الموضوع: ملحوظتين و خبرين صغيرين عن السيراتو

كنت امبارح فى روكسى قلت يا واد يا محمد متشد الخطوة للناس بتوع كيا تتفرج على السيراتو الجديدو الى التوكيل منزلها مش الخليجى اللى كنت شفتها قبل كدة.
المهم دخلت اتفرج ببص لقيت تلات عملاء بيخلصوا تقريبا مع الناس بتوع المبيعات و مفيش حد فاضى , فقعدت اتفرج على المعروض لما حد يفضى , كان فيه ال Lx فضى , و الsx بفتحة سقف سوداء , قعدت جوة الاتنين , و القعدة دى خليتنى تقريبا اصرف نظر خالص عن LX , فاضية مهوية من كل حاجة بس الفضى عليها يجنن , المهم روحت للتانية انشكحت اوى الصراحة بس لاحظت حاجة , العربية واطية أوى على الارض , طيب اتفرجنا و اتبسطنا بقى فعايز حد اساله , فى الوقت دا كان الراجل بتاع المبيعات خلص مع زبون لسه هروحله قاللى خمسة و جيالك , ماشى , وادى قعدة , الراجل جه , يص يا سيدى هما كام سؤال فى السريع , اتفضل يا فندم
-هى العربية دى أوطى من القديمة؟
-اه , دى 16 سم عن الارض و القديمة 18
(انا مش عارف ليه مش مصدق , لان الياريس اللى هى المفروض عالية طحن 16 هى كمان يعنى على كدة السيراتو القديمة دى كانت هضبة باة)
-طيب سؤال ساذج , يعنى ايه مرايات جانبية حرارية ؟
-يعنى حضرتك يتبخر بخار المياة زى الزجاج الورانى
-طيب لو عايز احجز حالا , استلم امتى ؟
-انت قصدك على انهى موديل؟
-انا بفكر فى الex
-من 20-25 يوم
-ياه
-امم
-طيب انهى عربيات عليها حجوزات اكتر؟
-ام 126 و 120 و 116
-و دول استلمهم بعد اد ايه
- 3شهور !!!!
-ياااااااااااه
-امم
-طيب هتنزل فى المعارض امتى ؟
-هى نزلت عند الموزعين المعتمدين : ياسين , عربيات (المهندسين) , المحمل ( م.نصر)
-طيب متشكر يا سيدى , سلام عليكم

بس , انا اكتئبت الصراحة , من ناحية لطول مدة الاستلام وانا لا أملك رفاهية الانتظار , و من ناحية تانية لانخفاض العربية و هى المشكلة التى أرقتنى طوال 10 سنوات مع السيفيا( التى هى رائعة فى كل شئ بخلاف هذه النقطة و لكنها عربية اخويا مما شجعنى على تكرار التجرية مع اول سيارة سوف امتلكها ان شاء الله ).

و من ناحية تانية لانخفاض العربية و هى المشكلة التى أرقتنى طوال 10 سنوات مع السيفيا( التى هى رائعة فى كل شئ بخلاف هذه النقطة

ياباشا هي السيفيا واطيه؟
عموما تحب تبيعها؟