الموضوع: تقرير بالصورAs Good As It Gets = Hyundai Getz

PART 2

بسم الله ما شاء لله

خامات التابلوه رديئهلكن تقفيله ممتاز
فى جلد على الدركسيون والفتيس بييجى حسب اللون الداخلى للعربيه (فى الغالب ازرق او احمر )شكله جميل جدا





المساحات الداخليه للركاب العربيه تسمح بخمس افراد(اكتر من كده صعب)ان العربيه كنزه حبتين
لكن مساحه الجلوس والقدام برحتك العربيه فيها اتساع طولى عجيب رغم صغر حجمها وكبر حجم الماتور يعن اللى قدام واللى ورا يقعدوا فاردين رجليهم واخر منجها(بس مش اكتر من خمسه)


]

بسم الله ما شاء الله عربية شيك جدا

بس حضرتك ممكن تكلمنا عن استهلاك البنزين

PART 3

بسم الله ما شاء الله

مساحات التخزين الداخليه كتيره ومش كبيره(ودرج التابلوه مابينورش)


المفتاح طبعا مش هو اللى بينزل معاها بره بس التوكيل المحترم شايف انه يأدى الغرضواللى مش عاجبه


العدادات واضحه وبسيطه ونورها جميل و هادى (بس زى اغلب العربيات الجديده مفيش عداد حراره)

PART 4

بسم الله ما شاء الله

التكييف كويس اوى من وجه نظرى (بس لسه الحر الجد ماجاش وهنشوف)
والنظام الصوتى رااااااائع اربع سماعات والصوت الحمد لله حلو اوى هى MP3,CD&RADIO
(بس بصراحه هو مجهول الهويه)

الشنطه!!
بستغرب ان ناس كتير بتقول عيب الجيتز ان شنتطها صغيره وبينسوا انها عربيه هاتشبك ومينفعش نقول ان مثلا النيو اكسنت احسن عشان شنتطها اكبر!!
الجيتز فيها شنطه ممتازه بالنسبه لعربيه هاتشباك .اكبر من شنطه البريليانس FRV
( الانسه سلمى بنتى صممت تقعد فى الشنطه حفاظا على الكوره بتاعتها وانا قلت فرصه ابين مساحه الشنطه )


وكمان فى درجين تخزين فى جوانب الشنطه بس مساحتهم صغيره

PART5

بسم الله ما شاء الله

المحرك DOHC 16 V
105 حصان والتانك 45 لتر
ممكن تستعملها بنزين 90 بس انا بستعمل 92
الاستهلاك التوكيل بيقول انه 6.4 لتر ل100 كيلو
بس بصراحه انا حاسس ان استهلاكها اعلى شويه (وفى ناس بتقول ان بنزين 92 بيطير بسرعه )معرفش ده كلام صح ولا ايه؟

الحوض ضيق جدا جدا وزحمه وانا شايف ان ده عيب فيها
الاداء
ما شاء الله اكتر من ممتاز
اعلى تسارع ممكن تحس بيه بجد ماشاءالله طلقه
وبتجمع بطريقه خرافيه
العزل رائع وصوت المحرك زئير حلو مع الشد بس
العفشه ناشفه حاجه بسيطه وبتحتاج تتربط كل 5000 مع الصيانه الدوريه (نتيجه قوه لماتور و حجم العربيه )
الثبات
ناس كتير اتكلمت عن الثبات وقالت مش ثابته وفراملها مش حلوه
كلام مش شايفه صح العربيه لغايه 140 كانك مش ماشى
انا شديد بيه الحد 180 اه كانت بتنط بس ولا بتعوم ولا بترج وكمان صوت الماتور كان عادى
لكن انا اصلا بطنى كركبت من السرعه والمفروض ان المشى العادى بتاعى 80 او 90 وده حلو اوى
لكن العربيه لو ثابته على 200 حته معنى كده اننا نمشى 200 واحنا مطمنين
السرعات العاليه مالهاش لزوم عشانا وعشان اللى معانا واللى حوالينا
باقى نقطه واحده وهى اخطر عيب فى الجيتز :POINTI~2[2]:انها من غبور طبعا

فى النهايه ارجو انى اكون وضحت كل انطباعاتى عن حبيبه قلبى الجيتز


الصور من كورنيش السويس وقت الغروب (من احلى الاماكن اللى ممكن تشرفوها بالزياره)

يارب الموضوع يعجبكم يا احلى اعضاء لاحلى منتدى:k10:
اخوكم / محمد احمد مبارك

I am sure that my ideas are right but maybe I am mistaken
And your ideas is absolutely wrong but maybe you are right .