برجاء ياجماعة توضيح اين يوجد مؤشر الحرارة فى الجيتز دى حاجه مهمة جدا ازاى المصنع لهذه السيارة نسئ ذللك وايضا النيو اكسنت نفس المشكلة برجاء التوضيح وشكرا.
عرض للطباعة
برجاء ياجماعة توضيح اين يوجد مؤشر الحرارة فى الجيتز دى حاجه مهمة جدا ازاى المصنع لهذه السيارة نسئ ذللك وايضا النيو اكسنت نفس المشكلة برجاء التوضيح وشكرا.
ازيكم ياجتزاويه
انا كنت بفكر اشتري جيتز اوتوماتيك 2010 من حوالي شهرين بس ولدي اعد يزن عليا:B4_592: ان مشترهاش علشان i20 هتنزل السوق وعلشان برده قطع الغيار غاليه و مش موجوده الا في التوكيل....عموما ان ردت عليه وقلتله ان بعض الدول زي الهند و كوريا و استراليا i20 و جيتز بيتباعو يعني كده انتاجها مش هيوقف ام بالنسبه لقطع الغيار قلتله اديلي يومين اسالك عليها......
فلو واحد يعرف اسعار قطع الغيار وكمان هل في تجاري منها و هل في ميكانيكيه فاهمين فيها اصل انا مش عاوز ابقا تحت سن اليميتسماش غبور :H_angry[1]: ياريت تسعدوني نفسي ابأى جيتزاوي
ملحوظه مهمه اوي: ده اول عربيه هشتريها و مش عاوز الاخ والدي يتريأ :44:عليا بعد كده
متابع باهتمام
شكرا لك على مجهودك
مؤشر الحرارة في الجيتز عبارة عن اللمبة الحمرا اللى بتنور اول لما بتشغل الكونتاكت . طالما اللمبة دي مطفية يبقى درجة حرارة المحرك كويسة .
لو اللمبة نورت يبقى العربية سخنت .
انا متفق معاك طبعا ان ده نظام متخلف شوية لان ممكن تكون العربية بتسخن واحنا مش واخدين بالنا بس مثلا مش بتوصل لدرجة الحرارة اللى تخلي اللمبة تنور . وممكن حساس اللمبة دي يبوظ , نلبس احنا بقى .
بس هي بصراحة عمراها مانورت معايا قبل كده .
ربنا يسترها معانا
يا جماعة انا عندى هيونداى جيتز 2008
العربية كويسة جدا فى مشيها
بس بجد فى مشاكل فى الفرامل
بالنسبة لقطع الغيار من غبور اوعى تتعامل معاة لو حتى هاتشترى منهم مسمار 10سم
لانهم بيفتقدوا الامانة فى قطع الغيار
اشك ان دى قطع غيار صينى وبتتباع على انها كورى اصلى
بالنسبة لتيل الفرامل سعرة جوا التوكيل عامل 260 بعد الخصم قبل كدة كان عامل 390ج وعلى الرغم من كدة مش اصلى
ومعايا فواتير من غبوربتسبت انى باشترى منهم
انا بغير تيل الفرامل كل شهرين تقريبا وفاكر فى مرة روحت غيرت تيل الفرامل فى التوكيل وبعدها ب15 يوم رجعتلهم تانى وغيرتة مرة كمان وكان المبرر ان انا اشتريت بتاع الفيرنا على انة جيتز
وعلى الرغم من كدة صدقتهم وقولت يمكن انا اللى غلطان
وداخل دلوقتى على 60000
ومافيش حاجة مضايقانى غير تيل الفرامل
مش عارف اشترى اية ومنين
بفكراروح كوريا اشترية من هناك ههههههههههه
وكمان هاغير الطنابير بسبب التوكيل وقطع غيارهم المضروبة
ياريت لو حد عندة حل لموضوع قطع الغيار دى
يقولى اعمل اية ولكم جزيل الشكر
سلام يا جيتزاوية
انا كمان زيك بالظبط
انا معايا جيتز 2007 وعندي نفس المشكله . العربية حلوة في كل حاجة ماعدا الفرامل .
انا غيرت التيل في التوكيل قريب من حوالى 3 شهور كده .
قلت الحق الخصم اللى هما عاملينه . اول لما ركبولي التيل بصراحة كانت الفرامل فل الفل . وبعيدن بدأت تخف تخف مش عارف ليه .
وحاليا عندي رعشة في الفرامل ودي طبعا من الطنابير . يبقى هاضطر اروح اجلي الطنابير واغير التيل المضروب اللى هما ركبوه .
انت هاتغير الطنابير ليه؟
انت جليتها قبل كده ؟
ولو هاتغيرها ممكن تقولي سعرها كام ومنين ؟
خد بالك عشان صيانة ال60000 حراءة شويتين
انا عامل 102000 لغاية دلوقتي
وشوفت الويل من توكيل هبووووووووور ده
الله يكرمكم يا جماعه محتاج نصيحه لوجه الله
عاوز أشترى جيتز 2009 لزوجتى وهيا سواقتها على قدها شويه فأكيد كل شويه حنغير فيها حاجه
فهل قطع الغيار متوفره ؟؟ وهل فى مشاكل فى الفرامل زى ما قرأت هنا ؟؟؟
ولا أشوف بيكانتو 2010 أو 2009
بجد يا ريت الساده الكرام مالكى السياره يفيدونى
السلام عليكم
بص يا باشا انا مش برجح الجيتز للسيدات و بالذات اللى بيسوقو على قدهم اولا لأنها ١٦٠٠ سى سى يعنى موتور مفترى و بيجرى
ثانيا قطع غيارها عاليه بالنسبه للى هيغير حاجات كتير و مش ضامن سواقته
ثالثا موضوع الفرامل دى مشكله أذليه للعربيات الكورى اللى على قد حالها و الصينى
انا من رأيى المتواضع هات بيكانتو عربيه هتنفع للمدام جدا و مناسبه موتور على قد استخدام حريمى و قطع غيار معقوله و صغيره و بلاش i10 قطع غيارها اسمع انها مفتريه