مصيبة كبيرة اغلبنا واقعين فيها و مش حاسين

**mahamedaraby** · 10-04-2009 06:56 PM

المشاركة الأصلية كتبت بواسطة abou_ruqi

لما يدفعلنا الغرب تمن الحاجات اللي أخدها منا اللي قلتهالك
ويدفع تعويضات عن سنين الإحتلال اللي نهب فيها ثرواتنا و بالفلوس دي عمل الأختراعات بتاعته

نبقى ساعتها ندفعله

أو يعتبرنا شركائه في حضارته هو بالمجهود وإحنا بالتمويل , ساعتها حيكون لنا في الحاجات دي زي ما هو له بالضبط

مش هو ده العدل ؟؟؟

طيب وسنين الاحتلال اللى مرت بيها مصر طول تاريخها نسال فيها مين

ونهب البلد وثرواته كل ده نكلم مين فيه

والحروب اللى حربنا علشان نرجع ارضنا وكلفتنا امول لسه بندفع تمنها لحد دلوقتى نسال فيها مين ؟!!!!!

**sherif_84** · 10-04-2009 07:16 PM

ياجماعة هدوا نفسكم شوية الموضوع مش مستاهل اللمة دى كلها يعنى احنا سايبين كل حاجة وجايين نتكلم على الكراكات ونسخ الويندوز وده حلال ولا حرام
معلش فى السؤال مع الاعتذار لصاحب الموضوع : هو انت ليه فتحت الموضوع ده اصلا يعنى عايز تعمل دوشة وخلاص ومشاركات ؟؟ ماعتقدش موضوع زى ده له اهمية يعنى
وبص بقى اجبلك من الاخر الواحد قرفان اصلا من الغرب كلهم من ساعة الاستعمار و خربوا البلاد ونهبوا ثروات المسلمين يبقى بعد كل ده حلال عليهم السرقة
ياراجل ده بعد سقوط الدولة العثمانية الكلاب ( بريطانيا وفرنسا وايطاليا ) قعدوا يتعازموا على تقسيم الدول الاسلامية ومعذرة انى فتحت مواضيع بعيدة عن الموضوع بس دى وجهة نظرى

أخوكم شريف

**wkisho2005** · 10-04-2009 07:54 PM

المشاركة الأصلية كتبت بواسطة abou_ruqi

العرب هما اللي اخترعوا الزيرو
والتكنولوجيا الديجيتال مبنية على الزيرو والواحد ( 0 / 1 )
فلما يدفعولنا حقوقنا في استخدام الزيرو , نبقى ندفعلهم حقهم في استخدام الديجيتال تكنولوجي

والحضارة الغربية كلها مبنية على العلوم اللي اتعلموها في الاندلس من المسلمين في العصور الوسطى
والمسلمين كانوا بيعلموا الفرنجة ببلاش وفي الأخر حاربونا
فلما يدفعوا تمن علمنا اللي علمناهولهم في الأندلس يبقى يتكلموا عن البرامج

الورق دخل أوروبا عن طريق أسير صليبي طلياني كان اتأسر في عصر صلاح الدين , والعرب كانوا بيشغلوا الأسرى في المصانع والمزارع , و الأسير ده طلع حظه في مصنع للورق و اتعلم الصنعة و راح إيطاليا وعمل مصنع في مدينة اسمها فبريانو (أشهر نوع ورق رسم لحد دلوقتي) ولولا العرب كان زمانهم لسه بيكتبوا على جلود الحيوانات
فلما يدفعولنا تمن كل ورقه كتبوا عليها نبقى ندفعلهم تمن البرامج

والا هي لما جت عندهم قعدوا يعيطوا ويقولوا حقنا حقنا ؟؟؟ هو حلال ليهم حرام علينا ؟؟؟

+111111111111111111

**waleedrahmy** · 10-04-2009 09:53 PM

النهضة ال نهضها الغرب دي من دم البلاد ال أحتلوها ومصوا دمها لأخر قطرة

**abou_ruqi** · 10-04-2009 10:05 PM

المشاركة الأصلية كتبت بواسطة waleedrahmy

النهضة ال نهضها الغرب دي من دم البلاد ال أحتلوها ومصوا دمها لأخر قطرة

الغريب إن الامريكان اللي مش مؤمنين بحق الحياة أصلا للمستضعفين , هما اللي بيتكلموا عن حقوق الملكية الفكرية

استباحوا ارضنا وعرضنا ودمنا , ومتدايقين إننا بنزل كراك معمول بايد واحد من عندهم و مرفوع على سرفر عندهم , طيب ما تتشطروا على الناس اللي عندكم !!!

ناهبين شعوب في ترليونات دولارات ويقولك أنا ليا عندك 300 دولار !!

**badblood** · 10-04-2009 11:14 PM

المشاركة الأصلية كتبت بواسطة د.محمود صلاح

هم اللى حطوا البرامج وهم اللى نزلوالها الكراكات !!

+10000000000

**abdalla45** · 10-04-2009 11:21 PM

مش عارف بس انا اول مره اخد بالى من الموضوع ده بس لو احنا قلنا خلاص مش هناخد السريل ولا الكراك هل هنقدر على تكاليف البرامج الاصليه ؟؟

**Dr Zezo** · 10-04-2009 11:25 PM

طيب و حضرتك تقول ايه بقي في اني عندي النسخة الاصلية للويندوز بالسيريال بتاعها "كانت مع الجهاز لما اشتريته ولم اعطيها لأحد ولم انسخها و لم اعطي السيريال لاحد و لم استعملها الا علي جهاز واحد و الان يرفض كود النسخة

وكذا الحال مع الاوفيس

فاضطروني الي استعمال برامج مكركة

ثم فعلا ليس عندي استعداد لدفع 1000 ج ثمنا لها و ليس هناك بديل عنها "لا احب لينكس و لا افهمه"

اما غير ذلك من برامج في الاغلب استعمل البرامج المجانية مثل avira
& pc firewall

وهكذا فما العمل؟؟

**hesham_shousha** · 10-04-2009 11:34 PM

ياجماعه فيه حاجه إنتو موش فاهمينها
وبصفتى عندى فكره الحمد لله ( كويسه ) عن البرمجه هاقولكم عليها
أى شركه صغيره عملت برنامج فى إمكانها وبإمكانيات بسيطه تعمل حمايه ( ولا الجن الأزرق ) يعرف يكسرها
فهل شركه مايكروسوفت ماعندهاش الشخص الكفؤ اللى يقدر يفكرلها فى حمايه لبرامجها من السرقه
لأ وكمان منزله كل برامجها من غير حمايه
ولو حاولت وإتصلت بيها عن طريق النت بتفقس نسختك إن كانت أصليه ولا مسروقه
الناس دول ياجماعه موش ( هوبل ) هما بينزلوا البرامج من غير حمايه عشان تحقق الإنتشار على أكبر عدد ممكن من المستخدمين وبالتالى تكون برامجهم مطلوبه للإستخدام فى المؤسسات والشركات اللى بتحتاج نسخ أصليه
وهادى مثال لبرنامج التخطيط بريمافيرا
الشركه عملت ليه حمايه ماتتفكش وماحدش قدر يفكها وكانت النتيجه عدم انتشاره بالشكل المطلوب
نزلو نسخه من حوالى سنه مفكوكه لكن ماينفعشى يستخدمها غير مستخدم واحد
شركتى لما حبت تستخدمها اضطرت تشترى النسخه الاصليه عشان تشتغل على نت ورك
بإختصار : البرامج المفكووكه هى حيله تسويقيه تلجأ لها الشركات عشان تحقق الإنتشار عند أكبر عدد من المستخدمين ( يعنى بيتسرقوا بمزاجهم )
وشركه مايكروسوفت لو عايزه تعمل حمايه ما تتفكش على برامجها هتعملها وساعتها هنلف حوالين نفسنا ومانفتكرش إننا شاطرين
وبكل بساطه شركه مايروسوفت النهارده ممكن عن طريق النت تعرف تحس كل مسنخدم للنت نسخته أصليه ولا لأ وممكن تعطلهاله حتى لو ما بعتلهاش أى رسائل
طب ليه موش بيعملوا كده ؟؟؟
الموضوع كله سياسه تسويقيه موش أكثر
الناس دول موش سذج ياجماعه وإحنا بصراحه موش حراميه شاطرين - إحنا بناخد اللى هما بيوافقوا على إننا ناخده -

**1.8Tee** · 10-04-2009 11:42 PM

المشاركة الأصلية كتبت بواسطة Dr Zezo

ثم فعلا ليس عندي استعداد لدفع 1000 ج ثمنا لها و ليس هناك بديل عنها "لا احب لينكس و لا افهمه"

مين قال إنه ب 1000....

الأسعار في مصر:

http://www.compume.com/index.php?tar...ategory_id=176

قارنها بالأسعار من الموقع الرسمي بتاع ميكروسفت:

http://www.microsoft.com/windows/win...s/default.aspx

الموضوع: مصيبة كبيرة اغلبنا واقعين فيها و مش حاسين

LinkBack

أدوات الموضوع

عرض

-

-

-

-

-

-

-

المواضيع المتشابهه

الموضوع ده مش هيفيدني لوحدي هيفيد ناس كتير واقعين في نفس حيرتي

مشكلة كبيرة ومحتاج أرائكم فيها

عملت مصيبة ومشكلة كبيرة في الاوبترا :(:(:(:s

فاكر اول مرة سوقت فيها.ايه بقى اول مصيبة عملتها ؟؟؟؟

أفضل سيارة فى فئة السيارات مدمجة كبيرة (مينى كبيرة)

الكلمات الدلالية لهذا الموضوع

المفضلات

المفضلات

ضوابط المشاركة