الموضوع: قفص الحماية Roll Cage

خلاص يا جماعة المحكمة تنورت،

جزاكم الله خيرا على الإفادة، أنا كنت فاكر إن الموضوع ده ممكن يعوض نقص عوامل الأمان، لكن واضح بناء على كلامكم إنه ممكن يؤدى لنتائج عكسية. يبقى نصرف نظر عنه ونشوف حاجة تانية.

المشاركة الأصلية كتبت بواسطة magyver

[CENTER]


ولا صعب التنفيذ ولا حااجة في ناس كتير قوي عملنها

يا باشا جزاك الله خيرا على المشاركة اللى ممكن تحيى الفكرة من تانى،

لكن فعلا الصور واضح فيها إن الكنبة الخلفية خرجت من الخدمة.

السؤال دلوقتى هل الكلام ده مصنوع فى مصر (شكل المواسير غريب شوية يدى انطباع إنها جاية من برة وتم تجميعها هنا)،

حاجة كمان: هل فوائد تركيب النظام ده أكثر أم أن أخطاره أكبر؟؟

المشاركة الأصلية كتبت بواسطة magyver

واكيد معموول هنا مش محتاج ييجي من برة ولا حاااجة[/CENTER]

معمول من إيه بأه ومين ممكن يعمله

بصراحة أنا كنت متخيل إن السمكرى ممكن يعمله من المواسير الزهر (محدش يضحك لو سمحتم)

المشاركة الأصلية كتبت بواسطة MMamdouh

انما حزام الامان بتاعنا دة بيسمح بحركة كبيرة للجزع و بالتالى ممكن راس الركاب تخبط فى الرول كيدج و تسبب اصابات خطيرة 3 point seat belt

MMamdouh

كده كده الراس بتتخبط فى القائم الى جنبها فى معظم الحوادث حتى مع لبس الحزام (العادى بتاعنا)
هو اساسا اسمه roll-over cage و فى برضه roll-over bar
ال cage استخداماته فى عربات السباق لحماية السائق و الملاح فى حالة ان العربيه اتقلبت
انما ال bar بيركب فى العربيات ال 4x4 كجزء من ال off-road package برضه للحمايه فى حالة استخدام العربه فى طرق غير ممهده (مفيش اسفلت بس مش فى السباقات, لازم cage فى السباقات) و المفروض يكون معاه 2 كاوتش استبن مش واحد كجزء من ال off-road package و المفروض برضه عدد طفايات الحريق متناسب مع السعة اللتريه للمحرك يعنى طفايه بودره واحده متنفعش فى شيروكى 4.0L لازم 2 طفايه الواحده 2ك و مننساش ان اى حاجه فى العربيه لازم تكون مربوطه و ثابته no loose objects علشان ساعة الحوادث بتكون هى ده الحاجات الى بتسبب اصابات الراس
و علشان كده لازم كل الى راكب يكون رابط الحزام خصوصا الركاب الى فى الكنبه ورا
و برضه مش اى حد الى يعمل ال cage او ال bar لان الحاجات دى بتكون من معدن مخصوص و ليها طرق هندسيه فى التثبيت علشان متركبش حاجه زى كده فى weak point فى العربيه
و ال cage اللى فى الصوره ده ناقص الجزء اللى بيكون داخل فى التابلوه و حولين الزجاج الامامى

يعنى يا جماعة لو حبينا نعمل تحليل لفوائد وأضرار تركيب مثل هذا القفص (من ناحية رفع درجة الأمان عند انقلاب السيارة) هل ممكن تتفوق الفوائد على الأضرار؟ أم أن خطر اصطدام رأس الركاب بأعمدة القفص يلاشى أى فائدة (مع ملاحظة أنه بدون وجود القفص فإن الانقلاب قد يؤدى لانضغاط السقف كليا أو جزئيا)، وكمان مع ملاحظة أن القفص الذى يمكن تركيبه عند سمكرى مش هيكون فى نفس كفاءة الأقفاص المصنعة خصيصا فى الخارج، الموضوع كله هيعتمد على التقديرات النظرية لأماكن تركيب الدعامات.