ليه ميكنش في حلقة سيارات في مصر
سؤال ورد على بالي وانا بتصفح المنتدى وبقراء تعليقات الاعضاء عن الحوادث والسرعات العالية يا جماعة " الممنوع مرغوب "
واننا نجبح جماح السباب دي حاجة مستحيلة مستحيلة... وطبعا الشباب دول دايميين يعني على مر السنين حيكون في شباب يعني انطلاق - يعني تهور - يعني عدم خبرة - يعني عدم سيطرة.
وحنا ممكن نتجنب المصايب اللي بتحصل كل يوم في كل المحافظات..!!
ليه ميكنش في حلقة سباق في مصر مصممة بطريقة هندسية مخصصة للسرعات العالية وتكون مفتوحة لكل الناس " اللي عاوز يجري ، اللي عاوز يقفل الامبير ، اللي عاوز يجرب التيربو ، اللي عاوز يشوف عزم عربيتة وامكانيتها الرياضية يروح ويعيش..
الحلقة ممكن تكون باشتراك وعضوية او بإجار لمده معينة..
وطبعاً ده حيكون مشروع قطاع خاص وانا متأكد انه حيكون مربح جداً جداً لو اتنظم و إدار بشكل صحيح..
المكان ممكن يكون في اي حته ما اوسع الصحراء في مصر
واظن بالطريقة دي مش حنفضل نسمع عن الحوادث والمصايب اللي بتحصل بسبب السرعات العالية اللي مش في مكنها ولا وقتها الصح..
مع العلم ان في دول عربية فيها حلقات سباق ومفتوحة للجميع يعني الموضوع مش معجزة... وعلى فكرم ممكن اي مطار قديم بدل ما يقفلوه يحولوه لحلقة سباق بانه بيكون جاهز بالتجهيزات اللازمة للسرعات العالية وقوة التحمل وبكده يكون مشروع عام.
مش عارف انا قلت افكر بصوت عالي واقولكم على اللي بفكر فيه... يمكن يكون اقتراح كويس، يمكن يكون تخاريف
مستني أرائكم ومشاركتكم.