عايز نصيحة فى الكيا الجديدة

**basom** · 10-04-2009 04:39 AM

يا جماعة انا محتار من بعد ما العربية التحفة الجديدة دية نزلت
http://nilemotors.net/Nile/showthread.php?t=64485

بجد العربية جامدة قوى و الفرق عبيط قوى فى السعر بين عربيتى لانسر اسبورت 2008 و السيراتو الجديدة كنت عايز نصيحة اتوكل على الله و ابيع و ازود و اجيب الهاى لاين 126000 ولا اللانسر احسن علشان موضوع اليابانى و الكورى بجد محتار جداااااااااااااااا بس يا ريت لو حد عندة اي معلومات عن العربية دية ما يبخلش عليا بيها ارجو السرعة و شكرا

**Terrible_DaRsH** · 10-04-2009 05:01 AM

ولا حيرة ولا حاجة ...

استخير ربنا .. وان شاء الله توكل على شراء الكيا .

لانسر ايه بس ..

**mrghost** · 10-04-2009 07:33 AM

والله انا شايف ان السيراتو دى تحفه وشكلها مفيش بعد كده وابتدت تنتشر وده هيؤدى الى انتشار قطع الغيار اتوكل على الله بس من الافضل طبعا قبل ما تشتريها انك تجربها الاول وتشوفها على الطبيعه ممكن حد من اعضاء المنتدى فى قسم الكورى تكلمه وتقابله وتعمل انت المقارنه بنفسك افضل وربنا يوفقك

**Hosam_Optrawy** · 10-04-2009 03:18 PM

طبعا السيراتو الجديده اشد بكتير من اللانسر
توكل على الله
موضوع يابانى وكورى ده قدم خلاص
دلوقتى الكورى واليابانى زى بعض تقريبا
كل الناس بتقول ان اليابانى افضل فى العمر الافتراضى الاطول
والكورى بيعيش برضه
وبالنسبه للمعلومات فى موضوع متميز فى قسم كيا عامله البشمهندس غازى
هتلاقى فيه كل المعلومات اللى انت عايزها

**د.محمد** · 10-04-2009 05:10 PM

انا فى رايي الكيا لان اللانسر راحت عليها وكفاية انتشارها الممل
اما الكيا فستجد انك راكب تحفه فنية وانك اصبحت مميزا

**SAMEH_FOUAD** · 10-04-2009 05:16 PM

والله ياجماعة انتوا بتتكلموا على الكيا كانكوا ركبتوها وجربتوها انا مش بقول كدة انى اقلل من شأن العربية بس انا معرفهاش ومش هقدر اقول لحد تجيبها او ماتجيبهاش لانى ماجربتهاش فاستنى يكون حد من الاعضاء جابها او جربها وشاف العزل والجرى والفرامل والثبات وكدة انا عمرى ماعاقول انى هاجيب عربية عشان فيها وسائل رفاهية اكتر من الحاجات اللى انا ذكرتها قبل كدة وهى( العزل والجرى والفرامل والثبات)لان دية العربية وسيبك من اى حاجة تانى كل دة كلام عبيط يعنى معلش واحد يقولى دية فيها تكييف تاتش واية يعنى تاتش فى الاخر هيعمل نفس التكيف العادى واللى يقول نازلة بكاوتش 16 ماشى نوعة اية ولو الكاوتش وحش هتضطر تغيرة يبقى هاتدفع بتاع 3500 جنية كل دة ياجماعة لسة مابنش دلوقتى اللى جرب العربية بس هو اللى يتكلم وبعدين انا ملاحظ دلوقتى فى الجرايد اول لما كانوا بيعلنوا على العربية قالك 124 حصان ودلوقتى كاتبين 126 حصان وفى النت كاتبين 124 حصان هايشتغلونا من دلوقتى ولا اية وعلى فكرة انا من رائى ان العربية دية لو كتبلها النجاح هيبقى عشان شكلها ليس اكتر مش عارف حاسس كدة انها عادية جدا بس مزودينها شوية انت عارف بقى لما يحبوا يعلنوا عن حاجة بضمير هيعملوا اية (فارجو منكم عدم المبالغة فى وصف السيارة لمجرد انها عجبتكوا من بعيد او حتى شوفتوها فى معرض لازم تكونوا جربتوها ولفترة كمان يعنى تجربة شاملة لانى كمان شايفها ضيقة بسبب تصميمها حاسس انها صغيرة يعنى اصغر من القديمة
وشكرا ليكوا

**meromar** · 10-04-2009 07:49 PM

مستحيل ابيع اللانسر عشان اجيب كيا ..انا مش بقول انها عربية وحشة ولكن يبقى معايا جنية دهب وابيعة واشترى جنية فضة !!!! اهو دة اللى مش ممكن ابدا وخلى بالك اعادة بيع الكيا وحش اوى اوى مش زى اللانسر خالص ودى نصيحة لوجة الله اوعى تفرط فالميتسوبيشى اوعى

**basom** · 11-04-2009 02:55 PM

المشاركة الأصلية كتبت بواسطة semsem kane

والله ياجماعة انتوا بتتكلموا على الكيا كانكوا ركبتوها وجربتوها انا مش بقول كدة انى اقلل من شأن العربية بس انا معرفهاش ومش هقدر اقول لحد تجيبها او ماتجيبهاش لانى ماجربتهاش فاستنى يكون حد من الاعضاء جابها او جربها وشاف العزل والجرى والفرامل والثبات وكدة انا عمرى ماعاقول انى هاجيب عربية عشان فيها وسائل رفاهية اكتر من الحاجات اللى انا ذكرتها قبل كدة وهى( العزل والجرى والفرامل والثبات)لان دية العربية وسيبك من اى حاجة تانى كل دة كلام عبيط يعنى معلش واحد يقولى دية فيها تكييف تاتش واية يعنى تاتش فى الاخر هيعمل نفس التكيف العادى واللى يقول نازلة بكاوتش 16 ماشى نوعة اية ولو الكاوتش وحش هتضطر تغيرة يبقى هاتدفع بتاع 3500 جنية كل دة ياجماعة لسة مابنش دلوقتى اللى جرب العربية بس هو اللى يتكلم وبعدين انا ملاحظ دلوقتى فى الجرايد اول لما كانوا بيعلنوا على العربية قالك 124 حصان ودلوقتى كاتبين 126 حصان وفى النت كاتبين 124 حصان هايشتغلونا من دلوقتى ولا اية وعلى فكرة انا من رائى ان العربية دية لو كتبلها النجاح هيبقى عشان شكلها ليس اكتر مش عارف حاسس كدة انها عادية جدا بس مزودينها شوية انت عارف بقى لما يحبوا يعلنوا عن حاجة بضمير هيعملوا اية (فارجو منكم عدم المبالغة فى وصف السيارة لمجرد انها عجبتكوا من بعيد او حتى شوفتوها فى معرض لازم تكونوا جربتوها ولفترة كمان يعنى تجربة شاملة لانى كمان شايفها ضيقة بسبب تصميمها حاسس انها صغيرة يعنى اصغر من القديمة
وشكرا ليكوا

المشاركة الأصلية كتبت بواسطة meromar

مستحيل ابيع اللانسر عشان اجيب كيا ..انا مش بقول انها عربية وحشة ولكن يبقى معايا جنية دهب وابيعة واشترى جنية فضة !!!! اهو دة اللى مش ممكن ابدا وخلى بالك اعادة بيع الكيا وحش اوى اوى مش زى اللانسر خالص ودى نصيحة لوجة الله اوعى تفرط فالميتسوبيشى اوعى

1000شكر يا رجالة و انا فى انتظار تجربة العربية بس بردوة انا حاسس انى مش هقدر افرط فى اللانسر علشان لو العربية بالشكل فعلا زى ما حضرتك قولت يبقى الاسبرنزا احسن عربية فى الدنيا