ببساطه شديده من يوم 18/3/2009 وهم بيقولو لسه ما جاتش ؟؟؟؟؟؟؟؟؟
ايه هي الحكايه ده ؟؟؟؟؟
في يوم جميل بالليل بركن العربيه اللي هي كيا سيراتو 2009 الشكل القديم ويلا العجب عربيه 2009 وبقول الشكل القديم شوفتو ازاي ما علينا لقتها بتطلع دخان من الكبوت طبعا انا اتخضيت ولا ايه
تاني يوم الصبح طلعت علي التوكيل المحترم اللي بسببه جيت العربيه ده المهندس فتحت الكبوت ما فيش مشكله ومره واحده بداءت علامات الاندهاش والتعجب والاستغراب ..........الخ
والله البي وقع وةاتاري الموضوع ان خرطوم التكييف السخن انقطع انا مش شايف فيها اي كارثه دا خرطوم ييجي عشرين سنتيمتر مش موضوع يعني يعني هايمد ايده الشريفه ويطلعه ويرميه ويحط واحد جديد وخلاص دنا لسه ما كنتش عملت صيانه ال 10000 ك (عشره الاف )ومع ذلك العربيه اصبحت الشكل القديم :_Alshmokh11: والاتاريني كنت طيب اوي والموضوع اكبر مني ومنه ومن التوكيل نفسه الباشا دخل العربيه والساعات اعدت تمر بطيئه المهم روحت استلم العربيه ويلا الصاعقه افتح يا عم الكبوت فوجئت ان الاصطا وانا اقصد الاصطا مش المهندس معدل في التكييف ورما الخرطوم اللي بايظ والشكل كدا مؤؤرف ما علينا
ايه باشا اللي انت عامله في العربيه ده قاللي والله يا استاذ قطعة الغيار ده مش موجوده في مصر المحروسه ؟؟؟؟؟؟؟؟؟؟؟ تا تا تا تا طبعا ده مؤثرات صوتيه اللي طلعت من نفوخي
طبعا انا متخيل ان الاصطا بيهزر
اتاريه بيتكلم جد المعلم
الجميل طيب يا جماعه هيحصل ايه ؟ الاجابه روح يا ابني ولما تيجي هنتصل بيك طيب يا جماعه ايه اللي هيثبت ان انتم اللي عاملين البهدله ده في العربيه وكانت الاجابه منطيقيه جدا زي العيشه اللي احنا عايشنها يا ريس احنا فاكرينك
ايه احنا فاكرينك ايه الة الادب ده حد يفهمني يا جماعه يعني ايه فاكرينك يعني ما فيش ولا ورقه ولا اي اي حاجه تقول ان انتم عاملين الهباب ده لاءه والله ما فيش يا ريس روحت انا بنبهتي سالت الاصطا المهندس سؤال لو دخلت عليك دلوقتي وفتحت الكبوت ولقيت العربيه معمول فيها كدا كنت هتقول ايه المعلم بكل بساطه راح رد من غير ما يفكر مين اللي لعب في العربيه كدا وبوظها احنا غير مسؤلين ؟
اشطا الله بنور عليك روحت انا اولته طيب لو سعتك اترفدت من الشغل ايه اللي هيحصللي دلوقتي المهندس التاني هيقول اللي انت قولتهولي الان ولا ايه يا عم
ما علينا طلع تلاته عيني وما اخجتش حق ولا باطل رفعت سماعة التليفون علي التوكيل المحترم ورحت مقدم شكوي وحكيت فيها اللي حصل سجله الشوي وانا وانت والحبايب وكل ما اتكلم يقوله ايوه الشكوي موجوده وبس والكلام ده من يوم 18 الي الان القطعه الطاهره الشريفه لسه ما جاتش من بره والله ما فاهم حاجه العربيه بتعتي الجديده القديمه لسه عامله 10000 عشره الاف كيلو شوفتو الخيبه بتعتي :shyy:
ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ملحوظه
هذه القصه حدثت بالفعل في قاهره المعز بمصر المحروسه وليست من افكاري