مشكلة فى اللادا بعد تغيير اسطوانة الدبرياج

**lulya** · 09-04-2009 04:58 PM

بصوا يا جماعة هى عربية زوجى وساعات بأستخدمها أنا كمان بس أنا انشاء الله هجيب عربية صغيرة كده على قدى
ندخل فى المهم المشكلة هى ان اتغيرلها اسطوانة الدبرياج والديسك والبلية أنا طبعا عارفة الحاجات دى أسماء بس المهم ده كان من شهر من ساعتها مش عارفة ايه اللى حصل فى العربية العربية تبقى ماشية عادى وزى الفل بس أول ماندخل فى الزحمة وأبدا أغير من اللأول للتانى وأمشى ببطء العربية يحدث فيها اهتزاز وتخبيط شديد من أسفل زوجى راح للمكانيكى اللى غير الاسطوانة وعلى فكرة هو ميكانيكى شاطر أوى المهم قاللو العربية كويسة جدا ومش عارفة عملله فيها حاجة بسيطة كده تقريبا رفع الموتور أو حاجة فى الدبرياج سنة بسيطة وراح بيها لمكانيكى متخصص فى اللادا قاللوا العربية تمام بس للاسف كل لما ندخل فى الزحمة تحصل كل المشاكل السابقة ونفسى أعرف ايه الحل ومش عارفة أروح فين وايه اللى عايز يتظبط أرجوكوا ساعدونى لأن المشكلة دى مضايقة زوجى أوى على فكرة العربية معانا من 97 ومحصلش فيها أى مشاكل جامدة قبل كده وزوجى كان بيعملها الصيانة فى مواعيدها:k14:

**noni67** · 10-04-2009 07:19 PM

هههههههههههههههههه واضح انه ميكانيكى شاطر اوى طبعا
حسيبى الله ونعم الوكيل فى الناس دى
العيب ده عبارة عن عدم تركيب الأسطوانه والدسك على محور واحد مع أكس الفتيس اللى اسمه الدرك والحدافة كمان ده طبعا لان ليها عدة قاصة بيسنتر بيها المجموعه على الحدافة قبل ما يربط
وبكده اقدر اقولك مليون فى المية ان الاسطاونه باظت بعد اول 10 كيلوا مشى بالعربية لانها اتلحست من جنب وجنب ل وهتفضل تعمل كده معاكى للابد
لازم تغيرى الاسطوانه فقط عند ميكانيكى يكون عنده ونش اسمه 2 post lift علشان يملك يسنتر الاسطوانه بالدسك على الحدافة
وربنا يعوض عليكم

**medooo333** · 10-04-2009 08:42 PM

بصى برضه ع الكاربيراتير و الكورونا

**noni67** · 11-04-2009 12:41 AM

كاربراتير وكرونة ايه اذا كانت العربية ماشية عدل قبل موضوع الدسك والاسطوانة

**tmedhat** · 11-04-2009 12:45 AM

طقم الدبرياج اكيد مش راكب مضبوط
والصوت اللى بتسمعية فى العربية نتيجة رعشة فى مجموعة الدبرياج بيرج العربية كلها
للاسف لازم يتفك تانى و حد يبص بصةعلى المجموعة دى
المقصود بالمجموعة دى (الاسطوانة و الدسك والبلية)
وربنا يوفقك

**lulya** · 11-04-2009 05:04 PM

طيب يا جماعة محدش يعرف ميكانيكى كويس يظبطلى الموضوع ده حتى لو هاغير الاسطوانة تانى المهم الصوت ده والرعشة دى تروح عشان فعلا ده موضوع مقرف أوى وكرهنى فى ركوب العربية بس يا ريت تردوا عليا بسرعة رجاء خاص

**noni67** · 11-04-2009 07:20 PM

صدقينى ما اعرفش لانى باعمل كل حاجه بايدى حتى العمرة

**lulya** · 12-04-2009 04:37 AM

المشاركة الأصلية كتبت بواسطة noni67

صدقينى ما اعرفش لانى باعمل كل حاجه بايدى حتى العمرة

واضح من كلامك فعلا انك فاهم جدا بس بجد برافو عليك أحسن حاجة ان العربية صاحبها هو اللى يكون متابعها

**ahmad--ezzat** · 12-04-2009 07:42 AM

راجعى اللينك دة

http://www.nilemotors.net/Nile/showthread.php?t=52541

**adelmagdy** · 05-05-2009 03:06 PM

المشاركة الأصلية كتبت بواسطة lulya

بصوا يا جماعة هى عربية زوجى وساعات بأستخدمها أنا كمان بس أنا إن شاء الله هجيب عربية صغيرة كده على قدى
ندخل فى المهم المشكلة هى ان اتغيرلها اسطوانة الدبرياج والديسك والبلية أنا طبعا عارفة الحاجات دى أسماء بس المهم ده كان من شهر من ساعتها مش عارفة ايه اللى حصل فى العربية العربية تبقى ماشية عادى وزى الفل بس أول ماندخل فى الزحمة وأبدا أغير من اللأول للتانى وأمشى ببطء العربية يحدث فيها اهتزاز وتخبيط شديد من أسفل زوجى راح للمكانيكى اللى غير الاسطوانة وعلى فكرة هو ميكانيكى شاطر أوى المهم قاللو العربية كويسة جدا ومش عارفة عملله فيها حاجة بسيطة كده تقريبا رفع الموتور أو حاجة فى الدبرياج سنة بسيطة وراح بيها لمكانيكى متخصص فى اللادا قاللوا العربية تمام بس للاسف كل لما ندخل فى الزحمة تحصل كل المشاكل السابقة ونفسى أعرف ايه الحل ومش عارفة أروح فين وايه اللى عايز يتظبط أرجوكوا ساعدونى لأن المشكلة دى مضايقة زوجى أوى على فكرة العربية معانا من 97 ومحصلش فيها أى مشاكل جامدة قبل كده وزوجى كان بيعملها الصيانة فى مواعيدها:k14:

i have the same problem with my lada and i have changed the clutch group but still the problem occures

الموضوع: مشكلة فى اللادا بعد تغيير اسطوانة الدبرياج

LinkBack

أدوات الموضوع

عرض

-

-

-

المواضيع المتشابهه

بعد تغيير اسطوانة الدبرياج

اسطوانة الدبرياج

اسطوانة الدبرياج

اسطوانة الدبرياج

سلك و اسطوانة الدبرياج

الكلمات الدلالية لهذا الموضوع

المفضلات

المفضلات

ضوابط المشاركة