حلم حققته وحلم ماحققتوش

**Samah AbdAllah** · 08-04-2009 11:22 PM

كل واحد فينا فى حياته احلام كتير حلم بيها منها اللى حققه ومنها اللى مقدرش يحققه

ايه اللى حققته وازاى حققته وايه اللى محققتوش وليه محققتوش

كل واحد فينا يشاركنا احلامه اللى حققها نستفيد من خبرته... واللى ماحققهاش يمكن يكون عند حد فينا فكرة تساعده ازاى يحققها.

هبدا بنفسى الحلم اللى حققته هو:
انى حلمت ادرس صيدلة او سياسة درست سياسة .
الحلم اللى محققتوش:
حلمت اشتغل فى الخارجية ومحققتش حلمى ده بصراحة شوفت الامتحان خوفت

ومحاولتش انى احقق حلمى واكتفيت بالدراسة الاكاديمية و الماجيستير .

**KHALED AYMAN** · 10-04-2009 03:37 AM

انا حلمت انى ادخل هندسه قسم ميكانيكا و اطلع مهندس سيارات ..
بس للاسف محققتش الحلم ده ...
الحلم الى حققته ...
مفيش ...
انا حلمى الى بأذن الله هحققه ...
هو انى امتلك توكيل سيارات فى مصر او على الاقل معرض سيارات !!!!!
ربنا يسهل ...

**mohmd76** · 10-04-2009 03:38 AM

حلمت اشتغل فى الخارجية ومحققتش حلمى ده بصراحة شوفت الامتحان خوفت ومحاولتش انى احقق حلمى واكتفيت بالدراسة الاكاديمية و الماجيستير

هذا تماما ما كنت اريد ان اقول انه بالنسبه لنا حلم وباعتراف الوزارة راجع اهرام منذ اسبوع تقريبا والكارثه ان التحقيق اجرى مع ولد وبنت الاثنين اخوات !!!!!!!!! اشتغلوا والدليل فى اول المقال قريبتهم ولقب العائله واحد فى الاسماء الثلاثة
لانه بكل بساطه الالتحاق بها حقيقة لابناء العاملين توريث
واخرين واسطه
واخرين رشوة
عليك بقراءه صفحه الوفيات بالاهرام وتعلم تماما وثقه 1000000000000% من هو الذى التحق بها

**mohmd76** · 10-04-2009 03:41 AM

نحن سذج او بالبلدى عبط ما نفهمش الدنيا هنا ماشية ازاى
نتصور ان الابواب تفتح هنا بالطرق واتباع الاتيكيت فى طرق الابواب
مع انه يوجد شباك وتليفون ومن يقبع خلف الباب لكى نعرف ندخل
خلاف هذا ما بدأت به وهو حلم

خلاصه الكلام ما فيش احلام تتحقق

**KHALED AYMAN** · 10-04-2009 03:45 AM

المشاركة الأصلية كتبت بواسطة mohmd76

نحن سذج او بالبلدى عبط ما نفهمش الدنيا هنا ماشية ازاى
نتصور ان الابواب تفتح هنا بالطرق واتباع الاتيكيت فى طرق الابواب
مع انه يوجد شباك وتليفون ومن يقبع خلف الباب لكى نعرف ندخل
خلاف هذا ما بدأت به وهو حلم

خلاصه الكلام ما فيش احلام تتحقق

لا يا باشا فى احلام بتتحقق ...
اه فى كتير مش بيتحقق بسبب ظروف بلدنا ...
لكن فى احلام بتتحقق ..
و اى حلم لازم الشخص يتعب فيه !!!

**ابو سيف** · 10-04-2009 03:46 AM

ايه يا جماعه التفاؤل الفظيع دا
مفيش ولا واحد حقق حلم ليه :d:d

**KHALED AYMAN** · 10-04-2009 03:58 AM

المشاركة الأصلية كتبت بواسطة ابو سيف

ايه يا جماعه التفاؤل الفظيع دا
مفيش ولا واحد حقق حلم ليه :d:d

ههههههههههه
مستعجل على ايه...؟؟؟
ههههه
انا عن نفسى مش متشائم ...
انا لسه عندى 18 سنه ..
يعنى بأذن الله هلحق احق احلامى ...

و عقبالكو كلكو ...

**ابو سيف** · 10-04-2009 04:25 AM

المشاركة الأصلية كتبت بواسطة KHALED AYMAN

ههههههههههه
مستعجل على ايه...؟؟؟
ههههه
انا عن نفسى مش متشائم ...
انا لسه عندى 18 سنه ..
يعنى بأذن الله هلحق احق احلامى ...

و عقبالكو كلكو ...

ما شاء الله
في واحد عايش في وسطنا عنده حلم
لأ و مش كدة و بس
دة عايز يحققه
مش كدة و بس
دة عنده امل كبير انه هيتحقق

انت اكيد معاك واسطه على فكرة :k10:

**SeiffoZ** · 10-04-2009 04:26 AM

الحلم إللى محققتوش:- دخول الكلية الجوية ..
و مكتفى حاليا بدراسة العمارة ..

الحلم إللى حققته (حاجات كتير ماقدرش أنكر فضل الله عليه فيها) ..
و الحلم إللى هيتحقق إن شاء الله (الوصول إلى منصب رئيس الجمهورية) و جعل مصر دولة عظمى إن شاء الله ...
سؤال :- فى حد أمن دولة هنا ؟؟؟