رقم العضوية : 2176
تاريخ التسجيل : 15Sep2007
المشاركات : 8
الحالة :
بتصفح الموقع من اول الفطار لغاية السحور و الصراحة اكثر من رائع يا جماعة
بس انا كان لية كلمة نفسي اقولها..ان العربيات كلها في مصر مظلومة قوي
عشت في الخليج فترة محترمة و هناك اتعلمت السواقة و عرفت يعني ايه شوارع و طرق والصراحة احنا هنا في مصر معندناش حاجة اسمها طرق اصلا..حفر و بلاعات و اسفلت معوج و ارصفة مكسرة و مطبات خيالية
و كان فيه هناك مقولة شهيرة عننا ان احنا الوحيدين اللي عرفنا نقلب المرسيدس
و اي عربية مهما كانت جودة صناعتها معرضة لانهيار ادائها و حدوث تلفيات جسيمة فيها لمجرد المشي في الشوارع اضف الى ذلك ان الاهتزازات و الصدمات غير المباشرة مثل الحفر و النقر (بضم النون) نؤدي الى انفلات الاربطة و الصواميل و تدمير قواعد المحرك و العفشات مهما كانت نوعيتها
لى عم بامريكا بيقولي ان الطرق الغير ممهدة بالكامل في كاليفورنيا اكثر راحة مئات المرات من طريق زي صلاح سالم!
طب ازاي اي عربية تقدر تنافس او تصمد امام كل هذه التحديات؟
اظن ان المعايير التي نستخدمها في الحكم على العربيات هنا قاسية بعض الشيئ مع الاعتراف بالعيوب الاساسية التي لا تحتاج لطرق لتجربتها
و في اختام نشكر وزارة الطرق و المواصلات و تحية ايضا للصناعة المصرية
رقم العضوية : 1924
تاريخ التسجيل : 27Aug2007
المشاركات : 522
الحالة :
وأنا أقول لحضرتك إن أصحاب العربيات - مش العربيات - هما المظلوميييييين جدا جدا
بنشتري عربيات بأغلى من تمنها - رغم الحالة الاقتصادية الرائعة بتاعتنا - وبنمشي بيها على الطرق دي فإحنا اللي بنضر وكمان بندفع تكاليف الإصلاح فتقع في إيد توكيل غالبا ما بيرحمش ده غير طبعا تكاليف الصيانات الدورية والبنزين.
ربنا يرحمنا - إحنا وعربياتنا - برحمته
خالص تحياتي وتقديري
أخوكم/ هشام
المفضلات