الموضوع: جيتز 2007 ولا i10 زيرو ؟

تعتمد على سواقتك فى المقام الاول.. انا معايا ماتريكس 2007 عامله 58000 كم و استهلاكها مقارب لل i10. و انا شايف ان موتور الجيتز ده ميزة مش عيب لان العربية خفيفة و هتلاقيها طيارة لو رجلك كويسه على البنزين و بتعرفى تسوقى كويس مش هتبقى مقلقة.
لكن انا افضل العربية الزيرو.. خصوصا انك هتجيبى ال i10 فول يعنى فيها معظم كماليات الجيتز و كمان الوسع الداخلى قريب جداااا من الجيتز.
لكن لو سواقتك على قدك (اعذرينى فى التعبير) لازم تاخدى بالك لان قطع غيار ال i10 غاليه مووووووووووووووووووت لكن بالنسبة للجيتز انا معرفش.
فى موضوع عن قطع الغيار.

المشاركة الأصلية كتبت بواسطة mecho_392

تعتمد على سواقتك فى المقام الاول.. انا معايا ماتريكس 2007 عامله 58000 كم و استهلاكها مقارب لل i10. و انا شايف ان موتور الجيتز ده ميزة مش عيب لان العربية خفيفة و هتلاقيها طيارة لو رجلك كويسه على البنزين و بتعرفى تسوقى كويس مش هتبقى مقلقة.
لكن انا افضل العربية الزيرو.. خصوصا انك هتجيبى ال i10 فول يعنى فيها معظم كماليات الجيتز و كمان الوسع الداخلى قريب جداااا من الجيتز.
لكن لو سواقتك على قدك (اعذرينى فى التعبير) لازم تاخدى بالك لان قطع غيار ال i10 غاليه مووووووووووووووووووت لكن بالنسبة للجيتز انا معرفش.
فى موضوع عن قطع الغيار.

ميرسى جدا على الرد السريع .. هوا انا الحمد لله سواقتى كويسة و رجلى خفيفة على البنزين .. كان معايا رينو اوبتيما 1300 cc .. و ماكنتش بعانى من موضوع البنزين تماما . بس كانت قديمة و مافيهاش تكييف . انا عارفة طبعا انك من عشاق الi10 و موضوعاتك عنها حببتنى فيها اوى .. بس اللى مخلينى افكر فى الجيتز انى لو حبيت ابيعها مش هخسر كتير فيها عشان هى مش زيرو .. بعكس الزيرو اول ما بيطلع من المعرض بينزل من ثمنه 5000 او 6000 جنيه.

المشاركة الأصلية كتبت بواسطة أبو عبدالله

البنزين هتحسي بفارقه على الطرق الطويلة والسرعات فوق 60 كم
يعني داخل البلد الفارق هيبقى بسيط
اما على الطرق السريعة هتحسي بالفرق في استهلاك البنزين
لو موضوع البنزين يفرق معاكي يبقى I10 اما لو مش هتفرق يبقى الجيتز لأنها فئة اعلى عن I10

وانصحك بكثرة الأستخارة لكي ترزقي الخير اين كان ان شاء الله

انا كدة كدة مش هطلع بيها برة البلد ..فلو فارق بسيط يبقى الجيتز افضلى .. شكرا جدا للرد السريع

بصى انا سواقتى كويسه جداااا من ناحية الاقتصادية

فى الماتريكس
بعمل حوالى 315 كم او اكتر فى الصفيحة مع السواقة الهاديه
فى العادى مع شوية حرق بعمل 260 كم (اكثر او اقل) فى الصفيحة
اما مع الحرق الكتييييييير توقعى 200 كم او اقل.

فى ال i10
بعمل 385 كم فى الصفيحة سواقة هادية و طرق سريعة معظمها و متوسط السرعة 80-90 كم/س.
الطبيعى داخل المدينة بدون تشغيل التكييف بعمل 345 كم فى الصفيحة (سواقة هاااااديه مع حرق بسيط جدا)

اخر تفويلة عملت 525.3 كم ب 31.9 لتر يعنى 330 كم فى الصفيحة و كنت مشغل التكييف على فترات + حرق (بس مش كتيير) + طرق سريعة مشيت 100 و 120 كم لاول مره.

ربنا يوفقك فى الاختيار و انا اعتقد انك طالما بنت مش هتفرق معاكى السرعة اوى.. و متنسيش اى عربية مستعملة هتشتريها لسه هتغيرى فيها فلاتر و زيوت و ممكن بوجيهات مع عمل كشف عليها. ربنا يوفقك فى الاختيار

المشاركة الأصلية كتبت بواسطة mira12345

ميرسى جدا على الرد السريع .. هوا انا الحمد لله سواقتى كويسة و رجلى خفيفة على البنزين .. كان معايا رينو اوبتيما 1300 cc .. و ماكنتش بعانى من موضوع البنزين تماما . بس كانت قديمة و مافيهاش تكييف . انا عارفة طبعا انك من عشاق الi10 و موضوعاتك عنها حببتنى فيها اوى .. بس اللى مخلينى افكر فى الجيتز انى لو حبيت ابيعها مش هخسر كتير فيها عشان هى مش زيرو .. بعكس الزيرو اول ما بيطلع من المعرض بينزل من ثمنه 5000 او 6000 جنيه.

تماااااااااااااام الله ينور عليكى.. انت لو مش ناويه تبيعى قريب يبقى هاتى ال i10 و بجد مش هتندمى (بس لو انت مياله اكتر ليها).
انت لو كنت سألتى i10 زيرو ولا جيتز زيرو انا هختار الجيتز بدون تفكييييييير لان موتورها جباااااااااااااااار.

انا عن نفسى لما كنت بشترى كان عمى بيبيع عربيتة (رينو كليو 1200 سى سى موديل 2002) انا فضلت ال i10 علشان زيرو و فرحتى بيها بقى و الذى منه رغم انها اغلى حوالى 18,000 جم... و ده عمى و عارف ان العربية عمرها ما اتخبطت. و ال i10 بالنسبة لل 1300 اللى بتسوقيها مش هتبقى وحشة لان ابن عمى معاه اكسنت 1300 سى سى لما ركب معايا و شاف سحب العربية انبهر لانها لا تقل شىء عنها او افضل,, لكن مع التكييف و العربية محمله اعتقد هتبقى مش حلوه. و ده اللى انا مجربتوش لكن لحد اربعة فى العربية سحبها حلو بدون تكييف.

و فى الاخر اقولك بردوا الجيتز عربية كورى و هتلاقيها ممتازة (لو الراجل موثوق فيه اوى) لان الماتريكس معايا مشيت اكتر من 58,000 كم (يعنى اكتر من ضعف الجيتز) وما زالت ممتازة.

لو مقتنعة بالجيتز توكلى على الله.. بالتوفيق

ربنا يسهل انا هصلى استخارة و ان شاء الله ربنا يوفقنى للى فيه الخير .. و ميرسى جدا حضرتك فعلا انسان متعاون جدا .. ربنا يباركلك فى الi10 بتاعتك و يحفظهالك يارب.

المشاركة الأصلية كتبت بواسطة mira12345

ربنا يسهل انا هصلى استخارة و ان شاء الله ربنا يوفقنى للى فيه الخير .. و ميرسى جدا حضرتك فعلا انسان متعاون جدا .. ربنا يباركلك فى الi10 بتاعتك و يحفظهالك يارب.

شكرا لذوقك و ان شاء الله توصلى للعربية المناسبة.