احنا ما بنتكلمش بره الموضوع الجيتز من ضمن الاختيارات وتوضيح بلد المنشاء و التقفيل هيأثر على قرار الشراء فكلنا بنحاول نعطى معلومات صح
ومحدش جاب سيره سورى
الف شكر لاسلوبك
عرض للطباعة
صديقى Memes انت معاك حق يبدو انى كنت مندفع شوية لانى مرة سألت سؤال فى منتدى أخر ولقيت اربع صفحات فى مناقشات جانبية ولم استفد شئ - شوف الفال الكويس وانا بأرد سمعت اغنية : حقك علية ماتزعلشى - وباهديها لك ولكل اصدقاء المنتدى اللى زعلوا من تعليقى
السلام عليكم .. متشكرة جدا لاهتمامكم بجد .. و لروح المساعدة و التعاون اللى دايما موجودة فى المنتدى الجميل دة .. على العموم انا حبيت افرحكم .. انا اشتريت امبارح الجيتز الحمد لله . طبعا مش متعودة عليها اوى بس هى فى المجمل جميلة .. لونها شامبين ( انا بكره اللون دة ) بس هو حلو اوى فيها .. عشان الفرش الداخلى لونه احمر فى اسود و مديها شياكة و وسع . مع انها لو كانت حمرا كانت هتبقى تحفة . بس مش مشكلة انا فى كل الاحوال قاعدة جواها :) .. مش هشوف لونها كتير :)
ما سوقتهاش كتير لسة مش متعودة عليها .. بس الصبح اخويا نزلنى و لفيت بيها شوية و وقعت فى حبها :) .. سهلة جدا فى سواقتها .. و الباور فعلا زى ما الاخ ميشو قال مش خفيف اوى زى الi10 ,, بس انا بالنسبالى كويس جدا لانى قبل كدة كنت بسوق عربية من غير باور اصلا ..
كمان بتجرى من اقل دوسة بنزين .. و شغلت التكييف شوية و محستش باى تأثير فى اداء الموتور الحمد لله .. و ان شاء الله لما اتقن سواقتها شوية هبقى اقلكوا رأيى فيها :)
نسيت اقولكو انا ايه اللى خلانى استقر عليها .. اولا سعر اعادة البيع .. لو حبيت ابيعها كمان سنة او اتنين مفتكرش هخسر فيها كتير بعكس الزيرو طبعا اللى على الاقل هخسر 10 او 12 الف .. كمان عشان فى ناس خوفتنى من التكييف فى ال1100 cc و انه هيأثر على الموتور على الزمن البعيد. و اخر حاجة ان بابا قاللى انو هيحطلى بنزين على حسابه :):) فقولت استغل الفرصة بقى ..
و طبعا حالتها اللى ما شاء الله نظيفة اوى كأنها جديدة. يلا بقى قولولى مبروك و ميرسى جدا لمساعدتكوا بجد :)
:rolleyes2::biggrin2:مبررووك :biggrin2::biggrin2::rolleyes2:
الف الف مبروووووووووووووووووووووو ووووووووووووووك و ربنا يباركلك فيها و يديكى خيرها.. و اللون مش هيفرق اوى (الماتريكس عندى لونها شامبين و اتعودت عليه :biggrin2: ).. و كمااااان الاحمر فى فرش الجيتز تحفه مع الدريكسيون و الفتيس و خلى بالك بقى و اعملي لها صيانتها علشان تبقى مرتاحة على الاخر.
الف مبروك وربنا يديكى خيرها ويبعد عنك شرها - العربية الجيتز لو بحالة الزيرو انا اراهنك مش هتغيريها ابدا - انا بس نفسى باباكى يحطلى بنزين انا كمان واشترى جيتس من بكرة