الموضوع: ايهما اعلى فى الاعتماديه والعمر الافتراضى اليابانى ام الالمانى

الالماني وعن تجارب كثيرة جدا

المشاركة الأصلية كتبت بواسطة abdalla45

الالمانى قيمه وبيعيش فعلا لكن برده اليابانى بالمحافظه بيستحمل وبيعمر معانا والميزه ان قطع غياره مش مرتفعه اوى زى الالمانى

أسعار اليبانى قريبة جدا من الألمانى أو زى ما بنقول فى الرياضيات تؤل إلى

المشاركة الأصلية كتبت بواسطة mokhtar

الميكروباص التويوتا من التمانينات شغاله زى الفل ودلوقتى مفيش غيرها ومحركات الديزل ايسوزو فى العربيات الدبابه النقل والنص نقل والمينى باص
العربيات 4*4 اليابانى بقت منافس قوى جدا للامريكى ومفضل عليه زى اللاندكروزر والباجيرو والباثفيندر والارمادا والتويوتا الهاى لوكس

توب جير كانوا عاملين حلقة إسمها how to kill a toyota شوفها و هتعرف
http://www.youtube.com/watch?v=Lrk6vsb77xk

و كمان كانت تويوتا إختيارهم لرحلة للقطب الشمالى

الألمانى بالطبع, و يليه الفرنساوى و الايطالى و باقى الأوروبيات.
يا جماعة انتو بتهرجو؟ يابانى ايه؟
ما تبصوا على السوزوكى السويفت و الهوندا موديلات التسعينات و العربيات اليابانى الغريبة من داتسون و خلافه اللى اعتقد انو 90% منها اتكهنت بعدما أصبحت لا تصلح.
فى المقابل عندنا الفيات 1300 بقالها ماشية فوق ال50 سنة, و المرسيدس الشمامة, و البيجو ال504,
تويوتا لما حبت تعمل احتفالية بمناسبة مرور 50 عاما على انتاج أول طرازاتها, قلبت العالم كله بحثا عن سياراتها الأولى و لم تجد أيا منها على قيد الحياة!!
و سلملى على تقارير الاعتمادية.

يا جماعه شكرا على الاراء دى
ولكن انا عاوز ورقه فيها الاثبات القاطع بالكلام ده لان فيها تقارير بتضع اليابانى فى المقدمه دايما
بالنسبه لكلام فادى عاوز اعرف ازاى لو الالمانى فى المقدمه يبقى يليه الفرنساوى
الفرنساوى دايما نضعه فى المؤخره فى الاعتماديه ودى حاجه الكل متفق عليها
ولو افترضنا ان الالمانى رقم واحد يبقى اليابانى رقم اتنين مش فى المؤخره

المشاركة الأصلية كتبت بواسطة ahmed _abo samra

يا جماعه شكرا على الاراء دى
ولكن انا عاوز ورقه فيها الاثبات القاطع بالكلام ده لان فيها تقارير بتضع اليابانى فى المقدمه دايما
بالنسبه لكلام فادى عاوز اعرف ازاى لو الالمانى فى المقدمه يبقى يليه الفرنساوى
الفرنساوى دايما نضعه فى المؤخره فى الاعتماديه ودى حاجه الكل متفق عليها
ولو افترضنا ان الالمانى رقم واحد يبقى اليابانى رقم اتنين مش فى المؤخره

مفيش حاجة اسمه دليل قاطع فى الاعتمادية, لأنها ليست لها مقاييس محددة , و تقارير الاعتمادية معظمها مدفوعة الأجر, كما انها تعتمد على ال3 سنين الأولى من عمر السيارة, و بالتالى هى لا تعنى بكون السيارة معمرة أم لا, فالسيارات اليابانية تؤدى بشكل جيد فى السنوات الأولى من عمرها نظرا لبساطة التكنولوجيا التى تحتويها, لكنها تنهار بعد ذلك.
و عموما بالنسبة لجودة المكونات فان السيارات الألمانية أفضل كثيرا.

الالمانى طبعا
انا عربيتى البيتلز اللى معايا المانى موديل 65
واللى قبلها بيتلز برضه موديل 52
عندك فى مصر ولا فى العالم كله عربيه يابانى الموديلات دى ولسه شغاله