لمبه ال n بتنور وتطفى مع ال d

**mady2007** · 08-04-2009 04:21 PM

أريد المساعدة لما بجى أطلع بالعربيع ببقى جايب الd بحس بنتشه فى العربيع وبعدين لمبه ال n بتنور وتطفى وال d منورة وبيكون السحب ضعيف
أعمل ايه

**Ahmed Samy** · 08-04-2009 04:29 PM

حصلتلي قبل كده
ده زيت الفتيس يا اما ناقص قوي
يا اما وسخ

غير زيت الفتيس و ماتستناش علشان الفتيس ما يبوظش

**lovelorn** · 08-04-2009 06:38 PM

غير الزيت وأفصل كبل البطارية بليل ولما تنزل الصبح ركبه تانى .. وبعد ما تدور العربية شد فرامل اليد وانقل ما بين ال R , N ,d كذا مرة .. وان شاء الله متنورش تانى .

**mady2007** · 09-04-2009 03:07 PM

انا متشكر علر الردود بس انا عملت كل دة والعيب لسه بردو موجود بس المشكله دى بتظهر بس وأنا طالع الصبح يعنى والعربيه باردة لكن بمجرد ان العربيه بتسخن وبمشى بيها شويه كدة وبطل العربية وأدور تانى العيب يروح ولو صادفت ومارحش بشيل كابل البطاريه وأستنى 5 دقايق وأركبه وأدور يروح العيب ومايرجعش تانى الا لو العربيه بردت.
وروحت التوكيل بتاع عبد الخالق ثروت وكشفوا على العربيه وقالو مافيش حاجة

أعمل ايه!!!

**mohamedway** · 09-04-2009 03:29 PM

عربيتك 1600 و لا 1300 ؟؟؟؟؟؟ عشان ده ليها فتيس و ده ليها فتيس مختلف........ال1600 فتيسها بتكنولوجيا CVT و ده حساس جدا و معنى ان لمبه ال n بتنطفى و تنور و انت ماشى ان الكمبيوتر بيديك تحذير انه يوجد خلل و لو سكت عليه الفتيس هيبوظ خالص و مش هيتصلح و لازم تغيره....... و ديها توكيل قليوب و قولهم على المشكله و ما تكتفيش باللى قالوهولك فى الرواس و اهتم بردو بتغيير الزيت.........خلى بالك الفتيس ده بحوالى 30000 جنيه فى التوكيل و ما بيتصلحش لو باظ و استعمال يعمله 7000 جنيه على الأقل.

**Ahmed Samy** · 09-04-2009 03:29 PM

لأ كده في حاجة برضه هاسأللك أكتر و أرد عليك ان شاء الله

**mohamedway** · 09-04-2009 03:33 PM

http://www.nilemotors.net/Nile/showthread.php?t=55824

أنصحك بقراءه الموضوع اللى فى الرابط ده بعنايه لأن كل كلمه فيه هتفيدك.

**mady2007** · 09-04-2009 06:21 PM

أنا متشكر جدا ياجماعه على الردود وبالنسبه لسؤال الأخ انا عربيتى كريستاله 98 1300cc وبالنسبه للينك اللى حضرتك كتبته دة لعربيه 2006

بجد أنا متشكر ليكم جدا وأسف لو كنت هتعبكم معايا

**nobody** · 09-04-2009 07:15 PM

انا رايي تكشف على البطارية لان فيه علاقة قوية جدا بين نقلات الفتيس الاتوماتيك و البطارية كما اكتشف المهندس سبعاوي بعد تجارب كثيرة جدا انصحك ان تقرأ موضوع البشمهندس سبعاوي في قسم نيسان اكيد حتفيدك

**gomha** · 09-04-2009 07:19 PM

اعتقد يجب عليك الا تستخدم العربية حتى تشوف حل نهائى
ارتفاع درجة حرارة الزيت هو الذى يودى الى ان n بتنور وتطفى والحل وفى اعتقادى هو

لابد من تغير الفلتر والزيت فورا ثم قم بفصل البطارية وتركها باليل حتى تعمل رست للكومبيوتر

اذا لم تحل العملية دى الموضوع فانا اسف انى اقول لك ان الفتيس قد عانى من سؤء استخدام شديد وقد جاء الوقت الذى تدفع ثمن ذلك يوجد تعشيقة ربما التانى او الثالث لا تعمل وذلك يؤدى الى ان الفتيس يستمر على الاول فترة كبيرة ومع ضغطك على البنزين ترتفع لفات الموتر rpm يقوم الفتيس ناقل على النقلة التالتة او الرابعة ودة يؤدى الى نتشة وسحب ضعيف لايوجد اصلاح للفتيس الاتوماتك لذلك لاتضيع وقتك مع الميكانيكى بلية اشترى جديد وامرك لله راجع موضوعى عن الفتيس الاتوماتك تفضل الرابط

http://www.nilemotors.net/Nile/showthread.php?t=36901