الموضوع: ترس المارش

وانا عند الكهربائى جيت ادور العربية المارش عمل صوت ذى وره المهم الكهربائى قالى دة ترس البندكس

ترس البندكس بيتلف أسنانه لما تلاقى المكنه مابدورش معاك الا بعد كذا محاوله من التدوير .....وبيتقال عليها بلغة السوق المارش بيعتل...... وبرضه لما تكون الجلب باظت بيتقال المارش بيعتل علشان المارش بيلقط مع الفلام بعد كذا محاوله وممكن مايلقطش

والمصنعية اللى ممكن الكهربائى يخدها هو قال 35 جنية

هو كده المصنعيه فك وصيانه وتركيب كويسه ومعقوله أوى.........

وطلما هيفك المرش اخلية يكشف على اية تانى وهل المرش ممكن يتعملة صيانة ممكن تتعمل طلما اتفك

طالما حيحل المارش لتغيير الترس (بعد ما تتأكد أنه فعلا تالف ).....غير شربون.....وخليه ينظف ويفلج عضو التوحيد ( بيقولوا عليه الكولكتور بلغة السوق ).....وبرضه خليه ينظف الأستيتور ( المخدات ) كويس بالبنزين ......ويكشف على جلب المارش (الأماميه والخلفيه ).......وممكن تكون عاوز جلب بس والبندكس يبقى سليم........وده حيكون الأحتمال الأقرب لو ماكنتش بتنسى وأنت مدور العربيه كتير وتدوس كونتاكت بغرض الدواره......................

المشاركة الأصلية كتبت بواسطة samirayad

طالما حيحل المارش لتغيير الترس (بعد ما تتأكد أنه فعلا تالف ).....غير شربون.....وخليه ينظف ويفلج عضو التوحيد ( بيقولوا عليه الكولكتور بلغة السوق ).....وبرضه خليه ينظف الأستيتور ( المخدات ) كويس بالبنزين ......ويكشف على جلب المارش (الأماميه والخلفيه ).......وممكن تكون عاوز جلب بس والبندكس يبقى سليم........وده حيكون الأحتمال الأقرب لو ماكنتش بتنسى وأنت مدور العربيه كتير وتدوس كونتاكت بغرض الدواره......................

الكلام اللى انت قولتة دة ياباشا اروح اجيبة من الصيدالية قبل ما اروح للكهربائى ياريت يا باشا تسهلها شوية

المشاركة الأصلية كتبت بواسطة astsaae

الكلام اللى انت قولتة دة ياباشا اروح اجيبة من الصيدالية قبل ما اروح للكهربائى ياريت يا باشا تسهلها شوية

والله أنت عسل يا أبو حميد : بص ياسيدى......................

_ لو كنت مابتنساش وتشغل الكونتاكت كتير (بمعنى أنك تدوس كونتاكت وتنسى وتدور والعربيه دايره )......ممكن يكون العيب عندك أن المارش عاوز جلب والترس سليم.....لأن اللى بيبوظ الترس هى الحته دى بالذات..........ولو طلع الترس سليم والجلب كويسه برضه ....ممكن تلاقى العيب فى أوتوماتيك المارش........وممكن تسأل على نقطه نقطه وأنا أجاوبك بأذن الله

بس يا باشا هو الكهربائى قول ما سمع صوت المارش قالى هات ترس وتعالى مش الفروض انة كان فك المارش الاول وبعدين قالى اللى هو عايزة
ولو الموضوع عايز جلب الموضوع كدة هيكبر ولا عادى:k4: عشان مش عايز حد يشتغلنى .

السلام عليكم
اخى الكريم (انا كان عندى نفس المشكلة بالضبط لسه امبارح وفعلا رحت وجبت ترس برازيلى ب 50 جنيه والمصنعية كانت 35 جنيه وكله بقى تمام ) وشكرا لجميع الاعضاء على النصيحة

طيب جاوبنى الأول على حتة التدوير والمكنه دايره حصلت معاك ولا لا.......وأذا كانت حصلت .....حصلت كتير مثلا.....علشان نقول جلب ولا ترس.....................

--------------------------------------------------------------------------------

بس يا باشا هو الكهربائى قول ما سمع صوت المارش قالى هات ترس وتعالى مش الفروض انة كان فك المارش الاول وبعدين قالى اللى هو عايزة

وطبعا كده أنت صح وميه ميه كمان (لازم الكشف الأول ).......هو أنت شوفت طبيب بيكتب علاج بدون كشف......دا حتى لو سمع الشكوى بتاعة المريض بدون تحاليل وكشف وخلافه (العلاج حيكون مش أكيد )