المشاركة الأصلية كتبت بواسطة meeezo333eg
يا جماعة اهم شىء بيعتمد عليه فتوى حقوق الملكية الفكرية هى الحديث اللى بيقول "المؤمنين عند شروطهم"
يعنى لو النجار قالك تعال اتفرج انا بعمل الكرسى ازاى بس على شرط ما تروحش تقلده او تقول لحد يبقى هو ده الشرط و اذا ما اتكلمش يبقى خلاص براحتك
بالنسبة للى برامج شغلهم غالية جدا زى سوليد ووركس مثلا
اذا مفيش بدايل مجانية و الشركة مش عاملة نسخ ديمو مثلا او نسخ لغير الاغراض التجارية علشان تتعلم عليها بس يبقى ما ينفعش تجيبه بكراك و تشتغل بيه لان ساعتها المصيبة اكبر لانك هتبقى بتسعمله حرام و بتاكل و بتاكل عيالك فلوس حرام
شفت مرة فتوى ان لو البرنامج غالى جدا يجوز ليك استعماله بشكل غير شرعى بس طبعا شكلها فتوى من بتوع الجماعة اياهم لان مفيش اى مبرر انى اسرق الحاجة الغالية و اشترى الحاجة الرخيصة
على فكرة انا بقالى مدة بسيطة اوى بستعمل لينوكس بس الموضوع سهل جدا و الحمد لله بقيت بعرف اعمل كل حاجة عليها
الموضوع سهل اوى