طيب سؤال هوا طلمبة البنزين الكارتة اللي عليها وظيفتها ايه؟؟
الكارته دى بتمثل حساس مستوى الوقود فى التنك وليها منظومه هندسيه معينه بتعمل مع أرتفاع وأنخفاض عوامة البنزين (علشان يحصل من خلالها تغيير فى مقاومة دايرة القياس المشتركه مع العداد ) وبكده بنعرف فيه قد أيه بنزين فى التنك.....وليها نظام هندسى كهربى معقد شويه ....وتقريبا بتحتوى على شريحه من ماده أسمها piezo resistive بحيث لما بيحصل ضغط على الشريحه دى بيحدث تغيير فى المقاومه بتاعة الشريحه اللى على أتصال بمقاومة مؤشر البنزين وبكده بنعرف كمية البنزين ( ياعنى تعديل للنظام القديم بطريقه ألكترونيه ).......وحاليا أنا بأحاول أتعرف على طريقة شغلها الدقيقه (وأعتقد مش حتخرج عن كده )............هذا والله أعلم لحين التحقق.....وأنا حاسس أنها بنفس نظرية حساس الماب (اللى راكب فى صدر العربيه فوق الأسكترا ....مع الفارق طبعا )
و هل كبس الطلمبة بيتغير عن طريق الكارتة دي مع تغير ضغط التانك؟
اللى أعرفه طبعا لا.......لأنها خاصه بدايرة قياس البنزين ......وممكن يكون عندك حساس لقياس الضغط بتاع التنك زى ماقولنا عندها أو فى مكان تانى جوه التنك وعلى أتصال بوحدة التحكم .........