ايه رأيكم فى كيا سيفيا

**wsh1985** · 09-04-2009 05:44 PM

قدامى عربية كيا سيفيا 95 فابريكة دواخل راشة برة بس عاملة عمرة موتور من كام شهر وحالتة كويسة بها تكييف باور سنتر زجاج كهربا 1500cc فيها رخصة باسم المالك 3سنين تنتهى فى شهر 9 اللى جاى بها كاوتش جديد و جنوط سبور وصاحبها مهتم بيها بصراحة
ممكن يكون سعرها كام وهل قطع غيار الكيا سيفيا متوافرة وسعرها فى المتوسط ولا اية
وشكرا جزيلااااااااااا

**mecho_392** · 09-04-2009 05:53 PM

انا ركبتها و حسيتها زى اللانوس و بالتوفيق ان شاء الله..

**wsh1985** · 09-04-2009 06:53 PM

ممكن يكون سعرها كام وهل قطع غيار الكيا سيفيا متوافرة وسعرها فى المتوسط ولا اية
وشكرا جزيلااااااااااا

**mecho_392** · 09-04-2009 09:18 PM

المشاركة الأصلية كتبت بواسطة wsh1985

ممكن يكون سعرها كام وهل قطع غيار الكيا سيفيا متوافرة وسعرها فى المتوسط ولا اية
وشكرا جزيلااااااااااا

لا من ناحية قطع الغيار و اسعارها مقدرش افيدك لكن فى ناس اكيد فى المنتدى معاهم السيفيا و هيفيدوك. بالتوفيق

**AHMED12345678** · 10-04-2009 04:42 AM

بالنسبة للسيفيا 95 انا مانصحكش بيها علشان قطع غيارها نادرة ويمكن كمان مش موجودة فابعد عنها واذا كنت حابب السيفيا خليك فى الشكل الذى يبدا من 99 حتى 2003 علشان قطع غيارة موجودة وان كانت الاصلية غالية شوية لكن معمرة وخلى بالك ان السيفيا 99 واول 2000 هى الى كورى ومن منتصف 2000 مصرى والسيفيا عربية حلوة جدا بشرط تكون حالتها كويسة وابعد عن الاتوماتيك فيها علشان كثير الاعطال وانصحك تجيب كورى مانيوال وانا معايا سيفيا من3 سنوات http://www.nilemotors.net

**AHMED12345678** · 10-04-2009 04:45 AM

كمان مع احترامى للانوس فالسيفيا احسن من الانوس فى الوسع والثبات وطول عمر قطع الغيار وان كانت الانوس انعم من السيفيا واسهل فى البيع

**AHMED12345678** · 10-04-2009 04:51 AM

وبالنسبة لسعر السيفيا فحاليا تعمل لو بحالة كويسة وموديل 99 او 2000 حوالى مبلغ من40 الى 44 الف حسب الحالةوان كانت رشة برة ولا مش رشة ومدة الترخيص والكاوتش والحاجات الى زى دى وممكن فى ظروف السوق الحالية تنزلها عن الاربعين الف وانت وشطارتك

**ahmad--ezzat** · 10-04-2009 05:09 AM

السيفيا والشوما انتهو
انا منصحش حد بشراءهم خالص
لانوس زيرو افضل بكتير

**KIA_SEPHIA_2001_K** · 10-04-2009 09:16 PM

السيفيا والشوما انتهو

يا راجل حرام عليك دنتا الشوما بتنزل جديده وعليها اقبال كبير وهيا هيا السيفيا يبقى ازاى بقى انتهوا

ده لو حتى مش هيجيب حاجة منهم مينفعش برضوا يجيب الانوس فى نفس السعر وحجات انضف واحسن