الموضوع: R P M معلق على 2000 و مش راضى ينزل

النهارده بعد الصلاه اخدت العده و توكلت على الله و توجهت للعربيه
اول حاجه دورتها و شوفت الrpm ها يعلق و يقف على 2000 ولا لأ لقيته نزل على طول طبعا تعجبت و بعدين افتكرت العضو الى قال يمكن العيب فى الجراج
المهم سميت الله و بدات فى فك الايدل لقيت المسمار الى ناحيه الخارج مش راضى يتفك غالبا فى التوكيل فكوه و ركبوه و السن ركب غلط و سابوه على كده منهم لله حاولت افكه بالقوه اتكسر ماهتمتش كتير و قولت ابقى اروح لخراط يشيل الجزء الى فى الموتور و اجيب مسمار غيره
المهم طلعت الايدل لقيته مهبب و كان معايا اسبراى تنضيف للكاربراتير باقى عندى من السياره القديمه نضفته كويس و طلع هباب و بعدين رشيت Wd40 و رشيت منظف فى الفتحه بتاعته و ركبته طبعا بمسمار واحد لاكنه متثبت كويس
و بعدين فكيت الخرطوم بتاع الهواء عشان تنظيف البوابه ودورت العربيه و رشيت منظف كاربراتير فى البوابه مع تحريك بكره الاكسراتير عشان الوساخه تطلع مع العادم ثلاث او اربع مرات و بعدين بطلت و ركبت الخرطوم و عملت الايدل ليرن
فاضل بس اجربها بكره بعد الشغل و انا باخدها من الجراج
يا ترى الى انا عملته كدا تمام ولا انا عملت حاجه غلط؟

يا ترى الى انا عملته كدا تمام ولا انا عملت حاجه غلط؟

دا كده عشره على عشره ........وربنا يصلح الحال.........بس طبعا لازم تشوف موضوع المسمار التانى (لأن كده حيدخل هواء من الخارج وزياده عن المطلوب وقت السلانيه بالذات ).........

المشاركة الأصلية كتبت بواسطة samirayad

دا كده عشره على عشره ........وربنا يصلح الحال.........بس طبعا لازم تشوف موضوع المسمار التانى (لأن كده حيدخل هواء من الخارج وزياده عن المطلوب وقت السلانيه بالذات ).........

ما انا اطمنت انه متثبت كويس و مش بيدخل هوا و بعدين انا يوم او اتنين و هاشوف موضوع المسمار
بس لو الموضوع بتاع RPM رجع تانى يبقى حساس الTPS على طول ولا فى راى تانى ؟

بس لو الموضوع بتاع Rpm رجع تانى يبقى حساس الtps على طول ولا فى راى تانى ؟

فعلا لو موضوع الrpm رجع زاد تانى زى الأول ....حيكون فيه خلل حصل داخل الــــــtps .........ولكن نرجو الخير من عند الله ......وكده الأمور حتبان بكره أن شاء الله ..............ولو كانت الوساخه اللى طلعت كتير حيكون دليل على أن البوابه كانت بتركن فى وضع غير الطبيعى وقت السلانسيه(بسبب ملوثات جسم الخانق )..........وده حيكون مؤشر كويس لنتيجه كويسه متوقعه أن شاء الله......

** على فكره أنا متوقع نتيجه خير أن شاء الله......لأن العربيه لسه جديده .......دول 21000 كم يادوب ( وتلف الــــــTPS

.....أحتماله نادر جدا

السلام عليكم يا اعضاء المنتدى الكرام
النتيجه بعد ثلاث ايام من تنظيف الايدل و البوابه
1- مشكلة الrpm لم تظهر تانى حتى بعد لما اخدت العربيه من الجراج
2-صوت العربيه فى السلانسيه بقت انعم
3- انا حاسس ان الrpm بيرد بسرعه عن الاول ولاكنى مش متأكد

انا عملت بيها 550 ك من يوم الجمعه الى الان لانى سافرت اسكندريه و رجحت تانى

ملحوظه "انا اعتقد ان المشكله فى وساخة البوابه لانى فاكر ان اول لما ظهرت المشكله المؤشر كان واقف بين 1500 و2000 ولما دوس بنزين بقوه 3 او 4 مرات على وقف على 2000 و مارداش ينزل "

و يا ريت كل اعضاء المنتدى لما تواجهم مشكله و يحلوها يعرضوا النتيجه بعد الحل لانى كتير بشوف ناس تعرض المشكله و لما تتحل ما تهتمش تفيد الاعضاء الاخرين و انا بوجه دعوه الى كل الاعضاء الى الاهتمام و افادة الاعضاء الاخرين و شكراً

ألف مبروك................