كرتيره الزيت

**M.Mostafa80** · 08-04-2009 01:44 PM

هو لو الكارتيره بترشح زيت يبقى حلها أيه يارجاله هل ليها جوان ولا بيتحطلها سيلكون من نوع معين ياريت تيفيدونا

**ahit** · 08-04-2009 03:23 PM

السلام عليكم
طبعاً ليها جوان و كمان الطبة ليها وردة كمان , بس المهم بعد التغيير مايقرصش عليها عند التركيب

**Ahmad** · 08-04-2009 03:58 PM

لو بتتكلم علي كارتيرة البولو أو الابيزا, يبقي سيليكون من نوع معين فقط و لا يوجد جوان لهل أصلا.
مع الأسف أنا مش عارف النوع دة ايه. بس غالبا بتوع قطع الغيار عارفين.

بالمناسبة دة مش كلام نظري , دة حصل معايا فعلا.
الكارتيرة كانت بتجيب زيت, و الميكانيكي القديم قاللي هات جوان , و كان فك الكارتيرة خلاص. نزلت لفيت علي بتوع قطع الغيار اللي أعرفهم و اللي ما أعرفهمش, ملقتش جوان للكارتيرة بتاعتي.
و في الاخر فصلت جوان و رجعت للميكانيكي و لزقه بسيليكون عادي و خلاص.
مفيش كام اسبوع و الكارتيرة جابت زيت تاني.
لحد ما لقيت مركز خدمة محترم و فيه ناس فاهمة. عرفت منهم أن الكارتيرة بتاعتي بتتقفل بالسيليكون الحراري فقط و ليس لها جوان. و فعلا عملت الكلام دة عندهم و ما شفتش زيت تاني من الكارتيرة.

**M.Mostafa80** · 08-04-2009 04:03 PM

المشاركة الأصلية كتبت بواسطة Ahmad

لو بتتكلم علي كارتيرة البولو أو الابيزا, يبقي سيليكون من نوع معين فقط و لا يوجد جوان لهل أصلا.
مع الأسف أنا مش عارف النوع دة ايه. بس غالبا بتوع قطع الغيار عارفين.

أحيك كلامك مظبوط فعلا الكارتيره بتاعت البولو والأبيزا ملهمش جوان هما ليهم سيلكون من نوع خاص كنت سألت عليه قبل كده عند أشرف سمير قالى ب 75 بس مش عارف أذا كان أصلى ولا لأ المهم انى كنت عند أشرف الشهابى أمبارح بس مجاش على بالى أسألو للأسف

**Ahmad** · 08-04-2009 04:17 PM

المشاركة الأصلية كتبت بواسطة momomero

أحيك كلامك مظبوط فعلا الكارتيره بتاعت البولو والأبيزا ملهمش جوان هما ليهم سيلكون من نوع خاص كنت سألت عليه قبل كده عند أشرف سمير قالى ب 75 بس مش عارف أذا كان أصلى ولا لأ المهم انى كنت عند أشرف الشهابى أمبارح بس مجاش على بالى أسألو للأسف

اسأل مجرب.

أصل أنا شفت كتير في الموضوع دة قبل ما أعرف اللي فيها.

**ahit** · 08-04-2009 04:24 PM

مع إحترامى لكلام الجميع
أى كرتيرة لازم ليها جوان الأول لأن الحديد أو الألومنيوم ماينفعش يطبع أو يبات على بعضه بدون جوان.
و أتمنى إنى ماكونش بفتى !!!!!!!!! ههههههههههههه

**M.Mostafa80** · 08-04-2009 04:38 PM

المشاركة الأصلية كتبت بواسطة ahit

مع إحترامى لكلام الجميع
أى كرتيرة لازم ليها جوان الأول لأن الحديد أو الألومنيوم ماينفعش يطبع أو يبات على بعضه بدون جوان.
و أتمنى إنى ماكونش بفتى !!!!!!!!! ههههههههههههه

هو طبعا انتى مش بتفتى بس العربيتين دول الفابريكه بتاعتهم أنها ملهاش جيوان بيجيلها أنبوبه سيلكون من نوع خاص وبيتحطلها وبيقوم بدور الجيوان
ممكن يأحمد تقلى عملت الموضوع ده عند مين وكلفك قد أيه وبتثق فيهم ولا لأ

**Ahmad** · 08-04-2009 04:59 PM

المشاركة الأصلية كتبت بواسطة momomero

هو طبعا انتى مش بتفتى بس العربيتين دول الفابريكه بتاعتهم أنها ملهاش جيوان بيجيلها أنبوبه سيلكون من نوع خاص وبيتحطلها وبيقوم بدور الجيوان
ممكن يأحمد تقلى عملت الموضوع ده عند مين وكلفك قد أيه وبتثق فيهم ولا لأ

+1
أنا عملت الموضوع دة في مركز خدمة فولكس, في امبابة (اخر شارع أحمد عرابي في المهندسين).
المركز دة بتاع واحد مهندس كان شغال في توكيل فولكس و هو مركز خدمة شامل بيعمل كل حاجة. و بصراحة الناس فاهمة شغلها كويس جدا و أنا مفيش حاجة عملتها عندهم و عدت عليها.
كلفني كام: انا كنت عملت الكارتيرة مع تغيير طقم الدبرياج و كلفني 150 جنيه مصنعية غير قطع الغيار و أنبوبة السيليكون.
بس الكارتيرة لوحدها مش عارف هو بيعملها بكام. لو عايز العنوان بالتفصيل وأرقام التليفون قوللي أبعتهملك.