يا جماعة عايز حد يفيدني في موضوع المكيف سيريون 2009 1300كم بصراحة مش راض عن اداؤه ، لو حد جرب يقولي
السؤال : هو كده علشان التليين ولا في مشكلة مع العلم اني لسة مشغله من يومين على السرعة 1 و2 والكلام ده داخل البلد ولكم جزيل الشكر
عرض للطباعة
يا جماعة عايز حد يفيدني في موضوع المكيف سيريون 2009 1300كم بصراحة مش راض عن اداؤه ، لو حد جرب يقولي
السؤال : هو كده علشان التليين ولا في مشكلة مع العلم اني لسة مشغله من يومين على السرعة 1 و2 والكلام ده داخل البلد ولكم جزيل الشكر
ممكن يكون عاوز يتزود فريون بس هو اداؤه جيد
ممكن لما تروح الصيانة ابقى قولهم عليه
وبرضه لما تيجي تشغله والعربيه واقفه في الشمس
شغل المراوح فقط لمدة دقائق وانت فاتح الزجاج الخلفي علشان تغيير الهواء السخن داخل السيارة
وبعدين شغله واقفل الزجاج
ده بس علشان تحس بالفرق عالطول
انا متشكر جدا يابو عبدالله على الاستجابة السريعة دي
لكن موضوع الفريون ده غريب شوية في عربية ياباني
اما بالنسبة لظروف التشغيل ،اسيارة كانت باردة ومتهوية بس مش هو ده الاداء الي يسعف في ايام الصيف الحارة عموما استنى لل2000كم وبعدين اروح التوكيل
الحقيقة رسالتك دى قلقتنى لأنى كنت عاقدة العزم ان شاء الله انى أجيب السيريون أوتوماتيك، وأهم حاجة بالنسبة لى فى العربية هى التكييف، لذا أرجو من السادة ملاك السيريون ان يقدموا تقييمهم عن تكييف العربية، مثلما فعل الأستاذ عبدالله، والذى أرجو منه توضيح وصفه للتكيف أكثر من كدة، يعنى هل التكييف يعمل جيدا سواء كانت العربية على سرعات عالية أو منخفضة؟ وبيسقع فعلا جامد لو أنا عايزة ولا إيه؟ خصوصا إنى أعيش بالقاهرة والحر هنا غير طبيعى والشوارع كتير بتبقى واقفة.
أنا عندي التكييف شغال كويس
وبيسقع في الحر وكل حاجه مع العلم ان عربيتي لونها اسود كمان
فالتكييف كفائتة في المستوى المطلوب من اي تكييف ياباني
بس اقل من الكورولا اكيد
ولكن اخونا ممكن يكون عننده عاوز تزويد فريون مش اكتر
أنا عندي التكيف ما شاء الله زي الفل وأحياناً بخليه على درجة 1 عشان بسقع :36_1_31:
شكرا جزيلا.. كدة طمنتونى، جزاكم الله خير
رامى باشا
انا عارف ان حضرتك كان معاك تويوتا ... علشان كده السريون هتتظلم معاك
هو تكييفها اقل من التويوتا ... بالذات اللى انا مجربهم كورولا و ياريس (هما احسن)
ممكن حضرتك تعمل زى ما ابوعبدالله كتب
تفتح الاول التكييف و المراوح و الشباك مفتوح لمدة 2-3 دقائق علشان تطرد الهواء الساخن ... الوضع هيبقى افضل
لكن عموما هو التكييف اداءه مش عالى زى ما العربيات اليابانى معروف عنها التكييف القوى.
ممكن كمان انا الموضوع عندى زيادة لأن العربية لونها اسود :_Alshmokh11:
طيب واضح إن فى آراء مختلفة.. هل لو العربية كانت سيريون 1500 أوتوماتيك بدل 1300 أوتوماتيك هيكون التكييف أداؤه أفضل؟ ولا مفيش فرق؟ لأنى كمان كنت محتارة أجيبها 1500 ولا 1300 عشان السبب ده بالذات؟
مفيش اختلاف في الأراء ولا حاجه
كل واحد بيبقى له ظروفه وملابساته للموقف او للقياس
بخصوص فرق الماتورين
لو فرق الفلوس او فرق استهلاك البنزين شئ يهمك يبقى خليكي 1300 سي سي لأن الفرق مش كبير في احساسك بفارق الماتورين
يعني 1300 سي سي شغال مع التكييف كويس جدا
فمفيش شئ يخوف ان شاء الله
شكرا لاهتمامك بالرد، جزاك الله خيرا.
على فكرة انا على حد علمى إن الفريون الموجود فى السيريون ده بيكون فيريون صديق للبيئة و ده طبعاً التبريد بتاعه بيختلف عن الفريون العادى, أنا عن نفسى شايف إن تبريد العربية جيد جداً و الحمدلله بس ده برده بيرجع لطريقة إستخدامك للتكيف, يعنى فى ناس مثلاً أول ميفتح التكيف يروح مشغله على 3 أو 4 فأكيد الهوا اللى خارج مبيلحقش ياخد دايرة التبريد بتاعته و ده طبعا بيأثر على درجة البروده فى العربية, يعنى لبمفروض علشان تحس بأداء التكيف, متزوتش عن 1 أو 2 أبداً على الأقل فى البداية فى الـ 10 دقائق اللى فى الأول و يفضل لو تنقى الأماكن الضل خصوصاً لو عربيتك لونها غامق, لإن درجة غمقان اللون بتفرق فى درجة حرارة العربية.
التكيف عندى الحمد لله كويس ومعقول جدا بس فى الاول بردة اول ما جبتها مكنش عجبنى لما روحت التوكيل وقولتلهم ظبتوة
هو مبدئيا التكييف تأثيره على السحب فى الموديل ال 1.5 مش محسوس زى فى ال 1.3
اما بخصوص قوته, انا عربيتى غامقة, و كتبت بعمل ايه لما بركب العربية.
و كذا حد معاه الوان افتح و اجمع معايا ان التكييف اداؤه مش عالى , و دى بتبقى نقطة مهمة لناس كتير, انه يكون كفائته عالية... لكن مقولتش انه وحش زى مثلا تكييف بولو مو 99, اللى بتحس انك مش مشغل تكييف اصلا
اول لما جبت العربية, قلت لهم على موضوع التكييف, و قالوا ليا انهم زودوا الفريون كان ناقص شوية, و مهندس هناك قالى نظفت لك فلتر التكييف .... و اكتشف فى الزيارة اللى بعدها ان العربية اصلا مفهاش فلتر تكييف :eee:
و على العموم فى اقرب مقابلة ان شاء الله هخلى الناس تجرب التكييف بتاعى, و اجرب انا كمان عند الناس التانية, مش ممكن يكون عندى حاجة غلط :11:
و اى حد عاوز يشوف عندى عامل ازاى تحت امره.
انا التكييف عندي ممتاز بصراحة لم أشتكي منه .
الفريون غالبا هيكون R134-a و ده صديق للبيئة فعلا و بيستخدم فى كل العربيات الجديدة و بدأ استخدامه فى اوائل التسعينيات علشان مش سام زى فريون R12 اللى كان بيستخدم زمان فى التلاجات...
انا كمان زيك معايا i10 موديل 2009 و التكييف فيها كويس بس مش ساقع اوى عكس الماتريكس تكييفها تلاجة و بيسقعك جدااااا رغم انها موديل 2007 و عامله 58100 كم.. لكن حكاية انك تبدأ من سرعة 1 او 2 مش دى الحكاية انا ببدأ على 4 على طول علشان يتخلص من الحرارة الزيادة بسرعة.
انا اعتقد التكييف بيتحسن مع الوقت لانى جربته فى ال i10 من حوالى شهر و كان ضعيف شويه و مع الوقت لما جربته و على طرق سريعة لقيت اداءه بقى كويس جدا بس مش بيخليك تتلج.
و فى تحذير هاااااااااااااااااااااااا ااااااااااااااااااااااااا ااااااااااااااااااااااااا ااااااام جداااااااااااااااااااااا قريته فى الكاتالوج بيقول انك لاااااااااااااااااااااااا ااااازم تشغل التكييف كل فتره و لو لفترة بسيطة علشان تحافظ عليه و يفضل اداء النظام كويس.
التكييف معايا ممتاز والحمد لله
ملوش اى تأثير على السحب ودى ميزة هايلة خاصة فى الموتور ال 1500
رغم ان العربية لونها اسود .
لو العربية سخنة بعد وقوفها فى الشمس فترة فضرورى جدا تهويها بانك تشغل المراوح وتفتح شباكين على الاقل مش شباك واحد عشان يحصل تيار هواء داخل العربية والهواء السخن يخرج بسرعة .
استعمال بوابات الهواء المسؤولة عن اعادة تدوير الهواء داخل العربية من عدمه مهم جدا وله تاثير كبير سواء بالسلب او بالايجاب .
يعنى تجنب تدوير الهواء لما يكون سخن او تدويره لفترة طويلة جدا ممكن يزود الرطوبة فى الهواء والرطوبة ليها احساس خانق .
بعد تهوية العربية وتبديل الهواء السخن ابدأ فى استعمال خاصية اعادة تدوير الهواء حتلاقى النتيجة ممتازة .
وطبعا فى الاخر لو مفيش فايدة يبقى عليك وعلى التوكيل وعموما عيوب التكيف محدودة وسهل حصرها وعلاجها وحتبقى بسيطة جدا باذن الله .
وبالتوفيق.
اصدقائي اشكركم جميعا على الرد وسوغ اعمل بالنصائح وياريت يتصلح حاله وربنا يكرم