احذر هدى السرعة يوجد مطب (( المطبات واخطارها ))

**baher** · 06-05-2007 04:27 PM

يا ريت كمان تضيف كيفية التصرف مع عيون القط (cat eyes) اللى احنا هنا البلد الوحيدة فى العالم اللى بتستخدمها كمطبات عشان اكتشفنا ان باقى دول العالم اللى بتستخدمها كحدود للطريق و الحارات مبتفهمش حاجة!

تصدق اني سمعت مره ان شؤكات الكاوتش اهدت محافظه القاهر مليون من عيون القط علشانتحطها مطبات في الشوارع وطبعا السبب معروف :lol:

**جندى مجند** · 06-05-2007 04:35 PM

للأسف أنا كنت مرة من سنتين فى رحلة لشرم الشيخ نظمتها نقابة المهندسين و كان معانا فى الأتوبيس مهندسة كبيرة فى المحافظة و اللى فهمته من كلامها انها من المسئولين عن فكرة تركيب عيون القط فى طريق الكورنيش فى اسكندرية ... و انها شايفة ان الطريق دة خطر و مليان حوادث و لازم يتحطله العيون دى ... و تناقشنا كثيراً فى هذا الموضوع و ان عيون القط لا تمنع السيارات من السير بسرعة و انما تضرها و خلاص ... و للأسف لم تقتنع اطلاقاً و كانت مستغربة كلام كل من ناقشها!!

**3mr Farrag** · 06-05-2007 05:14 PM

اللي بتفكر بالطريقه ديه...بصراحه توعد في بتها و تشوف عيالها ...هي البلد ناقصه كوفتجيه :?

**bassam nagy** · 06-05-2007 06:16 PM

ياجماعة عيون القطة والمطبات موجودة برة عادى خالص بس احنا فى مصر لينا تصميم مطبات تكسر العربية وعيون قطة تبوظ العفشة المفروض ان المطبات بتتفرش على 4 متر زى المطبات الصناعية بتاعت المطار وعيون القطة ليها مواصفات المفروض نمشى عليها ولكن ولا مطب كويس ولا عيون قطة كويسة العربية بدل ماتقاعد 5سنين وتغير العفشة يارب تكمل سنتان وتصمد

**venomixus** · 09-03-2010 06:37 PM

عيون القط دي بتستخدم كعلامات ارشادية لتحديد الطرق السريعة في الظلام.. استخدامها كمطبات صناعية لا يقلل من سرعة العربية ولكن بيبوظها زى ما الاخوة شرحوا ووضحوا .. وللأسف الشوارع كلها حفر وأفخاخ.. لسة شايف عربية لابسة في جبل حجارة ورمل ودبش مرمي في وسط الطريق اللي بيطلع على الأتةسترا في مساكن شيراتون..اللي فيه dhl بجد يا جماعة حسبي الله ونعم الوكيل في كل اللي بيتسبب في الضرر لغيره ... ومن حفر حفرة لأخيه ....!!!

**Mostafa.Mahran** · 11-03-2010 04:44 AM

المشكلة الاصعب هى الحفر و البلاعات الغويطة

**gadix** · 27-04-2010 07:57 PM

يا مؤمنين انا كنت رايح الشرقية السبت الي فات رايح مرور فاقوس
و اقسم بالله الطريق الزراعي ده مأساة انا اخدت ما لا يقل عن 3000 مطب غير المدقات
و اغرب مطب لبسته كان مطب في نفق بتاع كوبري سكة حديد
حد عمره شاف مطب في نفق؟!!!!!!!!!!!
انا دخلت النفق بسرعة و النفق ضلمة كحل و المطب لونه بلون الطريق يعني يا ريت حتي بلون مختلف و مفيش علامة تحذيرية قبليه
حسيت ان العربية كانت هتتفلق نصين

**adhamhossam** · 04-04-2011 05:33 AM

مع الأسف خدت مطب محتوم جدا السعة 2 بعد منتصف الليل مكنش في اي يفطة او دهانات فسفورية ادت لكسر في ركبة الصدر إللي ماسكة الميزان و لحمته عند السمكري بس متضايق اوي بسبب الموضوع ده
نفسي أأجر بلدوزر و اشيل كل المطبات اللي زي دي