R P M معلق على 2000 و مش راضى ينزل

**lakany** · 09-04-2009 08:51 PM

السياره نوبيرا 2008 ماشيه 21000 ك
امبارح بعد الشغل روحت الجراش و دورت العربيه لاقيتها صوتها عالى و ال rpm واقف على 2000 مش راضى ينزل استنيت شويه مافيش فايده بطلت و دورت تانى مافيش فايده قولت امشى يمكن حاجه معلقه مشيت حوالى 5 دقايق مافيش فايده و لما وقفت فى اشاره جربت ابطل و ادور تانى بعدها اتعدلت
قلت يمكن تعليقه و راحت لحاله
النهارده الصبح و انا رايح الشغل كوله تمام ما فيش مشكله قوت الحمد لله جات سليمه
و بعد الشغل روحت الجراش و دورت العربيه لقيت الحكايه رجعت تانى مع تكرار نفس السينارو السابق
يبقى المشكله فين ؟ و هل لو نضفت البوابه و الايدل كونترولر تتحل المشكله و لا فيه مشكله فى حساس بايظ ارجو الافاده من الاعضاء الغاليين و شكرا

**MMamdouh** · 09-04-2009 08:58 PM

لما حصلى مشكلة مشابهة طلع حساس الTPS بايظ

جرب تاخد حساس من واحد صاحبك مثلا تجرب بيه قبل ما تشترى

على فكرة ممكن الحساس يبقى بايظ و لمبة التشك متنورش و دة حصل معايا

MMamdouh

**MMamdouh** · 09-04-2009 09:41 PM

ممكن يكون نقاط التلامس داخل حساس الTPS فيها مشكلة و بتسبب وصل و فصل الدائرة و دة بيخللى العربية تعلى لما الحساس يفصل لان الكونترول مش فاهم البوابة مفتحة ولا مقفولة و بعدين لما يحصل اتصال و الكونترول يشوف قراية من الحساس يشتغل عادى... الحساس مطبوخ فى بعضة و مش بيتفتح للتنضيف

انت عربيتك 2008 يبقى اكيد لسة فى الضمان... اعمل التجربة اللى قولتك عليها الاول عشان بس محدش يشتغلك فى التوكيل او حتى حطها على سكانر و شوف قراية حساس الTPS كمام و بعد كدة اتجة على التوكيل لتغيير الحساس لو اتاكدت ان هو المشكلة

تنظيف البوابة مش حيفرق بس مش حيضر.. ممكن تنضفها هى و الايدل كونترولر و تجرب و ان كنت مش مقتنع ان هما السبب

MMamdouh

**A.samy** · 10-04-2009 12:05 AM

انا لية واحد صاحبى العربية قرفاة الصبح العربية بتدور بسرعة بس بيفضل الار بى ام يعلى ويوطى ولو ملحكش العربية بدواسة البنزين وقعد يكرك لها العربية تبطل:k4:

**samirayad** · 10-04-2009 12:20 AM

انا لية واحد صاحبى العربية قرفاة الصبح العربية بتدور بسرعة بس بيفضل الار بى ام يعلى ويوطى ولو ملحكش العربية بدواسة البنزين وقعد يكرك لها العربية تبطل

الحاله دى بأذن الله سببها منحصر بين حاجتين (بلف الأيدل وحساس الــــtps )...........والحل : نظافة بلف الأيدل والبوابه وكله حيبقى تمام.......وياريت أثناء التنظيف حد يحرك الأكسراتير برضه (لصنفرة الرواسب اللى موجوده على جسم الخانق من الداخل بواسطة قرص البوابه أثناء رش الأسبراى ....ومحاولة ضبط وضع قرص البوابه ...لو كانت بتركن فى حته معينه وبتبوظ أشارة الــــــــtps )........وكده نبقى ضربنا عصفورين بحجر واحد (تسهيل عمل الــــــtps مع نظافة الأيدل ).............

**samirayad** · 10-04-2009 12:31 AM

ممكن يكون نقاط التلامس داخل حساس الtps فيها مشكلة و بتسبب وصل و فصل الدائرة و دة بيخللى العربية تعلى لما الحساس يفصل لان الكونترول مش فاهم البوابة مفتحة ولا مقفولة و بعدين لما يحصل اتصال و الكونترول يشوف قراية من الحساس يشتغل عادى

فعلا ده اللى بيحصل

و لما وقفت فى اشاره جربت ابطل و ادور تانى بعدها اتعدلت
قلت يمكن تعليقه و راحت لحاله

فعلا دى تعليقه وتنظيفك للبوابه بالطريق اللى قولتها أنا فوق ممكن يحل المشكله.......ويكون الحساس سليم .....وأنا متوقع كده بأذن الله