الموضوع: استفسار: عدم ترخيص سيارات الملاكى القديمة

المشاركة الأصلية كتبت بواسطة wawamoha

[COLOR=انا موافق ارمي عربتي القديمه في سبيل البيئة بس بشرط واحد
الحكومه الرشيده ترمي عربيتها القديمه و اتوبيستها و تجددها زي ما هي ناويه تعمل فينا
يعني تبتدي بنفسها و المواطنين الشرفاء يلاقم اتوبيسات موديل 2009 او 2006 كاقدم موديل يركبوه ؟؟
و لا ايه رايكم؟؟؟؟

المشاركة الأصلية كتبت بواسطة mahora

ده بيحصل فعلا منذ سنوات فى مشروع لاحلال الاتوبيسات المتهالكة باتوبيسات احدث، وده برضه لاسباب بيئية، علشان كده اختفت اتوبيسات المرسيدس القديمة اللى كان بقالها 50 سنه ماشية.... و الاتوبيسات الجديدة المفروض بيتم تحويلها الى الغاز الطبيعى.... وهكذا...

المشاركة الأصلية كتبت بواسطة maka

اتوبيسات المرسيدس كانت ارحم 1000 من اتوبيسات النصر المزعجة

المشاركة الأصلية كتبت بواسطة megamoudy

فعلا القانون ده ظالم

يعني هو كل عشر سنين هجيب عربية ب 100 الف جنيه عشان تلوث البيئة

يبقى الحل التجار يتقو ربنا

ولو عاوزين يحافظو ع البيئة بزعمهم يبقى ينزلو العربيات بتمنها الاصلي عشان الشعب المصري خلاص اتخنق كفاية قهر و ظلم وكبت

ناس فوق خالص وناس تحت خالص الطبقة المتوسطة قربت وقاربت ع الاختفاء

حسبي الله ونعم الوكيل

المشاركة الأصلية كتبت بواسطة wawamoha

ان معاك يا باشا
بس هو فيه حد بيفكر في اغلبيه الشعب ؟؟
لو كان احد بيفكر ماكنش حالنا اتدهور كده نسب الفقر بتزيد يوم ورا يوم ..

المشاركة الأصلية كتبت بواسطة meemo the beast

عندك حق يا باشا و الله هي دي الخلاصة

يعنى الخلاصة أن معنى كلامكم ده إنه فعلا فى نية لتكهين الملاكى القديم
وده برضه معناه عملية قمع بقوة القانون لحملة خليها تصدى لما يجبرونا على الشراء بالأسعار هى هى ..
طب ده إذا كان رب البيت بالدف ضارب فشيمة أهل البيت الرقص
كيف لى أن ألتزم بهذا القانون للمحافظة على البيئة وسيارات النقل والنقل العام من أكثر ملوثات البيئة فى الشارع على الإطلاق.
حتى الأتوبيسات الجديدة اللى مامرش على تصنيعها أكثر من سنة يخرج من عوادمها دخان مصانع مش عربية يبقى يغيروها الأول زى ماعايزين عربياتنا الغلبانة اللى مبوظة البيئة.
يا جماعة ببساطة العملية مش عملية بيئة ولا غيره لآن فى مصانع بطلع مصايب وأتوبيسات بطلع هباب ..... الخ
لكن العملية فعلا زى ماالأخabdelmessih67 قال عملية الخطة البديلة فى حال لم تفلح محاولات الإغراء للمستهلك فى شراء السيارات واستمرت حالة الركود لفترة أطول هايطرحوا القانون ده وينفذوا علشان خاطر عيون التجار والحيتان الكبار اللى بيتحكموا فى السوق زى ماهما عايزين مش عارف ليه مستمرين فى الجشع ده هما لسة ماشبعوش ولا حرام ينزلوا أسعارهم زى ما العالم كله عمل...!!!!!!!!!
لكن طالما بقى فى قانون يخدمهم يبقى ينزلوا أسعارهم ليه نموت إحنا ويعيش الكبار نتبهدل وننزل إحنا ويعلى الكبار ....
لله يا زمرى وحسبنا الله ونعم الوكيل...

المشاركة الأصلية كتبت بواسطة islamib

يعنى الخلاصة أن معنى كلامكم ده إنه فعلا فى نية لتكهين الملاكى القديم
وده برضه معناه عملية قمع بقوة القانون لحملة خليها تصدى لما يجبرونا على الشراء بالأسعار هى هى ..
طب ده إذا كان رب البيت بالدف ضارب فشيمة أهل البيت الرقص
كيف لى أن ألتزم بهذا القانون للمحافظة على البيئة وسيارات النقل والنقل العام من أكثر ملوثات البيئة فى الشارع على الإطلاق.
حتى الأتوبيسات الجديدة اللى مامرش على تصنيعها أكثر من سنة يخرج من عوادمها دخان مصانع مش عربية يبقى يغيروها الأول زى ماعايزين عربياتنا الغلبانة اللى مبوظة البيئة.
يا جماعة ببساطة العملية مش عملية بيئة ولا غيره لآن فى مصانع بطلع مصايب وأتوبيسات بطلع هباب ..... الخ
لكن العملية فعلا زى ماالأخabdelmessih67 قال عملية الخطة البديلة فى حال لم تفلح محاولات الإغراء للمستهلك فى شراء السيارات واستمرت حالة الركود لفترة أطول هايطرحوا القانون ده وينفذوا علشان خاطر عيون التجار والحيتان الكبار اللى بيتحكموا فى السوق زى ماهما عايزين مش عارف ليه مستمرين فى الجشع ده هما لسة ماشبعوش ولا حرام ينزلوا أسعارهم زى ما العالم كله عمل...!!!!!!!!!
لكن طالما بقى فى قانون يخدمهم يبقى ينزلوا أسعارهم ليه نموت إحنا ويعيش الكبار نتبهدل وننزل إحنا ويعلى الكبار ....
لله يا زمرى وحسبنا الله ونعم الوكيل...

لأ لو هيحل المشكلة مع الملاكي بنفس الطريقة و التعويض و البيع بسعر معفي من الجمارك و الرسوم (راجع شروط استبدال التاكسي)
احنا موافقين طبعا لأني في الحالة دي ممكن اخد اسبيرانزا 1600 مثلا في حدود 43ألف جنيه و ده منصف
لكن لو حيلوي دراعنا إرضائا للتاجر الجشع و الجباية اياها أنا أول واحد مستعد آخد عربيتي و أملى تنكها بنزين 80 و أولع فيها قدام المبنى الحكومي المسئول عن الموضوع ده
لأن التلوث زي ما حضرتك تفضلت له مصادر كثيرة ليس أهمها السيارات القديمة

و أنا أولهم

المشاركة الأصلية كتبت بواسطة meemo the beast

لما يضيقوا الخناق على اللي عنده قديم من غير ما يلاقوا له حل زي التاكسي كدة يبقى ده ظلم طبقي و إجتماعي فإذا كنت حضرتك عندك قدرة شرائية تمكنك من شراء سيارة جديدة أنا لا أمتلك مثل هذه القدرة يبقى متظلمنيش أنا و أسرتي و نبقى من غير عربية, لو عند حضرتك حل مع التجار و الفساد يمكني من أني أقدر أغير سيارتي المتهالكة فتفضل بيه و أتحدى أي حد فيكم أنه ما يزعلش على 10 جنيه وقعت منه مش عربية تتباع خردة!!

د. محمود صلاح,
تحياتي
أرجو ألا تغضب من طريقة ردي و لكن أعذرني فأنا أشعر بظلم كبير في هذه البلد
و أشكر حضرتك

http://contactcars.com/News_ViewStory.asp?NewsID=3174


دراسة تطبيق مشروع التاكسي الجديد على "الملاكي"!

علن المهندس رشيد محمد رشيد، وزير التجارة والصناعة، أن وزارته ستبدأ بالتنسيق مع وزارة المالية، دراسة لتطبيق مشروع إحلال سيارات الأجرة والميكروباص على سيارات الركوب "الملاكي".

ودعا رشيد في تصريحات صحفية إلى إعادة النظر في منظومة العمر الافتراضي للسيارات الموجودة في السوق، لعلاج المشاكل البيئية والمرورية والأمنية التي تسببها، ويقضي المشروع المقترح بتعويض مناسب لملاك السيارات الملاكي القديمة، خاصة محدودي الدخل.

وقال وزير التجارة والصناعة إن تجربة مشروع إحلال التاكسي ساهمت في كسر الحاجز بين المجتمع والحكومة.

وأوضح قائلا : "كان المجتمع ينظر إلى الحكومة في مثل هذه المشاريع بنظرية المؤامرة باعتبارها تخدم رجال الأعمال، وتدريجيا استوعب الناس جدوى المشروع وظهرت "طوابير" الراغبين في الاستفادة منه".