أنا امبارح كنت فى عز العرب مدينة نصر عشان أحجز الجين 2 وموظف المبيعات هناك قالى انى المفروض ارح أرخص العربيه الأول فى مرور بين السرايات عشان هيا جايه من بره وبعدين باخد ورقه من عندهم وأروح أرخص فى المرور التابع ليه الكلام ده مظبوط ولا ايه يا حماعه؟
عرض للطباعة
أنا امبارح كنت فى عز العرب مدينة نصر عشان أحجز الجين 2 وموظف المبيعات هناك قالى انى المفروض ارح أرخص العربيه الأول فى مرور بين السرايات عشان هيا جايه من بره وبعدين باخد ورقه من عندهم وأروح أرخص فى المرور التابع ليه الكلام ده مظبوط ولا ايه يا حماعه؟
اوعى تقولى انك ناوى تتعامل مع وجدى اللى هناك
لو هو .....فككككككككككككككككككككك كككككككككككككككككككك منه
دا واحد كل معلوماته غلط....ومش بيقول على الحاجه كامله
حضرتك معلش كلم ا/محسن صالح....وهو هيجاوبلك على كل اسئلتك ويجبلك من الاخر
وربنا يتمملك على خير ان شاء الله
صحيح معلش نسيت ارد عالسؤال....المفروض الكلام ده يعمهلولك التوكيل.
انت ماعلكيش غير تدفع وتستلم وهما بيخلصوا كل الورق....
ولو فى اى استفسار انا تحت امرك
لأ انا مش بتعامل مع وجدى واللى بتعامل معاه قالى انى انا المفروض أدفع 120 جنيه عشان أخلص الورق الكلام ده مظبوط؟
وهو انا مش المفروض انى أستلم العربيه وأوراقها جاهزه ولا ايه؟
أنا مالى بقى بتخليص ورقها من مرور الجيزه وليه هما بيعملوا كده فى الناس؟
انا سمعت موضوع الــ 120 جنيه دا قبل كده...انا عن نفسى مادفعتش حاجه ...وكل حاجه خلصت عادى
حضرتك روح اقوله انى مش مسؤل عن الكلام ده....وقوله انى ممكن اشتريها من فرع تانى من غير ولا حاجه...وكمان الحاجه هتخلص بسرعه...
وماتنساش تاخد الخصم بيوصل لــ3 ولو شاطر بقى تنزل اكتر
طبعا المفروض متدفعش حاجة وانا بعد مخلصت فى عربيتى لقيت التوكيل كان واخد منى 200 ج قلى رسوم اجراءات التخليص وكنت مستنى يدينى ورقة بخدة ولا ايصال ومدنيش وزعلت جدا لانى خفت يكونه بيقضوها رشاوى علشان يسرعه فى اجراءات تخليص الاوراق
نصيحتى ليك ولكل زميلنا فى المنتدى متدفعش اى حاجة وتصر على استلام ورق العربية بدون اى رسوم اضافية وربنا ويكرمك وتستلمها على خير ومتنساش تخفض فى السعر الرسمى لغاية 3 مسموح جدا ان شاء الله تمام زى مقال ايمن باشا
أسامة
ياباشا هي 50 جنيه
كل الكلام جه هجص ........... علشان يطلعوا منك قرشين .
أنت تستلم العربية و معاها الورق اللي المفروض تأخده للمرور لأثبات ملكية العربية و ورق التخليص الجمركي .
ما تدفعش حاجة .............و هددوه زي ما الأستاذ أيمن قال بأنك هاتروح فرع تاني و ليكن الصحراوي أو العجوزة .
يعني يفاصل معاهم ..............
وهو افصي نزول في السعر بعد الفصال كام...؟
في حدود 1000- 3000 - 50000..!!!!!
طب أضمن منين يا جماعه لو روحت فرع تانى ميقلوش نفس الكلام ده؟زبعدين أنا دفعت 500 جنيه حجز لو حبيت اروح لفرع تانى اروح برضو لاوصل بتاع الفلوس دى ولا لازم أستردها وبعدين أدفع تانى فى اى فرع؟
هو المتعارف عليه اليومين دول بيوصل لــ 3000...
لا ياباشا حضرتك انزل الصحراوى ...او حتى كلم ا/محسن صالح الاول...واستفسر منه على كل اسئلتك الاول...وصدقنى هيجبلك كل حاجه من الاخر....وراجل فاهم ومش بتاع لف ودوران.
ولو حبيت تفك من السابع وتستلم من الصحراوى سهل جدا جدا...انك تروح تسحب فلوس الحجز من السابع..
وربنا يوفقك للخير ان شاء الله
شكرا يا أستاذ ايمن على ردك بس انا مش عارف أ/محسن ده فى الصحراوى ولا العجوزه؟
ياريت لو معاك رقمه تبعتهولى وجزالك الله خيرا
جزالله خيرا يا أستاذ أيمن وانا هكلمه ان شاء الله
يعني البيرسونا فول اوبشن تخلص على 82000.اقتباس:
هو المتعارف عليه اليومين دول بيوصل لــ 3000...
كلام جميل..
طيب سؤال اخير من فضلك
هو في فرق بين البيرسونا 2008 و 2009 (مانوال فول ابشن)
اخر سؤال صدقني خلاص,,
لو عاوز نغيير الكاسيت في البيرسونا او الجين تو......!!!! تعميل ايه...؟
زي ما حضرتك عارف انه بيلت ان جوة الطابلوه...؟؟
ايه الحل,,,؟
ياباشا انا تحت امرك....فى اى استفسار
هو عادى يتغير...بس عاوز فنى نظيف جدا....عشان مايجرحش حاجه ويكون شغله نظيف
وطبعا هيتعمل زى بوكس كده عشان لو حجم الكاسيت التانى اصغر ولا حاجه...وكله بيبقى فل ان شاء الله.
بس ملحوظه صغيره....الكاسيت جميل جدا...و mp3 ....وصوته جميل جدا...
تحيـــاتــى ياباشا
http://s122.photobucket.com/albums/o...owerysmile.gif
انا عرفت ان سعر البيرسونا فول اوبشن اتوماتيك LUXURY هو 92000 جنيه قبل الخصم وسعر BASE LINE اتوماتيك برضه هو 86000 جنيه قبل الخصم يا تري الكلام ده صح ولا فيه كلام تاني الرجاء من يعرف يقولي بسرعه ويقول الخصم كام لاني ناوي باذن الله اشتري الاسبوع ده LUXURY:rolleyes2:.... علي فكره انا عندي ويرا موديل 2004 بس مانيوال وهي عربيه محترمه جدا مالهاش عيوب الا زجاج الشبابيك الكهرباء دايما يعلق ويحرق الموتور بتاع باب السواق والعيب التاني الاكصدام الخلفي تعليقه مع العربيه ضعيف جدا وبعد كده الحمدلله العربيه زي الفل:vctry:
اظن تمنهم كده فعلا ....http://s173.photobucket.com/albums/w.../th_thgood.gif
والخصم بيوصل لـــ 3000 ...ماتقلش عن كده....وتبقى تمام لو اخدت باقل من كدهhttp://s173.photobucket.com/albums/w...s/th_shiny.gif
بس نصيحه....حضرتك لو تعرف حد معاه بيرسونا يروح معاك ساعة الاستلام....لانه هيكون عارف المشاكل اللى فيها وبالتالى هيوفر عليك كتير
وحضرتك لو هتستلم من الصحراوى...ابقى اطلب ان حضرتك تطلع مع مهندس وتجربها....
ايه تانى....ايه تانىhttp://s173.photobucket.com/albums/w...ys/th_e055.gif
اه http://s173.photobucket.com/albums/w...s/th_shiny.gif
لو حضرتك عندك اى استفسار انا تحت امرك
وتستلم الجميله على خير ان شاء الله
والف الف مبرووووووووووك مقدمـــاhttp://s173.photobucket.com/albums/w...s/th_thjay.gif
شكرا يا استاذ ايمن لاهتمامك وردك السريع وفعلا انا حجزت بسعر 89000 وماقدرتش اخد خصم اكتر من كده 2900 جنيه يعني .......... انا لااعرف حتي الان هاستلم من مدينه نصر ولا من الصحراوي لان لسه فيه شويه اجراءات علشان التقسيط و برضه انا ماعرفش حد عنده برسونا وعموما شويه نصائح منك قبل الاستلام هاكون متشكر جدا لك ومره تاني باشكرك
حضرتك هتستلم من المكان اللى دفعت فيه الحجز ....
يعنى مادام حضرتك حجزت فى السابع يبقى الاستلام من السابع
وبخصوص ساعة الاستلام حضرتك قولى بس....وان شاء الله هابقى اضبط معاك
وياباشا لاشكر على واجب....انا بحب كل اعضاء بروتون وتحت امرهم فى اى حاجه
ابقى بس طمنى على اخر اخبارك....وان شاء الله تستلم على خير
تحيـــــــــــاتـــى ياباشا
http://s173.photobucket.com/albums/w...s/th_wavey.gif
هي مش الجين 2 بتنزل بكاسيت بلوبانكت؟ اصل دا ماركة محترمة جدا جدا حتى بتنزل في مرسيدس ايه اللي مخللي الناس عايزة تغيره
على فكره ماحدش غيره .... وكل الناس لما بتجربه بيعجبها جدا جدا جدا...http://s173.photobucket.com/albums/w..._ththumbup.gif
واكيد حضرتك بتسال ...لما شفت سؤال أ/رافــى ...
هو بس ا/رافى.. بيسال لو حب يغيره ....هيتغير ازاى؟؟؟(لسه استاذ/رافى ماشتراش العربيه ولا جرب الكاسيت)
بس انا متاكد لما ان شاء الله يشترى العربيه ...ويجرب الكاسيت مستحيل يفكر انه .... يغير الوش حتىhttp://s173.photobucket.com/albums/w...th_thshiny.gif.
السلام عليكم ورحمة الله وبركاته
اولا الف مبروك على العربية وربنا يبارك لك فيها
انا بس كان عندى استفسار بخصوص اجراءات التقسيط مع التوكيل ياريت لو حضرتك تكرمت وعرفتنا بالظبط ايه تفاصيل الموضوع يعنى بيقسطوا مع بنك ايه والفايدة كام لو هتقسط على سنتين مثلا وايه الاجراءات المطلوبة منهم والورق او البيانات المطلوبة لعملية التقسيط ايه يعنى نظرة شاملة لتفاصيل الموضوع عشان لو اى حد ناوى يبقى محضر نفسه وعارف ايه اللى بيطلبوه سواء فى التوكيل او البنك وشكرا
تحياتى للاستاذ ايمن
بالنسبة للتقسيط لازم تروح و تسأل علشان فيه عوامل كتير بيتوقف عليها نوع البنك اللي هايقبل التقسيط معاك .
و بعدين مدة القسط أو قيمته هاتتحدد على قيمة المقدة المدفوع و نوعية الضمانات المقدمة للبنك .
و بتختلف من موظف لأخر ....... و بتختلف لو أنت هاتقدم ضمانات كشهادات أستثمار .
لازم تروح هناك و تقف تتكلم مع المندوب الخاص بالمبيعات في عز العرب و هو هايشوف إمكانياتك و بعدين يقولك البنوك المتوافرة و بعدين أنت تختار بنك و بعدين لو البنك وافق ....... بتشوف هما عايزين أيه و تجيبه .
لو البنك ما وافقش ........ بتشوف بنك تاني و هكذا .
و ربنا يوفقك .
زى ما قال أستاذ توت انت بتروح وتحدد البنك اللى انت عاوز تتعامل معاه ولو عاوز تقسيط إسلامى بنظام المرابحه هتتعامل مع البنك الوطنى اللى هو دلوقتى بقى مصرف أبو ظبى الإسلامى والمفروض انك تدفع مقدم 25% من قيمة العربيه وبتحدد مدة التقسيط لغاية خمس سنين ده بالنسبه للبنك الوطنى عشان أنا عامل كده أما بالنسبه لباقى البنوك معرفش عنها حاجه بس فى الغالب هيكون بنفس الطريقه
اولا تحياتي لحضرتك وللاستاذ توت صاحب الردود اللي كلها معرفه و دايما تضيف للجميع بالنسبه ليا ان شاء الله مش هيكون المقدم اقل من 50 في الميه و الفتره لن تزيد عن سنتين اقساط نظرا لقرف التقسيط و عشان قيمة العربيه مالقيهاش في الارض بعد فترة تقسيط طويله فهل في بنك ابو ظبي بيعملو موضوع حظر البيع و نسخة مفتاح و الاشتراطات المعروفة دي ولا ظروفهم ايه انا اكيد لازم هروح التوكيل قبل الشراء بس اكيد كلام حضراتكم هيديني صوره قريبه للنظام هناك و في البنك و خاصة اني مش هقدر اروح لهم كتير عشان ظروف الشغل فاي معلومه حضراتكم بتقولوها بتكون ليها فايده عظيمه ليا و بتوفر عليا الوقت و خاصه انها من ناس مجربه ومحترمه زيكم و شكرا
شكر خاص للاستاذ توت علي حرصه الداءم علي دعم الاعضاء في كل مشاركاته
كل بنك لازم يعمل حظر بيع هما بس مش بياخدوا نسخة مفتاح ولا بيطلبوا ضامن وبالنسبه لحضرتك يا أستاذ أحمد أكيد الإجراءات هتبقى أسهل عشان انتى ناوى تدفع نص المبلغ وصلى إستخاره برضو وربنا يكتبلك اللى فيه الخير.
الصراحه مش عارف...هحاول اجيب ضمان الكاسيت ...وادور فيه..
مادام حضرتك المقدم هيكون 50% او اكتر يبقى روح اقسط تبع -عز- هما اظن كانوا عاملين نظام مع البنك -العربى الافريقى- وكانت الفايده 7.6 (اظن كده)...
واللى هتعملوا لو قسطت تبع -عز- انك مش هتعمل حاجه غير تروح تدفع المقدم وتمضى الشيكات عنده ... وهما بيخلصوا باقى الحاجات.
بس باردوا اسال على عروض فى بنوك تانيه الاول ممكن تلاقى فائده اقل او حاجه احسن ... وباردوا روح للتوكيل واسالهم عالانظمه عندهم دلوقتى
وربنا يوفقك للخير ان شاء الله