الموضوع: سؤال هام لأصحاب الخبرة

لو عايز اسافر السعودية برى بعربيتى حد يعر الاجراءات او الاوراق المطلوبة او حتى اسأل مين .
على فكرة السفر لمدة حوالى شهر للعمرة يعنى مش حشتغل..:k4:

المشاركة الأصلية كتبت بواسطة drahmd

ياسيدي ربنا يتقبل منك مبدئيا بالنسبه للطريق قدامك طريقين

الأول ياإما تطلع لنويبع ومن نويبع تدخل العقبه وتدخل السعوديه من فوق من عند حالة عمّار
التاني تطلع الغردقه تاخد العباره السريعه الغردقه ضبا 3 ساعات او تطلع سفاجا تاخد العباره البطيئه ودي بتاخد حوالي 8 او 9 ساعات.

وأنا برشحلك الطريق التاني لأنه اسهل واقرب من مكه والمسافه من ضبا للمدينه تقريبا 500 كيلو ومن ضبا لمكه تقريبا 800 كيلو

الأوراق اللي هتحتاجها بص مقدرش افيدك اوي بس اعتقد هتحتاج حاجه اسمها دفتر التربتك معرفش بيطلع منين ف مصر بس الأكيد لو سألت في نادي السيارات هيدلوك والمفروض انك هتطلع رخصة قياده دوليه من نادي السيارات للقياده خلال الشهر ده في السعوديه مع العلم ان هناك عساكر المرور في منتهى الاحترام ولو لقاك واخد تأشيرة عمره وطلعت له رخصة قيادتك المصريه وهو عارف انك قاعد شهر هيعديك ومع ذلك في عالم فيهم ولاد حرام بس دول قله قليله بس موجودين فأحسن لك طلع رخصة قياده دوليه وريح دماغك.

بالنسبه لتأشيرة العمره الله أعلم اذا كان ممكن الدخول من حالة عمار او من ضبا لأن الصراحه انا كنت بطلع بتأشيرات اقامه فكان ممكن ادخل من أي مكان.بالنسبه لدخول العربيه للسعوديه مااعتقدش ابدا هيكون في مشاكل بس اهم حاجه وانت خارج اسأل عن الاجراءات في نادي السيارات بس اعتقد الموضوع بسيط وان شاء الله رحله موفقه وادعيلنا بس أهم حاجه

ألف شكر ياباشا كده الصورة ابتدت توضحززز