الموضوع: سؤال مهم فين حملة خليها تصدى وموديلها يعدى

الحملة باقية لان اسبابها مازالت قائمة....
اضف الى ذلك انه مع تداعيات الازمة العالمية، فلا توجد اسباب تدعو او تؤدى للانتعاش السابق.... ولن يشترى الا من يحتاج بشدة الى سيارة

الى اعرفه ان شهر 6 مصر هتتاثر بالازمة بطريقة فظيعة لانها لسه ماجتش مصر اصلا ..

و الله اعلم .

شكلك كده شمتان فينا يا ا/سامح

أنا هقول لحضرتك حاجة.. دلوقتي أحنا شهر 4 - 2009 يعني كمان 3 شهور موديلات 2010 هتوصل يبقى التجار معاهم على الأقل مخزون ضخم من موديلات 2008 و2009 وهتنزل عليهم موديلات 2010 وتتركن جنب أخواتها دة أول هام .

تاني هام التوقيت ... الصيف داخل فترة أجازات الأسواق بتتحرك (المفروض في الأحوال العادية ) ومن ضمنها سوق السيارات ولكن بحسبة بسيطة هتلاقي في ناس كانت بتشتغل في الخارج راجعه عشان أتسرحت هنقول نسبة بسيطة ومش هتأثر وكل واحد وليه ظروفه هقولك كلامك صح لو السوق يتوقف بنسبة 100% على العاملين بالخارج فقط ولكن دي نسبة هتأثر جنباً الى جنب مع تسريح العمالة داخل مصر ونسبتها كبيرة ومؤثرة بشكل كبير .

ثالث هام مشروع التاكسي الجديد ... مخطأ من يظن أن المشروع نجح قبل حتى أن يبتدى وأن الناس كلها هتروح تغير تاكسياتها وتجيب جديد وخد عندك الناس اللي أشترت من فترة بالفعل تاكسيات جديدة وموديلات حديثة أحلى وأنظف من التاكسيات اللي نازلة من غير كماليات وضيف أن عليهم أقساط بالفعل لسه مكملوش حتى ربعها ضيف الي ما سبق أن سواقين تاكسي زي اللادا وال128 والبولونيز وغيرها يوم ما ببهدلوا العربية من كثر اللف بصلحوها بمليمين وقطع غيارها رخصية أيه الي يجبرهم يشتروا جديد قطع غياره غالية .

رابع هام البنوك ... نسبة 50% من السيارات اللي تم بيعها مابين عامي 2007 و 2008 بيعت بنظام التقسيط والبنوك لحد يومنا تمتنع عن فتح باب التقسيط كم كان على مصراعيه خوفاً من نسبة التعثر الكبيرة التي من المتوقع حدوثها وبالفعل في نسبة كبيرة من مشتري السيارات تعثروا وبدأ يبيعوا العربيات بالأقساط المتبقية وطبعاً سعرها ساعتها بيكون مرتفع فا يأما يتحبسوا يا أما يبيعوا بالرخيص وساعتها بيكونوا خسرانين بنسبة كبيرة وطبعاً كلنا عارفين أن في نسبة كبيرة من المتعثرين وممكن يكونوا قرايبنا أو أصدقائنا أو جيراننا ومش بنصدق ولا هنصدق الا لما تحصلنا أحنا .

بالنسبة للحملة لست مدافع عنها ولكنها موجودة ومعروفة للجميع وخاصة التجار قبل غيرهم واللي أشترى مضطر وشاف أن الفترة مناسبة للشراء هو حر فلوسه وكل واحد يصرف فلوسه في الأتجاه اللي يحبه .. بالنسبة ليا أنا كان في أحتمال أشتري قبل الصيف لو كانت الأسعار نزلت بس الظاهر لسة التجار معاندين ولو خفضوا هيخفضوا كلام فارغ فأجلت الشراء الى أجل غير مسمى يمكن في 2010 بإذن الله لو كان ليا عُمر .

من الآخر هو سيناريو و لعبة معروفة وأحنا عارفنها وحافظينها عن ظهر قلب ومع ذلك كل مرة بنصدقها ( كل مرة ) يقولك ياجدع بيقولوا العربيات غليت يقولك أما أجرى ألحق أشترى قبل ما تغلى تاني (يلحق يشتري قبل ما تغلى تاني) يعني يشتريها وهي أغلى من ما كانت عليه بحجة أنها ممكن تغلى تاني طب ليه ياعم هو أنت ضامن عمرك عشان تضمن أنها هتغلى يامؤمن ؟

المشاركة الأصلية كتبت بواسطة Hosam_Optrawy

رأيى الشخصى المتواضع الذى يحمل الخطأ والصواب
ان مفيش حمله اصلا
كان فى ازمه اقتصاديه عالميه اثرت على كل شئ
والناس خسرت فلوسها فى كذا مجال ومعهاش فلوس تشترى
وكان فى حالة ترقب من الناس منتظره ان الاسعار ترخص
ماشيين ورا اشاعة ان العربيات هينزل سعرها النص
وفى ظل الازمه الفتره اللى فاتت كان فى ناس بتشترى
اللى معاه فلوس وعايز يشترى بيشترى
واللى بيقدر يصبر بيصبر
اللى يبقى الفلوس فى جيبه ومحتاج عربيه وبيصبر عددهم قليل
فى اللى مستنى ان العربيات تنزل 30% و 40% ( هيفضل مستنى بقية عمره )
وفى اللى مستنى موديل 2010
وفى اللى مستنى الجمارك تنزل شويه اللى هما ال 4% من السنه الجايه ولو انها مش هتفرق اوى فى سعر العربيه
لكن محدش يقنعنى ان فى حمله وكان لها اى نتائج
دى كانت موضه على الفيس بوك زيها زى اى موضه بتطلع فى مصر
واللى بيقول فى حمله
يروح يشوف فى الشهر اللى فات لما هيونداى وشيفروليه رخصوا اسعارهم باعوا كام عربيه
واقرب مثال النيو سيراتو اللى تمنها معدى ال 100 الف شوفوا باعت كام عربيه فى اسبوعين

100 100 يا باشاااااااااااااااااااااا ا هو ده رأيي تماما..