تقرير بالصورAs Good As It Gets = Hyundai Getz

**Ahmed Aly** · 09-04-2009 07:58 PM

استاذى العزيز بدون مبالغة فعلا انا خلاص ناوي اخلص في واحدة من اللى معروضين على car100-100.com
بس عند حضرتك اي فكرة عن قطع الغيار و متوسط استهلاك البنزين لحسن الميجان مسوياني وانا ساكن فى الرحاب وعندي توكيل معتمد لخبور هناك فصدي غبور

**kliken** · 09-04-2009 08:06 PM

المشاركة الأصلية كتبت بواسطة MEMES

الف شكر للسوايسه ولاد بلدى الجدعاااااااااااان
نورت الموضوع بمرورك الجميل

على ايه يا باشا بس انت اللى منور المنتدى يا باشا بتقييمك المحترم يا باشا
و ربنا يباركلك فى عربيتك و ان شاء الله اكيد هنتكعبل فى بعض فى السويس كلاكسات بقى و بحبك بحبك

**MEMES** · 09-04-2009 08:30 PM

المشاركة الأصلية كتبت بواسطة Ahmed Aly

استاذى العزيز بدون مبالغة فعلا انا خلاص ناوي اخلص في واحدة من اللى معروضين على car100-100.com
بس عند حضرتك اي فكرة عن قطع الغيار و متوسط استهلاك البنزين لحسن الميجان مسوياني وانا ساكن فى الرحاب وعندي توكيل معتمد لخبور هناك فصدي غبور

الاستهلاك عالى شويه وانا رديت على حضرتك بخصوصه
قطع الغيار فى المتوسط(_زى الماتركس تقريبا )
يعنى الفانوس الامامى 800 جنيه
ومش عارف كل الاسعار بتاعه قطع الغيار
ربنا يوفقك للخير

**mecho_392** · 09-04-2009 08:45 PM

يا باشا طبعا الموضوع جميل جدا و عجبنى مش محتاج كلام و تسلم ايدك.
ربنا يباركلك فيها.

**khaled nada** · 09-04-2009 09:52 PM

ربنا يبركلك فيها

**MEMES** · 09-04-2009 11:27 PM

المشاركة الأصلية كتبت بواسطة khaled nada

ربنا يبركلك فيها

متشكر لحضرتك جدا

**MEMES** · 09-04-2009 11:44 PM

(الاضافه بالكامل مقتبسه من مشاركتى فى موضوع هل جربت مراكز الخدمة المعتمدة قبل كدة ؟ ادخل للاستفادة http://www.nilemotors.net/Nile/showthread.php?t=67218 )

انا العربيه عامله معايا 6000 كيلو يعنى عملت صيانتين 1000 و 5000 وحكيلكم عن الاتنين
ال1000 حجزتها عند 850 و اخد ميعاد فى ابو رواش بعدها بتلات ايامو روحت فى الساعه المظبوطه وبالرقم اللى اخذته من الاوبريتور ودخلت لزقولى استيكر برقم تانى على المرايا قلت معلش

طبعا زحمه جدا كانك فى سوق الجمعه وكنت واخد معايا مراتى و مسافر فرحان ب اول صيانه
المهم وقفت نص ساعه والعمليه اخر تهريج ولا مشيين بارقام ولا حجه وكل ما انده على مهندس من بتوع الاستقبال (الاستهبال )يطنش وفين لما واحد اتكرم وقالى باقى على رقمك 3 ارقام وشويه لائيتهم بياخدوا عربيات بعدى ب 10 ارقام واتنرفزت وروحت للمهندس اكلمه فرد بشخيط
(اتكلم براحه انت هنا جاى عشان نعملك خدمه )
ايوه بالنص
(اتكلم براحه انت هنا جاى عشان نعملك خدمه )
منتهى قله الادب

وقله الذوق وبعد ما استوعبت الصدمه

اخذت العربيه و جريت اطلع من البوابه جالى بسرعه مهندس قال انه مدير الاستقبال ومعلش و ما يقصدش والمهم لانى كنت جاى من السفر(السويس )

و سالنى فى مشاكل فى العربيه فى حاجه مضيئاك منها؟
قلتله ايوه عيبها الوحيد انها من عندكم

المهم ربط العفشه وغير زيت 5000 و فلتر واستلمت بعد انتظار 4 ساعااات

ودفعت 139 جنيه
وعملت شكوى واتصلت بالمهندس عاطف وانا اسف انى اقولكم الردود كلها ( تسجيد X تثبيت )
:

فى صيانه ال 5000 وانا طبعا ناوى ماروحش مراكز غبور تانى (وديه نصيحتى للكل )
ٍسألت عن تكاليفها فى غبور طلعت 130 مصنعيه غير الزيت والفلتر
قلت اسأل فى مركز الخدمه المعتمد اللى فى السويس وهو (مركز الغالى)
التكاليف 140 مصنعيه غير الزيت والفلتر
وحجزت وروحت فى نفس اليوم الساعه 11 الظهر
وياااااااااه على حلاوه الاستقبال والادب والاخلاق
دخلت قابلتنى انسه محترمه (استقبال بجد)

واخدت البيانات والرخصه
و جه صاحب المركز ومعاه الفنى وربطوا بلاستيك لحمايه الدركسيون و الفتيس و دواسات للارضيه والازم كله
(على فكره كلهم لابسين يونيفورم لهيونداى يحسسك انك فى Formula1)
و جرب معاى العربيه وقالى ان الدبرياج عالى حاجه بسيطه (و دىه حقيقه )
وظبطه وربط العفشه وسألنى ان كنت عايز اعمل اى حاجه تانى
على فكره المركز رغم انه صغير لكنه قمه فى النظافه و الشياكه ومكان الانتظار مريح جدا
وكنت كل شويه ابص على العربيه وهى بتتعامل احلى معامله
وبعد ساعه وربع سلمولى العربيه واستـاذنى انه يحط استيكر لزيت شل و استيكر للمركز قلتله ده يبقى لى الشرف ودفعت المصنعيه المتفق عليها وثمن الزيت والفلتر فقط وروحت وانا فى قمه الزئططه

اسف للاطاله والحكم لكم