع هيخش على جوه كده على طول
انا متأكد لأن الراجل فكه ونضفه قدامى قبل كده

المشاركة الأصلية كتبت بواسطة ozy2026

انا عاوز اقول لحضرتك حاجه

الفيرنا فيها فلتر تكييف وموجود ورا درج التابلوه
امال الهوا اللى جاى من الشارع هيخش على جوه كده على طول
انا متأكد لأن الراجل فكه ونضفه قدامى قبل كده

معلومة لسيادتك الهواء اللى بيمر على الفلتر من داخل الصالون والى داخله مش من الهواء الخارجى