عرض للطباعة
يا جماعة انا محتار من بعد ما العربية التحفة الجديدة دية نزلت
http://nilemotors.net/Nile/showthread.php?t=64485
بجد العربية جامدة قوى و الفرق عبيط قوى فى السعر بين عربيتى لانسر اسبورت 2008 و السيراتو الجديدة كنت عايز نصيحة اتوكل على الله و ابيع و ازود و اجيب الهاى لاين 126000 ولا اللانسر احسن علشان موضوع اليابانى و الكورى بجد محتار جداااااااااااااااا بس يا ريت لو حد عندة اي معلومات عن العربية دية ما يبخلش عليا بيها ارجو السرعة و شكرا
ولا حيرة ولا حاجة ...
استخير ربنا .. وان شاء الله توكل على شراء الكيا .
لانسر ايه بس ..
والله انا شايف ان السيراتو دى تحفه وشكلها مفيش بعد كده وابتدت تنتشر وده هيؤدى الى انتشار قطع الغيار اتوكل على الله بس من الافضل طبعا قبل ما تشتريها انك تجربها الاول وتشوفها على الطبيعه ممكن حد من اعضاء المنتدى فى قسم الكورى تكلمه وتقابله وتعمل انت المقارنه بنفسك افضل وربنا يوفقك
طبعا السيراتو الجديده اشد بكتير من اللانسر
توكل على الله
موضوع يابانى وكورى ده قدم خلاص
دلوقتى الكورى واليابانى زى بعض تقريبا
كل الناس بتقول ان اليابانى افضل فى العمر الافتراضى الاطول
والكورى بيعيش برضه
وبالنسبه للمعلومات فى موضوع متميز فى قسم كيا عامله البشمهندس غازى
هتلاقى فيه كل المعلومات اللى انت عايزها
الكيا اكيد افضل كفايه ان دى تصميم موديل 2009 و اليومه تصميم من سنه 2004
بس المشكله انك هتخسر كتير فى حاله انك تبيع عربيتك
اعتقد استنى سنه كمان على 2010 و تغير عربيتك و الانسر مش وحشه طبعا
الا لو هتبيع مثلا وتزود مبلغ قليل
انا فى رايي الكيا لان اللانسر راحت عليها وكفاية انتشارها الممل
اما الكيا فستجد انك راكب تحفه فنية وانك اصبحت مميزا
والله ياجماعة انتوا بتتكلموا على الكيا كانكوا ركبتوها وجربتوها انا مش بقول كدة انى اقلل من شأن العربية بس انا معرفهاش ومش هقدر اقول لحد تجيبها او ماتجيبهاش لانى ماجربتهاش فاستنى يكون حد من الاعضاء جابها او جربها وشاف العزل والجرى والفرامل والثبات وكدة انا عمرى ماعاقول انى هاجيب عربية عشان فيها وسائل رفاهية اكتر من الحاجات اللى انا ذكرتها قبل كدة وهى( العزل والجرى والفرامل والثبات)لان دية العربية وسيبك من اى حاجة تانى كل دة كلام عبيط يعنى معلش واحد يقولى دية فيها تكييف تاتش واية يعنى تاتش فى الاخر هيعمل نفس التكيف العادى واللى يقول نازلة بكاوتش 16 ماشى نوعة اية ولو الكاوتش وحش هتضطر تغيرة يبقى هاتدفع بتاع 3500 جنية كل دة ياجماعة لسة مابنش دلوقتى اللى جرب العربية بس هو اللى يتكلم وبعدين انا ملاحظ دلوقتى فى الجرايد اول لما كانوا بيعلنوا على العربية قالك 124 حصان ودلوقتى كاتبين 126 حصان وفى النت كاتبين 124 حصان هايشتغلونا من دلوقتى ولا اية وعلى فكرة انا من رائى ان العربية دية لو كتبلها النجاح هيبقى عشان شكلها ليس اكتر مش عارف حاسس كدة انها عادية جدا بس مزودينها شوية انت عارف بقى لما يحبوا يعلنوا عن حاجة بضمير هيعملوا اية (فارجو منكم عدم المبالغة فى وصف السيارة لمجرد انها عجبتكوا من بعيد او حتى شوفتوها فى معرض لازم تكونوا جربتوها ولفترة كمان يعنى تجربة شاملة لانى كمان شايفها ضيقة بسبب تصميمها حاسس انها صغيرة يعنى اصغر من القديمة
وشكرا ليكوا
الكيا من ورا شكلها وحش اوي شبة العربيات الصيني كدا لكن من قدام تحفة
و دة اول انطباع اخدتة لما شفتها في الشارع اول مرة على الطبيعة
مستحيل ابيع اللانسر عشان اجيب كيا ..انا مش بقول انها عربية وحشة ولكن يبقى معايا جنية دهب وابيعة واشترى جنية فضة !!!! اهو دة اللى مش ممكن ابدا وخلى بالك اعادة بيع الكيا وحش اوى اوى مش زى اللانسر خالص ودى نصيحة لوجة الله اوعى تفرط فالميتسوبيشى اوعى
اقتباس:
المشاركة الأصلية كتبت بواسطة semsem kane
1000شكر يا رجالة و انا فى انتظار تجربة العربية بس بردوة انا حاسس انى مش هقدر افرط فى اللانسر علشان لو العربية بالشكل فعلا زى ما حضرتك قولت يبقى الاسبرنزا احسن عربية فى الدنيااقتباس:
المشاركة الأصلية كتبت بواسطة meromar